Rom Teeb 12:3 - Yennu Gbounpaauŋ Mɔɔr

³ Yennu nba tinin ninbaauk na paake ki n yeen sɔɔ kur a sɔɔ daa dukii u par ni a u tee nijaann ki gar wa tee biaŋinba; ŋaan ŋaant ki sɔɔ kur-ii dukii ki bann yada nba ki Yennu turɔ na bikinu.

Yennu Gbouŋ Mɔɔr

³ Yennu nba tinin ninbaauk na paake ki n yeen i kur a i sɔɔ daa dukii u par ni a u tee nijaann ki gar waa tee biaŋinba; ŋaant ki sɔɔ kur n dukin ki bann yada nba ki Yennu turɔ na bikinu.

Rom Teeb 12:3 ပူးပေါင်းရင်းမြစ်များ

Barŋanii nba ki LUK din sɔb nae na 18:11

Ki Farisii nirɔ na set ŋaan miar u mɔŋ dudukit ni ki yet a nna, ‘Yennu, n teena niipoouk, kimaan n ki tee biitdaanɔ kaman nan nileeb na. N ki tee ninfɔkdaanɔ, ki bia ki di fobiti, ki mun bia ki tuun bonchonchonsimi. Niipoouk nan ma ki tee kaman nan lampogaartɔɔ na na.

Jɔɔnn 3:34

Yennu Bija nba ki u tumɔ na, wa piak maan nba na, li tee Yennu maame, kimaan Yennu tur u Bija maŋ Seyeeŋ nba yab ki kaa bikinu.

Rom Teeb 1:5

Ŋɔɔ paake ki Yennu ninbatinu be n paak ki te ki n tee u toomii, ki n jii u sann ki saan nibooru kur boor ni, ki te ki bi teenɔ yada ki saak u mɔb;

Rom Teeb 11:20

Li set tee mɔniie; ba ki teen yada na paake ki u kɔnnib, ki fin nba teen yada na paake ki u jiin tukina li paak. Ŋannimi a ji daa mɔk parbifaant dudukit li paaki, ŋaan kii mɔk jaŋmaanii.

Rom Teeb 11:25

N naa waas, n loon ki yin bann woonin ni bonsiar, a i daa dukii nan i tee yan damme; ki li tee a Juu tesiab yura paar, ki li sii be nnee ki tan baar yoo nba ki binba ki tee Juu teeb kur nba ki Yennu gannib na, bin tan teen Yisa yab.

Rom Teeb 12:16

Yii mɔk man dudukyennkɔɔ ki daa mɔk dontinmɔŋ; ŋaan kii saak toona nba ki mɔk dontinmɔŋi, ki daa dukii nan i mɔk ninyentiri.

1 Korint teeb 15:10

Ŋaan Yennu sommir paake ki n tee ma tee wunba, ki sommir nba ki u jii ki turin na, li ki tee yanni; n tun ki gar toomiinba na kura, ŋaan li ki tee a mine tumi, li tee Yennu sommir nba be n ni nee tun.

1 Korint teeb 3:10

Yennu nba sommin biaŋinba na paak, n tee kaman nan tanmaaŋanɔ nee, ki piin fiakir, ki sɔɔ mun maa ki tɔɔnt li paak. Ŋaan wunba kur maa ki tɔɔnt li paak, wun soor u mɔŋ.

1 Korint teeb 7:17

I be binbeŋ nba ni ki Yennu senna. Nnee ki n lin ki want Masiaweira.

2 Korint teeb 10:13

Ŋaan timm ŋanin, ti ki dont ti mɔŋ ki gaar ti toona nba tee biaŋinba. Ti mɔk yuugontir nan toona nba ki Yennu nyinnit ki turit na paake. Ta beeri Yennu mɔmaan nba nae tee toona maŋ yenninba.

2 Korint teeb 12:13

Nlee ki Masiaweileeb na cheeini? Ma ki boi-i bonsiar sommir po na, ŋanne te ki bi cheeinii? Li-i tee ŋanniie te ki n mɔk biit, yin teenin gafara man!

2 Korint teeb 12:7

Yennu nba din wannin bakitnant nba bonchiann na, ŋaan u ki loon ki n donn n mɔŋ li paaki; li paak te ki u din te ki muksuk nyii Sintaanii boor ni ki baarin. Li muksuk yiarin kaman nan kunkonn nba tuu ŋmuu nirɔ gbanant ki li yiarɔ biaŋinba nee.

