Rom Teeb 12:8 - Yennu Gbounpaauŋ Mɔɔr

⁸ li-i tee ki a kpaan a leeb kpaanii, fan tun nna; fin nba mun pi piinii, i tuun nna kaman nan burchimɔ na; wunba mun mɔk yaak niib paak, li ŋan wun tun yaak toonn maŋ bonŋann; ki wunba mun mɔk ninbatinu nan niib, li ŋan wuu mɔk ninbatinu nan parpeenn.

Yennu Gbouŋ Mɔɔr

⁸ li-i tee ki a kpaan a leeb kpaaniie, fii tuun nna; fin nba mun pi piinii, ii tuun nan burchint; wunba mun mɔk yiikoo niib paak, li ŋan ki wuu tuun yiikoo toonn maŋ bonŋann; ki wunba mun mɔk ninbatinu nan niib, li ŋan wuu mɔk ninbatinu maŋ nan parpeenn.

Rom Teeb 12:8 ပူးပေါင်းရင်းမြစ်များ

Matiu 25:40

Ki min Bat na mun tan sa jiin ki betib a ‘Barmɔniie ki n beeri na, ya din tun linba ki tur wunba tee tatimɔɔ n naa waas na sinsuuk ni na yenɔkɔɔ, i din tuun ki teen mine.’

Toona 11:23

Wa din saa baar leŋ yoonba ki la Yennu nba turib sommir biaŋinba, ki u la parpeenn bonchiann, ki din chee bi para, ki kpaan bi kur kpaanii a bi daa nyikit Yisa weiu.

Toona 13:12

Ki yudaanɔ na nba la linba teen na, ki u teen Yisaweirɔ, kimaan u yan din kɔɔ nan linba ki u ji bann ki jikit saa ti Yomdaanɔ po na.

Toona 13:15

ki la ki bi karin Moses sennu ni nan Yennu sɔkiniinba sɔbu ni, ki Yenjiantu diiuk maŋ ni saakab yetib a bin yet Pɔɔl nan Banabas a “Ti naa waas, li-i tee ki i mɔk labaŋann nbaie ki sa pak ki turit, yin pak.”

Toona 15:32

Ki Judas nan Sailas, binba din tee sɔkiniinba na, din yukir namm ki betib Yennu maan bonchiann ki cheen Yisaweira maŋ para ki totib.

Toona 20:2

ki din lin Masedonia tiŋ yaka po, ki bia pak Yisaweira nba be leŋ na Yennu maan bonchiann ki kɔɔntib para, ŋaan gar saan Akaya,

Toona 20:28

Li paak, i dia i mɔŋ man bonŋann, nan Yisaweira nba ki Yennu Seyeeŋ kubin i nuu ni a yii tee bi yudamm kii goriib. Ŋamme ki Yennu jiib ki teemm u niib, kimaan u Bija Yisa nba din kpo na paak.

Toona 4:36

Ki jasɔɔ din be leŋ ki u sann yi Josef, ki u din tee Liifai booru ni nirɔ, wunba ki bi din marɔ Saiprus, ki toomiinba na din yiu Banabas (ki li paak tee Sommtɔɔ na),

Rom Teeb 12:13

ŋaan paat linba ki i mɔk na ki tur Yennu niib nba ki mɔki, ŋaan kii gaan saamm kii chantirib i ŋei ni.

Rom Teeb 13:6

Li paake te ki ti pa lampo, kimaan Yennue senn yent damm na a yoo kur bin jiir ki dia tingbouŋ na bonŋann.

1 Korint teeb 12:28

Ŋanne ki Yennu gann toomiinba u niib sinsuuk ni ki bi tee saakab; ki wei gann sɔkiniinba; ki gann wannteeb; ki wei paan binba tuun bakitnauŋ toona; ki gann binba te ki baatib paak, ki gann sommteeb; ki wei paan saakab nba ŋan ki gorii toona paak; ki wei paan binba piak mabooru booru.

1 Korint teeb 14:3

ŋaan wunba sɔkint Yennu maan ki teen niib, u teemm paŋe, ki kɔɔntib para, ki bia teemm parpeenn.

2 Korint teeb 1:12

Linba paak te ki ti mɔk yuugontir na tee nnee: ti dudukite wantit nan ti mɔk barmɔnpaku nan yentinu tingbouŋ na niib boor, ki mantik daan be nna ki jiin timm nan yimm weinanleeb po na; ki Yennu sommir paake te ki ti be nna maŋ, li ki tee nisaarii yan paak kaa.

