Rom Teeb 13:7 - Yennu Gbounpaauŋ Mɔɔr

⁷ Li paak, turimm linba tee bi yar; li-i jaŋ nan bin gaar niib lampo, amii linba ki a mɔk paak lampo, fan pa ki turib; li-i jaŋ nan ki a baak nirɔ, fan baakɔ; li-i biakii jaŋ nan fii tiin nirɔ, fan tinɔ.

Yennu Gbouŋ Mɔɔr

⁷ Li paak, turimm linba tee bi yar; li-i jaŋ nan bin gaari lampo, amii linba ki i mɔk paak lampo, yin pa turib; li-i jaŋ nan ki i baak nirɔ, yin baakɔ; li-i biaki jaŋ nan yii tiin nirɔ, yin tinɔ.

Rom Teeb 13:7 ပူးပေါင်းရင်းမြစ်များ

Matiu 17:25

Ki Piita jiin a “U pa,” ŋaan kɔɔ ŋaak ni. Li yoo na ki Yisa dɔŋ piin li barii ki boiɔ a “Simon, a dukii nlee? Lamme tuu pa lampo ki teen tingbouŋ na kpanbara, bi mɔŋ booru ni niib amii saammii?”

Matiu 22:21

Ki bi jiin a “Siisa na yare.” Ki Yisa betib a “Tɔn, i yenn-ii pa man kii teen Siisa linba tee u yar, ŋaan mun-ii bia pa kii teen Yennu linba tee Yennu yar.”

Barŋanii nba ki MAK din sɔb nae na 12:17

Ki Yisa yetib a “Tɔn, yii yenn-ii pa kii teen Siisa linba tee u yar, ŋaan kii mun-ii pa kii teen Yennu linba tee Yennu yar.” Ki li yaar ŋaan litib bonchiann nan Yisa.

Barŋanii nba ki LUK din sɔb nae na 20:22

Tɔn, ti sennu chabit nan tii pa lampo kii teen Rom tiŋ kpanbar Siisa amii ti daa pa?”

Barŋanii nba ki LUK din sɔb nae na 20:25

Ki Yisa betib a “Tɔn, yii yenn-ii pa kii teen Siisa linba tee u yar, ŋaan mun-ii pa kii teen Yennu linba tee Yennu yar.”

Barŋanii nba ki LUK din sɔb nae na 23:2

Leŋe ki bi ji din piin ki want u biit ki yeen a “Ti la nirɔ na ki u biir ti niib ki yaa a bi daa pa lampo kii teen Kpanbar Siisa, ki bia yeen a ŋɔɔe tee Yennu Niganntɔɔ Masia, ki bia tee kpanbar.”

Rom Teeb 12:10

I loon leeb man bonŋann kaman nan nirɔ nan u naa bik nba tuu loon leeb biaŋinba na, ki kot kii baakit leeb;

Rom Teeb 13:6

Li paake te ki ti pa lampo, kimaan Yennue senn yent damm na a yoo kur bin jiir ki dia tingbouŋ na bonŋann.

Efesus teeb 5:33

Ŋaan li bia want yimme a li ŋan ki jɔɔ kura-ii loon u poo kaman nan wa loon u mɔŋ biaŋinba na, ki poo kura-ii munii baakit u sɔrɔ.

Efesus teeb 6:5

Tɔn, binba tee daaba mun-ii saak bi chanbaanba mɔi, kii tiimm jaŋmaanii, kii tuun toonn kii teemm nan i para kura kaman nan ya bo sii tuun ki teen Masia biaŋinba na.

1 Timoti 5:13

Linba pukin, bi bia biir bi yoo ki ki loon toona, ŋaan lin lɔɔn ŋei ki tumii sanjaauŋ, nan niib barkpeena ni kɔɔnu, ki lin piak linba ki ŋan nan bii piaki.

1 Timoti 5:17

Masia niib yudamm nba diab fanu na ŋan nan nibaakir bonchiann; ki binba mɔɔntir Masia labaar ki wantib li paak, ŋamme mantik ŋan nan nibaakir;

1 Timoti 6:1

Li kpaa talase ki binba tee daaba na-n tur bi yomdamm nibaakir, ki nisɔɔ daa piak biir Yennu sann nan u wannu.

1 Piita 3:7

Poosɔrib, i mun-ii be fanu man nan i poob, kii mi nan bi tee tariie i boor, kii teemm nibaakir, kimaan yimm nan ŋamm kur tan sa gaar Yennu piinŋann nba tee manfoor; ŋanne bia sa te ki Yennu sa gaar i miaru.