Rom Teeb 12:17 - Yennu Gbounpaauŋ Mɔɔr

¹⁷ I daa tuun biit ki jiint biit paaki; kotir i mɔŋ kii tuun linba ki niib kur sa la ki li ŋan.

Yennu Gbouŋ Mɔɔr

¹⁷ I daa tuun biit ki jiint biit paaki; kotir i mɔŋ kii tuun linba ki niib kur saa la ki li ŋan.

Rom Teeb 12:17 ပူးပေါင်းရင်းမြစ်များ

Matiu 5:24

wun nyik u piinii maŋ leŋ, ŋaan ŋmat saan u naa bik na boor ki bin saa ŋamm bi barii ki gbenna, ki wun jen ki tan pi u piinii maŋ ki tur Yennu.

Matiu 5:39

ŋaan min ŋanin beerie la, nan i daa jiint leeb pana; sɔɔ-i peb a tanpak a nuudiitu po kpianu, fan ŋmant a gaŋ po mun ki wun peb;

Rom Teeb 12:19

N naa walonkai, i kpan daa tuun biit ki jiint biit paaki, ŋaan ŋaant ki Yennu-n pa pann maŋ ki dat bi tuba ki jiin. Li sɔb Yennu gbouŋ ni a ti Yomdaanɔ yet a “Min kuukɔɔe mɔk yaak nba ki sa dat niib tuba; mine sa jiin ki tun biit maŋ.”

Rom Teeb 14:16

Linba ki a dukii a li ŋan, a daa te ki niib-n pak biit li paaki.

Kolosa teeb 4:5

I mi man i binbeŋ nba tee biaŋinba ki tur binba ki tee Masia niib na, kii jii i yoo kii tuun fanu.

1 Tesalonika teeb 4:12

Ŋanne sa te ki binba ki tee Masiaweira na-n turi nibaakir, ki li ji kii kpaa talas ki yin jɔɔb i mɔŋ ki denn sɔɔ i bonlonkara paaki.

1 Tesalonika teeb 5:15

I kpan daa tuun biit ki jiint biit paaki, ŋaan yii te ki lii tee i lor yoo kur nan yin tun linba ŋan ki tur i leeb nan sɔɔ kur man.

1 Tesalonika teeb 5:22

ki nyi biitbooru booru kura ni.

1 Timoti 5:14

Li paak, min bo sii loon ki pakɔi nba tee poobis na-n kun jabe ki mar waas, ki got bi ŋei fanu, ki ti datai daa laat yaak ki piak biit jiint ti po,

1 Piita 2:12

ŋaan kii be fanu tingbouŋ na niib sinsuuk ni, ki li-i tee ki bi sukii-i a i tee biitdamm, bi sa la i toonŋana ki dont Yennu, daar nba ki u tan sa baar na.

1 Piita 3:16

Yi gatɔ soonna kii tiin Yennu, ki ŋaan ki i benu-ii ŋan, ki bi-i sukii-i ya tuun toonŋana Masia paak na, bi sa di fei bi sukit maŋ ni.

1 Piita 3:9

I daa tuun biit ki jiint biit paaki, i bia daa sukii ki jiint wunba sukiini, ŋaan kii jiinɔ a “Yennu-n senn mɔsonŋann a paak,” kimaan Yennu din yiini a yin gaar u mɔsonŋanne.