Galasia teeb 6:3

Sɔɔ-i kii tee siar, ŋaan bikii a u mun tee sɔɔe, u kpann u mɔŋe.

Efesus teeb 3:2

N ki biris nan i poŋ gbat nan Yennu turin toona na i sommir paaki.

Efesus teeb 3:4

(I-i karin ma din sɔb linba waaminna na, i sa bann nan n set mi siar ki jiin Masia po.)

Efesus teeb 4:16

Ŋɔɔe te ki gbanant bɔka kur dia bi leeb, ki gbanant maŋ tukita dia nan leeb; li kura-i bo-i tuun nan leeb chib chib, gbanant maŋ bo sii nɔbee nan leeb.

Filipi teeb 2:13

kimaan Yennu yɔɔ tuun nanie, a yii loon yii tuun u loomm kii biakii tuun u loomm maŋ.

Kolosa teeb 1:29

Linba na paak ki n lek yabii nan n paŋ kur nba ki Masia turin ki li yab bonchiann.

Kolosa teeb 2:13

I din tee kpeemme sianyoo, kimaan i toonbiit paak nan ya din ki tee Juu teeb, ki bia din ki mɔk sennu na paak. Ŋaan mɔtana Yennu nyik chab i toonbiite, ki turi manfoor Masia ni.

1 Timoti 1:14

Ki ti Yomdaanɔ Yisa Masia din tan tinin ninbaauk nba yab ki kaa bikinu, ki te ki n teenɔ yada ki loonɔ.

1 Timoti 2:15

Ŋaan poo-i teen Yisa yada, kii loon niib, kii tee popeendaanɔ, kii be soonna, Yennu sa tinnɔ u maaru niwa.

1 Timoti 2:9

N bia loon ki poob na mun-ii be kaman nan Yisaweira nba bo sii be biaŋinba na, ki bann chinchenbabu nan taliannu nba jaŋ nan Yisaweira na. Bi-i lorin bi yut nan kut nyinyirit, amii ki pir sarinbana amii laan nyinyirit nan tiat nba ki li daauk paar, linba na kan teemm fanti;

Taitus 2:12

Li ninbatinue wannit a tin nyik linba kur ki tee yentinu na, nan tingbouŋ na loonbiit, ŋaan dia ti mɔŋ, kii be fanu, kii tiin Yennu tingbouŋ na ni,

Taitus 2:2

A kpaan jasaakab ki bii be soonna, kii sub, kii dia bi mɔŋ, kii dia Masia labaar fanu, kii loon niib, kii mɔk gbankur.

Taitus 2:4

kii want poobis na ki bii loon bi sɔrib nan bi waas,

Taitus 2:6

A bia kpaan naasimm ki bin dia bi mɔŋ.

Jeems 4:6

Ŋaan u bia teent sommir bonchiann. Li paak, li sɔb Yennu gbouŋ ni a “Yennu kɔn nan karinbaanii damme, ŋaan sommit binba sikin bi mɔŋ.”

1 Piita 1:13

Li paak, yi teen i dudukit siir nan yan, ki soor i mɔŋ, kii mɔk dindann nan barmɔnii a i sa di mant bonchiann yoo nba ki Yisa Masia tan sa nyi paanu na.

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nee; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu-n la paku bonsiar kur ni Yisa Masia paak; ŋɔɔ Yennu yen paku nan paŋ kur yoo nba kaa gbennu. Mɔmɔmm.

1 Piita 4:7

Bont kura gbennu ji ki fɔk; li paak, yi soor i mɔŋ kii sub kii mei Yennu.

1 Piita 5:5

Nnee mun, yimm nba tee nipaauŋ, yii saak saakab mɔi; ki i kur-ii gaan leeb mɔi, ki i kur-n teen tarii i leeb boa, kimaan li sɔb Yennu gbouŋ ni a “Ŋɔɔ Yennu yêen karinbaandamme, ŋaan sommit binba sikint bi mɔŋ na.”

1 Piita 5:8

Yii dia i mɔŋ man, ŋaan kii mi i dataak nba tee Sintaanii na po; u line kaman nan yambɔr nee, ki loon wun la sɔɔ ki soor ŋman.

3 Jɔɔnn 1:9

N poŋ mi sɔb barsai nna ki tur Masiaweira nba be a boor ni na, ŋaan ki Diotrefes yêen n mɔb, kimaan u loon wun pur u mɔŋ nijaanne.