Rom Teeb 13:11 - Yennu Gbounpaauŋ Mɔɔr

¹¹ Yii tee nna man kimaan ya mi yoo na nba tee biaŋinba na. Yoo na baara ki i sa fiir i gɔɔn ni. Ti tinnu daar pera, ki ki fɔk kaman nan la din fɔk biaŋinba yoo nba ki ti din piin ki teen Yisa Masia yada na.

Yennu Gbouŋ Mɔɔr

¹¹ Ii tee nna man kimaan yaa mi yoo na nba tee biaŋinba na paak. Yoo maŋ baar nan yin fiir gɔɔn niwa. Ti tinnu daar pera, ki ki fɔk nan laa din fɔk biaŋinba, yoo nba ki ti din piin ki teen Yiisa Masia yada na.

Rom Teeb 13:11 ပူးပေါင်းရင်းမြစ်များ

Matiu 16:3

A ŋaan li-i tee ki sanpagbant mɔn ŋaan tan bɔnt sanyiɔk ni, i tuu yet a ‘Dinna ŋanin, saak sa baawa.’ I fit bukitir sanpagbant nyina, ŋaan kan fit bukit mɔtana yoo na-aa?

Barŋanii nba ki LUK din sɔb nae na 21:28

Ki linba na nba tan sa piin teenue, yii mɔk parcheenn kimaan i tinnu yoo pera.”

1 Korint teeb 10:11

Linba na kur tun ki turib ki li tee kpaanii ki tur leeb, ki li sɔb Yennu gbouŋ ni ki tee kpaanii ki tur timm nba be yoo nba ki dunia loon gbennu na.

1 Korint teeb 15:34

Ŋaant ki i yan-n jen, ki ji daa tuun toonbiiti. I siab ki mi Yennu; ŋanne ki n sɔbin na ki yaa n dinni fei.

Efesus teeb 5:14

Kimaan linba kur ki bi fiit li gbina, li ji tuu dɔɔ yeenin nie. Li paake ki li din sɔb Yennu gbouŋ ni a “Fin nba gɔɔnt, fan fiir gɔɔn ni, ki li want nan a fiir kuun nie na, ki Masia sa tura u yentu.”

Jeems 5:8

Li paak, i mun-ii mɔk gbankur, ki chee i para kimaan ti Yomdaanɔ baaru daar per na.

1 Piita 4:7

Bont kura gbennu ji ki fɔk; li paak, yi soor i mɔŋ kii sub kii mei Yennu.

2 Piita 3:11

Ki bont na kur nba tan sa di muu nna na, i dukin sɔɔ li ŋan ki yii tee niboor bee mani? Li ŋan ki yii mɔk binbenyeeŋ, kii tiin Yennu,

2 Piita 3:9

Nisiab dukii a li tan sa yukir nan ti Yomdaanɔ-n tun mɔsonn nba ki u din senn na, ŋaan li ki tee nna; li tee a u mɔk sukuru nani; u ki loon ki sɔɔ-n tan mann kɔɔ muu ni, u loon ki sɔɔ kur-n nyik u biite ki la tinnu.

1 Jɔɔnn 2:18

N waas, dunia gbennu yoo baat. I poŋ mi gbat a Masia datasɔɔ sa baar; ki mɔtana, Masia datasiab bonchiann poŋ baar na, ki ŋanne te ki ti set bann nan dunia gbennu yoo baat.

Fiitu 1:3

Wunba karin sɔkinii mɔmaan nba sɔb gbouŋ na ni, parpeenn tee u yare, ki binba gbia mɔmaan maŋ ki saakir, parpeenn tee bi yare mun, kimaan yoo pera ki linba kur sa tun na lin tun.

Fiitu 22:10

Ki u bia betin a n daa bɔrii sɔkinii mɔmaan nba be gbouŋ na ni, a kimaan yoo na pera;

Fiitu 22:12

Ti Yomdaanɔ Yisa yet a “Gotir man, n baate mɔtana na, ki dia sɔɔ kur nan u toona nyɔɔt a n tan pau.

Fiitu 22:20

Tɔn, ki wunba tur siara na yet a “Mɔmɔmm, n baate mɔtana.” Mɔmɔmm, ŋaant ki lin teen nna. Ti Yomdaanɔ Yisa, baat na.