Rom Teeb 12:13 - Yennu Gbounpaauŋ Mɔɔr

¹³ ŋaan paat linba ki i mɔk na ki tur Yennu niib nba ki mɔki, ŋaan kii gaan saamm kii chantirib i ŋei ni.

Yennu Gbouŋ Mɔɔr

¹³ ki paat linba ki i mɔk ki tur Yennu niib nba ki mɔk na, kii gaan Yennu niib nba tee saamm kii chantirib i ŋei ni.

Rom Teeb 12:13 ပူးပေါင်းရင်းမြစ်များ

Matiu 25:35

kimaan kon din mɔkin ki i dinnin; ki nyunyukiru din mɔkin ki i turin nyun. N din tee saamɔe ŋaan ki i gaarin saauŋ i ŋei ni.

Toona 10:4

Kɔnelius nba din got la malaka maŋ na, ki jaŋmaanii soorɔ, ki u yet a “N yomdaanɔ, bee?” Ki malaka maŋ jiin a “Yennu gaar a miaruwa, ki bia gaar a ninkpabauŋ toona nba ki a tuun ki teen niib, ki bia tian a po.

Toona 4:35

ki tan teen toomiinba na, ki bi chentir ki teen bi leeb nan ba loon biaŋinba.

Rom Teeb 12:8

li-i tee ki a kpaan a leeb kpaanii, fan tun nna; fin nba mun pi piinii, i tuun nna kaman nan burchimɔ na; wunba mun mɔk yaak niib paak, li ŋan wun tun yaak toonn maŋ bonŋann; ki wunba mun mɔk ninbatinu nan niib, li ŋan wuu mɔk ninbatinu nan parpeenn.

1 Korint teeb 16:15

I poŋ mi Stefanas nan u ŋaateeb po, ŋamme din tee sinsinn niib nba be Akaya tiŋ ni ki din teen Masiaweira, ki bi jii bi mɔŋ ki tuun ki teen Yennu niib.

2 Korint teeb 9:1

Li ji ki kpaa talas ki n bia sɔb gbouŋ ki beti biaŋinba ki i sa somm Yennu niibi.

2 Korint teeb 9:12

Li-i tee ki i sommit Yennu niib ki teemm linba ki bi ki mɔk, li sa te ki niib saama-n tur Yennu niipoouk bonchiann.

Galasia teeb 6:10

Li paak, ti-i la yaak, ŋaant ki tin tun linba ŋan ki tur sɔɔ kura; ŋaan mantik kii tuun kii teen binba teen Masia yada ki tee u weira na.

1 Timoti 3:2

Li ki ŋan ki Masiaweira yudaanɔ-ii mɔk bisiati. Li kpaa talase ki wuu mɔk poo yenɔkɔɔ, kii tee subindaanɔ, kii dia u mɔŋ fanu, kii gaan saamm u ŋaak ni kii chantirib, kii tee wunba sa fit wann niib Yennu maan,

1 Timoti 5:10

ki poŋ tuu mɔk sanŋann u toona paak, ki tee wunba poŋ tuu mi waas wubiru fanu, ki gaan saamm u ŋaak ni, ki tuun sikininmɔŋ toona ki teen u leeb nba waa Masia na, ki sommit niib fara ni, ki poŋ jii u mɔŋ kura teen toonŋana tumu ni.

Taitus 1:8

Li kpaa talas ki wuu mi saamm gaaru, kii loon toonŋana tumu, kii sub, kii be fanu, kii tee popeendaanɔ, kii mi mɔŋdianu.

Taitus 3:14

Li kpaa talas ki Masiaweira-ii tuun toonŋana kii sommit niib bi fara ni, ki daa be binbeŋ nba kaa nyɔɔti.

Filemonn 1:7

N naa bik, a loomm maŋ turin parpeenn nan pardɔɔnn bonchiann, kimaan a cheen Yisa yab kur para.

Hiibru teeb 13:16

I daa nyikit toonŋana tumu, kii chentir ya mɔk linba nan i leeb. Li mannboorue pent Yennu par ni.

Hiibru teeb 13:2

I daa tammit saamm gaaru po, kimaan nisiab din tan gaar malakanba saauŋ, ŋaan ki mi a bi tee malakanbae.

Hiibru teeb 6:10

Kimaan Yennue ŋan, ki kan tamm ya tun linba ki turɔ amii ya loonɔ biaŋinba ki somm Masiaweira, ki bia daa sommitib na.

1 Piita 4:9

Yii gaar leeb saauŋ ki daa burimi.

1 Jɔɔnn 3:17

Daanɔ nba mɔk linba jaŋitɔ, ŋaan la ki u naa bik kɔŋ siar, ki u baka kaa u ni, Yennu loomm kaa daanɔ maŋ ni.

3 Jɔɔnn 1:5

N yɔɔk, fa sommit ti naa waas nba tee saamm gbaa biaŋinba na, a tuun linba ŋan.