Rom Teeb 11:25 - Yennu Gbounpaauŋ Mɔɔr

²⁵ N naa waas, n loon ki yin bann woonin ni bonsiar, a i daa dukii nan i tee yan damme; ki li tee a Juu tesiab yura paar, ki li sii be nnee ki tan baar yoo nba ki binba ki tee Juu teeb kur nba ki Yennu gannib na, bin tan teen Yisa yab.

Yennu Gbouŋ Mɔɔr

²⁵ N naa waas, n loon ki yin bann woonin ni bonsiar, ki lin te ki i daa dukii nan i tee yandammi: Ki li tee a Juu tesiab tee tubkangbatae, ki li sii tee nnae ki tan tuu yoo nba ki binba kur ki tee Juu teeb ki Yennu gannib na n tan teen Yiisa yab.

Rom Teeb 11:25 ပူးပေါင်းရင်းမြစ်များ

Matiu 13:11

Ki u jiin ki betib a “Yimm ŋanin, Yennu chab a yin bann woonin ni barii ki jii jiin u naan po, ŋaan ŋamm ŋanin, u ki chabibi.

Barŋanii nba ki LUK din sɔb nae na 21:24

Ki lanjimanba tan sa baar ki kpi bi siab nan jukbanjai, ki bia tan sa soor siab ki saan namm tinii kur po, ki teemm daaba. Ki binba ki tee Juu teeb tan sa chibit lin Jerusalem mɔkmɔk nan bi yoo nba tan sa gbenn.

Jɔɔnn 10:16

Pelei be ki tee n yab, ŋaan ŋamm ki tee pelook maŋ ni yabi. See ki n baar nan ŋamm mun biak, ki bi sa sak n mɔb, ki bi kur ji sii tee pebooryeŋ, ki mɔk pekpaaryeŋ kɔɔ.

Rom Teeb 1:13

N naa waas, n loon yin bann nan n yabir nan taar muŋŋa nawa a n baar ki tan gɔni, ŋaan ki siar gɔɔrin mɔkmɔk nan mɔtana ki n ki fit gɔniini. N loon ki n te ki niib-n wei ti Yomdaanɔ i boor ni kaman nan ma daan teen biaŋinba na nileeb sinsuuk ni na.

Rom Teeb 11:12

Ki Juu teeb biit paake te ki tingbouŋ na teeb la tinnu; ki ŋamm Juu teeb nba din ki tun Yennu lomm nae te ki binba ki tee Juu teeb na la tinnu, li paak, Juu teeb maŋ kur-i munii nyik bi biit ki la tinnu, tingbouŋ na teeb sa mantik la bonchiann ki gar nnawa.

Rom Teeb 11:24

Yimm nba ki tee Juu teeb na tee kaman nan muuk ni tiik yiinu nee, ki Yennu kɔnnir ki tukinir nan ŋaak ni tiik na. Li ki paar ki wun jii yiinii nba ki u kɔnn ŋaak ni tiik na ni, ki bia tukin nan li mɔŋ tiik na biaki.

Rom Teeb 12:16

Yii mɔk man dudukyennkɔɔ ki daa mɔk dontinmɔŋ; ŋaan kii saak toona nba ki mɔk dontinmɔŋi, ki daa dukii nan i mɔk ninyentiri.

Rom Teeb 16:25

Li ŋan ki tin baak Yennu, kimaan u fit te ki i set waau fanu kaman nan ma mɔɔnt barŋanii ki jiin Yisa Masia po na, ki fiit woonin ni maan nba din bɔr bina bina na.

Rom Teeb 9:18

Li paak, binba ki Yennu loon ki wun tinib ninbaauk na, ŋamme ki u tiinib ninbaauk, ki bia teen siab nikangbata kaman nan wa loon biaŋinba.

1 Korint teeb 10:1

N naa waas, n loon ki yin bann nan sanpagbouŋ din tuu baak ti yejamm kur paake, ki bi tan gar poot mɔkgbeŋŋir.

1 Korint teeb 12:1

N naa waas, n loon ki yin bann Yennu Seyeeŋ piinii nba tee biaŋinbae nan barmɔnii.

1 Korint teeb 2:7

Yan nba ki ti piak na tee Yennu woonin ni yan nba woon ki nirɔ ki mi, linba ki Yennu poŋ dɔŋ gann a wun donnit, ki sɔɔ ki dunia daa din ki nan na.

1 Korint teeb 4:1

Ŋann amii, i jiit ki tii tee Masia toontunna nba ki Yennu jiit ki guunit u woonin ni maan na.

Efesus teeb 1:9

ki fiit wannit woonin ni lora nba ki u din senn a wun tan tun Masia ni na.

Efesus teeb 3:9

ki bia te ki niib kur nunii-n yent ki bin bann biaŋinba ki Yennu woonin ni lor maŋ tuun gbeent Masia ni. Yaayoo niewa ki Yennu, wunba din nan bonsiar kur, din diar woonin ni

Efesus teeb 4:18

Bi tee tubkangbatae ki ki bant siari, li paak, bi ki pukin Yennu nba tur manfopaann nba na ni.

2 Piita 3:8

N naa walonkai, i daa tammit barii na po; ti Yomdaanɔ boor ni ŋanin, dayennkɔɔ tee kaman nan binna tusae; ki binna tusa mun bia tee kaman nan dayennkɔɔ nee.

Fiitu 1:20

a ŋmaabira ŋannlore nba ki a la n nuudiitu ni na, nan sarima fita ŋannlore na woonin ni paak tee nnee: ŋmaabira ŋannlore nee tee n weira nba be digbana ŋannlore na malakanba, ki fita ŋannlore na mun tee n weira maŋ bujir munnlore maŋ.”

Fiitu 10:7

a ŋaan malaka nba pukin bannlore na-i taŋŋi pebir u kikaak na daar nba, Yennu tan sa jii woonin ni maan ki tun nann toonn, kaman nan wa din yet ki tur u sɔkiniinba binba tee u toontunna biaŋinba na.

Fiitu 11:15

Li yoo ki malaka nba pukin bannlore na pebir u kikaak na, ki kunkɔsaakara yeen Yendɔuŋ ni a “Tingbouŋ na naan kur kpant ti Yomdaanɔ Yennu nan u Niganntɔɔ Masia yara, ki u sa diab mɔkmɔk nan yoo nba ki mɔk gbennu.”

Fiitu 7:9

Li poorpoe ki n got ki la niburchiauŋ ki bi kaa kanni, ki nyii tingbouŋ na yent kur ni, nan nibooru booru kur ni, nan maaru kur ni, nan mabooru kur ni, ki lia liatfopeenii ki see naangbouŋ na nan Pebik na tɔɔnn po, ki dia dia biabfaat bi nii ni, ki yikin nan kunkɔsaakara ki yeen a,