2 Korint teeb 11:3

N mɔk jijeet i paak ma n mi niib tan sa mann kpanni a i ji daa waa Masia fanu, kaman nan Sintaanii nba din kpann Adam ŋaapoo Iif biaŋinba na.

2 Korint teeb 8:12

Nisɔɔ nba loon ki wun tur Yennu piinii, ŋaan turɔ kaman nan wa mɔk biaŋinba, Yennu sa gaara. Yennu ki loon ki nirɔ-n turɔ ki gar wa mɔk linba.

2 Korint teeb 9:11

Li-i tee ki i sommit niib bonchiann, Yennu sa sommi bonchiann. Ya turit piinii a ti somm leeb na, li paak te ki niib bonchiann piak Yennu i piinii maŋ paak.

2 Korint teeb 9:13

Li-i tee ki i sommitib, ŋanne sa wannib nan i set gaar Masia barŋanii ki sakira, ki i nuu tian ki i chentir namm nan niib kur ya mɔk linba. Ŋanne sa te ki bin dont Yennu sann,

2 Korint teeb 9:7

Wunba kur dukin u par ni a wun pi piinii biaŋinba, li yɔɔ-n pi nna, ki daa piin nan parbiiri, amii ki pi nan muksuku, kimaan Yennu loon nisɔɔ nba piin piinii nan parpeenne.

Efesus teeb 6:5

Tɔn, binba tee daaba mun-ii saak bi chanbaanba mɔi, kii tiimm jaŋmaanii, kii tuun toonn kii teemm nan i para kura kaman nan ya bo sii tuun ki teen Masia biaŋinba na.

Kolosa teeb 3:22

Daaba, yii saak i yomdamm mɔi bonsiar kur ni, ki li daa tee yoo nba ki bi gorii-i na kuukɔɔ kaa, a yin penn bi para ki gaar pinpakiti, ŋaan yii tuun nan nunmɔnn yoo kura, kimaan ya baak ti Yomdaanɔ biaŋinba na.

1 Tesalonika teeb 2:3

Kimaan ta din beeri linba na din ki tee linba din nyii faak nan dudukbiit ni, amii ti din ki kpanni kaa,

1 Tesalonika teeb 2:8

Ta din looni bonchiann na paak, ti din mɔɔntir Yennu barŋanii ki teeni; li kuukɔɔ kaa, ŋaan ti bia din jii ti mɔŋ mɔŋ manfoa ki likin saaŋmanii i paak, kimaan i mantik teen ti niloonkab ki li yabita.

1 Timoti 4:13

Jiin a yoo nan a yaak ki karin Yennu gbouŋ ki wannib li paak, kii mɔɔntir Masia barii mɔkmɔk nan yoo nba ki n tan sa baar.

1 Timoti 5:17

Masia niib yudamm nba diab fanu na ŋan nan nibaakir bonchiann; ki binba mɔɔntir Masia labaar ki wantib li paak, ŋamme mantik ŋan nan nibaakir;

1 Timoti 6:18

Bii tuun toonŋana, ki bi toonŋana maŋ-ii yab; ki bi nii-ii yaa nan piinii turu.

Hiibru teeb 10:25

ki daa nyikit lakina nan ti leeb kaman nan nisiab nba nyikit lakinu biaŋinba na, ŋaan i sommit leeb man, ki mantik tee ta ji laat ki ti Yomdaanɔ daar maŋ nyarii naki biaŋinba na paak.

Hiibru teeb 13:17

Yii saak i yudamm mɔi ki sikin i mɔŋ ki turib, kimaan bi baka be i benu ni, kimaan bi tan sa wann Yennu bi toona nba ki bi din tuun. Ŋaant ki bin tan wannɔ nan parpeenn, ŋaan tan daa wantɔ nan parbiiri. Nna tan kii mɔk nyɔɔt ki turiini.

Hiibru teeb 13:22

N naa waas, n barimiie, yi di sukuru ki gbiint kpaanii na; kimaan ma sɔb gbouŋ nba turi na ki fɔki.

Hiibru teeb 13:24

Yi foont i yudamm kura nan Yennu niib na kura ki turit. Ti naa waas nba nyii Itali tiŋ ni na foonti.

Hiibru teeb 13:7

I tian man i yudamm nba din tuu piak Yennu maan ki teeni na po; ki yii dukii bi binbeŋ nyɔɔt nba tee biaŋinba ki yii tokii bi yada.