Rom Teeb 12:11 - Yennu Gbounpaauŋ Mɔɔr

¹¹ kii tee nikakitii, ki daa tiin gbannyakiri, ŋaan kii tuun ti Yomdaanɔ toona nan i para kura,

Yennu Gbouŋ Mɔɔr

¹¹ kii tee nikakitii, ki daa tiin gbannyakiri, ŋaan kii tuun ti Yomdaanɔ toona nan i para kura,

Rom Teeb 12:11 ပူးပေါင်းရင်းမြစ်များ

Matiu 24:12

Biit nba tan sa mantik yabit tingbouŋ na ni na paak, ki niib bonchiann loomm tan sa maak.

Matiu 25:26

“Ŋanne ki u yomdaanɔ na betɔ a ‘Fin daabiyann na, a tee gbannyakdaanɔe; a poŋ mi nan n tuu tee wunba di linba ki n ki dii fara li paake, ki bia mi nan n jaan siaminba ki n ki bure,

Toona 18:25

Ki bi din poŋ wannɔ ti Yomdaanɔ Yisa sɔnuewa. Ki u tan baar ki din piak want Yisa po bonŋann nan nunmɔnn, ŋaan u daa din ki bann Yisa maan maŋ kuri, kimaan u kpan din mi Jɔɔnn nba din wuur niib Yennu nyunwuru biaŋinba kuukɔɔe.

Toona 20:19

I bia mi ma din tuun Yennu toona nan sikininmɔŋ bonchiann, nan ninnyuut, ki bia la fara Juu teeb lora paak.

1 Korint teeb 7:22

Wunba poŋ tuu tee daabir yoo nba ki u teen Masiaweirɔ na, u ji tee ti Yomdaanɔ yɔɔe; nnee mun, li-i tee ki a yen a mɔŋ yoo nba ki a teen Masiaweirɔ na, a ji tee Masia daabire.

Efesus teeb 4:28

Wunba tuu jaan u leeb bont na wun ji nyik jamu, ŋaan yabir tun toona ki fit tur tatimm linba ki bi loon.

Kolosa teeb 4:1

Yomdamm, yii tuun fanu tur i daaba man, kii mi nan i mɔŋ mun mɔk Yomdaanɔ Yendɔuŋ ni.

1 Timoti 5:13

Linba pukin, bi bia biir bi yoo ki ki loon toona, ŋaan lin lɔɔn ŋei ki tumii sanjaauŋ, nan niib barkpeena ni kɔɔnu, ki lin piak linba ki ŋan nan bii piaki.

Hiibru teeb 12:28

Li paak, ta gaar naan nba kan mi ki nik na paak, yi ŋaan ki tii teen Yennu niipoouk man, ki jiantɔ nan nibaakir nan jaŋmaanii ki u numm-n gboo,

Jeems 5:16

Fiitir i toonbiit ki wann leeb, ki miar Yennu ki tur leeb, ki Yennu sa te ki i paak. Popeendaanɔ-i miar Yennu nan ninmɔnn, li mɔk paŋ bonchiann.

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.

1 Piita 4:8

Linba gar bont kur tee a yii loon i leeb man fanu, kimaan loomm dɔkint biit bonchiann.

Fiitu 2:4

Ŋaan i biit tee nnee: i ji ki loonin kaman nan ya din dɔŋ loonin sinsinn biaŋinba na.