Rom Teeb 12:1 - Yennu Gbounpaauŋ Mɔɔr

¹ Li paak, n naa waas, Yennu ninbatinu paake te ki n barimi ma yi jii i gbanant ki turɔ, ki lii tee mannu nba fo, kii waa ŋɔɔ kuukɔɔ, ki li sa maŋɔ; ŋanne tee Yenjiantu nan barmɔnii.

Yennu Gbouŋ Mɔɔr

¹ Li paak, n naa waas, Yennu ninbatinu paake te ki n barimi maa yii jii i gbanant ki turɔ, ki lii tee mannu nba fo, kii waa ŋɔɔ kuukɔɔ, ki lin maŋɔ; ŋanne tee Yenjiantu nan barmɔnii.

Rom Teeb 12:1 ပူးပေါင်းရင်းမြစ်များ

Barŋanii nba ki LUK din sɔb nae na 7:47

N beerae, n nyik u biit nba yab ki chabɔ; li paak te ki u mantik loonin bonchiann. Ŋaan wunba ki n nyik chab u biit waaminna, ŋɔɔe loonin waaminna mun.”

Rom Teeb 12:2

I daa te ki i binbeŋ tee kaman nan tingbouŋ na niib binbeŋ na, ŋaan ŋaant ki Yennu-n lebit i dudukit nan barmɔnii, kii ŋamm i binbeŋ fanu; ŋanne ki i sa bann Yennu yanbɔɔt nba ŋan ki bia tee fanu ki gbenn.

Rom Teeb 15:16

ki te ki n tee Yisa Masia toontunnɔ, a n mɔɔnt u barŋanii ki tur binba ki tee Juu teebi, a ki bi sii tee piinii ki teenɔ, ki u Seyeeŋ na sa te ki bin teen nifoŋamm ki penn u par.

Rom Teeb 15:30

Tɔn, n naa waas, ti Yomdaanɔ Yisa Masia sann paak nan Yennu Seyeeŋ loomm paak, n mei-i, yii mei Yennu nan ninmɔnn n paak ki sommin,

Rom Teeb 2:4

amii a yisin loonchiauŋ nan sukuru bonchiann nba ki Yennu mɔk nant na amii nlee? a ki mi nan Yennu mɔk burchint nana a wun te ki a nyik a biit na ŋaan kii be fanuee?

Rom Teeb 6:13

Daa teen i gbanant siar po yaak ki li tuun toonbiit, ŋaan jii i mɔŋ ki tur Yennu, ŋaan kii tee kaman nan i nyii kuun nie ki kɔɔ manfoor ni na; jiin i mɔŋ kur ki tur Yennu ki wun jii-i ki tun yentinu toona.

Rom Teeb 6:16

Fi-i jii a mɔŋ ki pet ki tur nirɔ ki tee u daabir ki saak u mɔb, li tee mɔniie nan a set tee u daabire. Fi-i sak ki tuun toonbiit, a tee biit daabire, ki li joontu tee kuume; ŋaan fi-i sak Yennu mɔb, a tee mɔsakdaanɔe, ki ŋanne sa te ki a teen niŋanɔ Yennu boor.

Rom Teeb 6:19

(Yimm nisaarii nba ki fit bant Yennu maan yian na paake ki n yaa n pak nisaarik yan ki wanni u labaar.) Ya din jii i mɔŋ ki tuun toonbiit ki li nɔb na, mɔtana jiin man i mɔŋ kii tuun yentinu toona kii tee popeendamm.

Rom Teeb 9:23

ki bia poŋ dɔŋ gann niib nba ki u tinib ninbaauk na a wun donnib ki wann wa mɔk burchint bonchiann biaŋinba.

1 Korint teeb 1:10

N naa waas, n barimiie ti Yomdaanɔ Yisa Masia sann ni a yin taan mɔb, ki mɔniɔk daa be i sinsuuk ni, ki yii taa mɔyemmkɔɔ nan dudukyennkɔɔ.

2 Korint teeb 10:1

Tɔn, i siab yeen a ma din be i boor ni na, a n din ki mɔk par i boor ni; a ŋaan mi-i saan ki be siarpo, a n tuu mɔk pare, ki ji sɔbin gbant ki kpaani. Min Pɔɔl tiauŋ, n mɔk nibaakir ki be soonna kaman nan Masia nba be biaŋinba na, ki barimi a yin ŋamm i binbeŋ man,

2 Korint teeb 4:1

Yennu ninbatinu paake ki u jii toona na ki teen ti nii ni, li paake te ki ti ki mɔk kpinkpangbatuku.

