Rom Teeb 12:10 - Yennu Gbounpaauŋ Mɔɔr

¹⁰ I loon leeb man bonŋann kaman nan nirɔ nan u naa bik nba tuu loon leeb biaŋinba na, ki kot kii baakit leeb;

Yennu Gbouŋ Mɔɔr

¹⁰ Ii loon leeb man bonŋann nan nirɔ nan u naa bik nba tuu loon leeb biaŋinba na, ki kot kii baakit leeb;

Rom Teeb 12:10 ပူးပေါင်းရင်းမြစ်များ

Matiu 20:26

ŋaan yimm ŋanin, li daa tee nna kaa i sinsuuk ni. Li-i tee ki sɔɔ loon yudant i sinsuuk ni, li ŋan wun kpant tarik kii tuun kii teen i kura.

Barŋanii nba ki LUK din sɔb nae na 14:10

Tɔn, bi-i yiina poochianu ki a baar, fan kar kpiŋ; ki yiintɔɔ-n tan fit ki baar ki yiina, ‘N yɔɔk, baat na ki tan kar yudamm kaanii boor.’ Li yoo na ki a sa la nibaakir a leeb maŋ boor ni.

Jɔɔnn 15:17

Linba nee ki n pak senn ki turi, ma yii loon i leeb man.

Jɔɔnn 17:21

N bia meia ma bi kura-n taan mɔyomme. N Baa, fa be n ni, ki n mun be a ni biaŋinba na, ŋaant ki bi mun-n taan nant mɔyomm ti ni nna; ŋannii sa te ki tingbouŋ na ŋaateeb-n teen yada nan fine tumin.

Toona 4:32

Li yoo na ki Yisaweira maŋ kura taan leeb nan dudukyent kuukɔɔ, ki chentir bi bona ki teen bi leeb. Bi sɔɔ din ki yaa a u yen siar nan u mɔŋi.

Rom Teeb 13:7

Li paak, turimm linba tee bi yar; li-i jaŋ nan bin gaar niib lampo, amii linba ki a mɔk paak lampo, fan pa ki turib; li-i jaŋ nan ki a baak nirɔ, fan baakɔ; li-i biakii jaŋ nan fii tiin nirɔ, fan tinɔ.

Galasia teeb 5:13

N naa waas, Yennu yiini yentinmɔŋ nie, ŋaan i daa te ki i yentinmɔŋ maŋ tan te ki i niauŋ-n tan mann nyanniini. Ŋaan yimm-n jii loomm ki somm i leeb man.

Galasia teeb 5:22

Ŋaan Yennu Seyeeŋe te ki nirɔ mɔk loomm, nan parpeenn, nan parmaasir, nan sukuru, nan burchint, nan ŋamm, nan yada,

Galasia teeb 5:6

Kimaan ti-i be Yisa Masia ni, ti-i lekii pot ti puna amii ti-i kii poti, li ki kpaa talasi. Ti-i teen Yisa Masia yada ki loon leeb, ŋanne tee linba kpaa talas.

Filipi teeb 2:3

I daa tuun bonsiar ki li nyi i funfunn nan i karinbaanii loomm ni, ŋaan yii be soonna nan i leeb man, kii dukii i leeb po ki gar ya dukii i mɔŋ po biaŋinba.

Kolosa teeb 1:4

kimaan ti gbat ya teen Yisa Masia yada biaŋinba na, ki bia loon Yennu niib kura,

1 Tesalonika teeb 4:9

Li ki kpaa talas ki tin sɔb gbouŋ ki tiari ya sii loon Masiaweira biaŋinba. Yennu mɔŋe poŋ wanni biaŋinba ki i sii loon i leeb.

2 Tesalonika teeb 1:3

Ti naa waas, li kpaa talase nan tii teen Yennu niipoouk yoo kur i paak. Ti-i tun nna, li ŋan, kimaan i yada mantik pukii bonchiann, ki ya mɔk loomm nba ki teen i leeb na pukii.

Hiibru teeb 13:1

Ya tee Masia niib na paak, i loon i leeb man yoo kur.

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.

1 Piita 2:17

Yii teen sɔɔ kur nibaakir, kii loon Masiaweira, ŋaan tin Yennu, kii teen yent kur daanɔ nibaakir.

1 Piita 5:5

Nnee mun, yimm nba tee nipaauŋ, yii saak saakab mɔi; ki i kur-ii gaan leeb mɔi, ki i kur-n teen tarii i leeb boa, kimaan li sɔb Yennu gbouŋ ni a “Ŋɔɔ Yennu yêen karinbaandamme, ŋaan sommit binba sikint bi mɔŋ na.”

2 Piita 1:7

ki bia pukin naataann i yentinu maŋ paak; ki bia pukin loomm i naataann maŋ paak.

1 Jɔɔnn 4:11

N walonkai, Yennu nba loont biaŋinba na, li kpaa talas ki tii munii loon ti leeb nna.

1 Jɔɔnn 4:20

Daanɔ nba yaa a u loon Yennu, ŋaan bia nân u naa bik, u tee faak daanɔe. Li-i tee ki u ki loon u naa bik nba ki u laatɔ nan u ninbina, nlee ki u sii fit loon Yennu nba ki u ki laatɔ nan u ninbina?