Rom Teeb 12:16 - Yennu Gbounpaauŋ Mɔɔr

¹⁶ Yii mɔk man dudukyennkɔɔ ki daa mɔk dontinmɔŋ; ŋaan kii saak toona nba ki mɔk dontinmɔŋi, ki daa dukii nan i mɔk ninyentiri.

Yennu Gbouŋ Mɔɔr

¹⁶ Ii mɔk man dudukyennkɔɔ ki daa mɔk dont-n-mɔŋ; ŋaan kii saak toona nba ki mɔk dont-n-mɔŋi, ki daa dukii nan i mɔk yami.

Rom Teeb 12:16 ပူးပေါင်းရင်းမြစ်များ

Matiu 11:5

a i la ki jɔɔnii nyɔɔntir, ki wɔbii taa naatir ki bi somm, ki gbaata ŋaat gbent, ki tukpaa ji gbia, ki kpeemm fi kuun ni, ki talasdamm gbiintir barŋanii mɔɔntii.

Matiu 26:11

Talasdamm ŋanin sii yɔɔ be i boor ni yoo kura, ŋaan min ŋanin kii yɔɔ be nna kaa.

Barŋanii nba ki LUK din sɔb nae na 14:13

Li-i tee ki a yiin jaamue, fan yiin talasdamm nan wɔbii nan dianii nan jɔɔnii,

Barŋanii nba ki LUK din sɔb nae na 6:20

Li yoo na ki Yisa got u poorpoweiteeb ŋaan yet a “Yimm tatimm, parpeenn tee i yare, kimaan Yennu naan tee i yare.

Toona 4:32

Li yoo na ki Yisaweira maŋ kura taan leeb nan dudukyent kuukɔɔ, ki chentir bi bona ki teen bi leeb. Bi sɔɔ din ki yaa a u yen siar nan u mɔŋi.

Rom Teeb 11:20

Li set tee mɔniie; ba ki teen yada na paake ki u kɔnnib, ki fin nba teen yada na paake ki u jiin tukina li paak. Ŋannimi a ji daa mɔk parbifaant dudukit li paaki, ŋaan kii mɔk jaŋmaanii.

Rom Teeb 11:25

N naa waas, n loon ki yin bann woonin ni bonsiar, a i daa dukii nan i tee yan damme; ki li tee a Juu tesiab yura paar, ki li sii be nnee ki tan baar yoo nba ki binba ki tee Juu teeb kur nba ki Yennu gannib na, bin tan teen Yisa yab.

Rom Teeb 12:3

Yennu nba tinin ninbaauk na paake ki n yeen sɔɔ kur a sɔɔ daa dukii u par ni a u tee nijaann ki gar wa tee biaŋinba; ŋaan ŋaant ki sɔɔ kur-ii dukii ki bann yada nba ki Yennu turɔ na bikinu.

Rom Teeb 15:5

Yennu nba teent sukuru ki sommit na, wun turi dudukyennkɔɔ kaman nan Yisa Masia nba loon biaŋinba;

Rom Teeb 6:2

Aaii, ŋann kaa. Li tee kaman nan ti kpo nee, ki li paak biit ki mɔk ti yaaki. Ŋannimi ti kan biar toonbiit tumu ni.

1 Korint teeb 1:10

N naa waas, n barimiie ti Yomdaanɔ Yisa Masia sann ni a yin taan mɔb, ki mɔniɔk daa be i sinsuuk ni, ki yii taa mɔyemmkɔɔ nan dudukyennkɔɔ.

1 Korint teeb 3:18

Sɔɔ daa kpann u mɔŋi. Sɔɔ-i be i sinsuuk ni ki dukii nan u tee yan daanɔe tingbouŋ na binbeŋ ni, li ŋan wun kpant u mɔŋ jatuk ki set teen yan daanɔ.

1 Korint teeb 4:10

Ti tee jatite Masia paak, ŋaan yimm ŋanin tee yandamme Masia sɔnu ni; ti ki mɔk paŋ, ŋaan yimm ŋanin mɔk paŋ; ki niib teeni nibaakir ŋaan yisin timm.

1 Korint teeb 6:5

Na tee feie ki turi. Mɔniɔk-i baar yimm Masia niib sinsuuk ni, sɔɔ kaa i sinsuuk ni ki mɔk yan nba sa fit ŋamm maan maŋii?

1 Korint teeb 8:2

Wunba dukii nan u mi siar, li daanɔ daa ki mi nan wa bo sii mi na.

2 Korint teeb 13:11

N naa waas, linba ji biar tee min chabie. Ŋammit i sɔnu man, kii saak n kpaanii man, kii mɔk mɔtaauk, nan parmaasir; ki Yennu nba loonit ki teent parmaasir na sii be nani.

Filipi teeb 1:27

Mɔtana, linba kpaa talas tee a yi ŋaan ki i binbeŋ sɔnu-ii tee nan Masia barŋanii nba loon lii tee biaŋinba na, ki mi-i lekii fit saan lai amii mi-i kii fit laini, ŋaan n sa gbat a i see fanu nan dudukyennkɔɔ, ki taan mɔtaauk ki yabii i mɔŋ ki barŋanii maŋ-ii saa tɔɔnn.

Filipi teeb 3:16

Ŋaant man ki tii dia barmɔnii kuukɔɔ kaman nan ta din dia biaŋinba nan mɔtana na.

Filipi teeb 4:2

N niipoob Yuodia nan Sintike, n barimiie, yii yabir kii be nan parmaasir nan i leeb ti Yomdaanɔ paak.

Hiibru teeb 13:5

Yi nyinn i niauŋ nan liklommu, ŋaan te ki i numm-n gboo nan ya mɔk linba; kimaan Yennu yet a “N kan mi ki nyikani, n bia kan mi ki ŋaanani.”

1 Piita 3:8

Linba biar na tee nnee; i kur-ii mɔk man dudukyenn, ki i baka-ii be i leeb ni, kii mɔk loomm nan Masiaweira, kii tiin i leeb ninbaauk, kii sikint i mɔŋ.

1 Piita 5:3

Daa mantik dia niib nba ki Yennu tura ki a diab na nan ninmɔnni, ŋaan te ki i binbenŋaŋ-n wannib ba sii be biaŋinba.

3 Jɔɔnn 1:9

N poŋ mi sɔb barsai nna ki tur Masiaweira nba be a boor ni na, ŋaan ki Diotrefes yêen n mɔb, kimaan u loon wun pur u mɔŋ nijaanne.