2 Korint teeb 4:16

Li paake te ki ti ki mɔk kpinkpangbatuku; hali nan ti gbananchɔkint maŋ nɔɔk ni gbaa, ŋaan Yennu pantir ti seek daar-n tuu daar.

2 Korint teeb 5:20

Li paak ki ti ji tee Masia taatara ki Yennu te ki ti yi niib. Masia paak ki ti barimi a yin tunn ki teen Yennu yɔɔsinba.

2 Korint teeb 6:1

Li paak, timm nba tuun Yennu toona u sommir paak na, ti barimiie, i daa te ki u ninbatinu na tee yanni.

Efesus teeb 4:1

Min nba kɔɔ dansarik ti Yomdaanɔ toona paak na, n kpaaniie a yii ŋaan ki i binbeŋ-ii tee fanu kaman nan Yennu nba loon ki lii tee biaŋinba na.

Efesus teeb 5:10

Li paak, yii yabir i mɔŋ ki tumii linba sa penn ti Yomdaanɔ par ni,

Filipi teeb 1:20

N par ni loomm nan n dindann tee ki n daa dint n mɔŋ feie, ŋaan n sii mɔk parcheenn mɔtana nan yoo kura, ki mi-i lekii kpo amii ma be, ŋaan li kura sa dont Masia sann n po,

Filipi teeb 2:17

Li-i tee ki n lu n miar na ki pukin fara nba ki n poŋ dii ma n te ki yin teen yada na, li bo sii manin, ki n bo sii mɔk parpeenn nan i kura.

Filipi teeb 4:18

N gaar i piinii na munna ki li jaŋŋima. Piinii nba ki i daan tun Epafrodaitus nann na te ki n gboowa. Li piinii naan nan mannu nba nubir mane ki teen Yennu, ki penn u par ni, ki u gaarir.

1 Tesalonika teeb 4:1

Ti naa waas, ya din tumii ti peŋ biaŋinba ki i sii tuun ki pent Yennu par ni na, nnee ki i poŋ din tuun. Mɔtana, ti barimiie ki kpaani ti Yomdaanɔ Yisa sann paak, yii ŋammit kii tuun nna man,

1 Tesalonika teeb 4:10

Ki i poŋ set tuun li biaŋe na, ki loon ti naa waas kur nba be Masedonia tiŋ ni na. Ti naa waas, ti barimiie a yii ŋammit kii tuun nna man,

1 Tesalonika teeb 5:12

Ti naa waas, ti barimiie a i baka-ii be binba tuun ti Yomdaanɔ toonn nani, ki tee i yudamm u sɔnu ni, ki teeni kpaanii.

1 Timoti 2:3

Ŋanne ŋan ki pent ti Tinntɔɔ Yennu par ni;

1 Timoti 5:4

ŋaan pakɔsɔɔ nba mɔk waas amii yaaboona, u waas amii yaaboona maŋ-n piin ki tumii bi yentinu toona nba tee linba ki tur bi mɔŋ ŋei ni, nnee ki bi damm mun sa di bi niwubit nyɔɔt, kimaan linba ki Yennu loone na.

Filemonn 1:10

n meia ki teen Onesimus, wunba tee n bik, kimaan ma kɔɔ dansarik na n kpant u baae Masia ni.

Filemonn 1:9

ŋaan loomm paak ki n meia, min Pɔɔl nba tee saakɔɔ ki bia kɔɔ dansarik mɔtana Yisa Masia paak na,

Hiibru teeb 13:22

N naa waas, n barimiie, yi di sukuru ki gbiint kpaanii na; kimaan ma sɔb gbouŋ nba turi na ki fɔki.

1 Piita 2:20

ŋaan fi-i tun biit ki bi dat a tubir, ki a gaar tubdatu na soonna, nlee ki bi sa pakani? Ŋaan fi-i tun linba ŋan ki gaar tubdatu li paak soonna, nee sa penn Yennu par.

1 Piita 2:5

Ŋaant man ki Yennu-n jii-i ki yi teen kaman nan manfoor tana na ki wun maa ŋaak nba ki u Seyeeŋ sii be li ni; ki i sii tee Yennu mɔŋ mɔŋ toontunna a yii tuun u toonn nan u Seyeeŋ paŋ, ki u sa gaar li toonn Yisa Masia paake;