Rom Teeb 11:23 - Yennu Gbounpaauŋ Mɔɔr

²³ Juu teeb-i lebit bi dudukit ki ŋmat teen Yisa yada, Yennu sa te ki bin tukin nan ŋaak ni tiik na, kimaan u sa fit ki tun nna.

Yennu Gbouŋ Mɔɔr

²³ Juu teeb-i lebit bi dudukit ki ŋmat teen Yiisa yada, Yennu saa te ki bin tukin nan ŋaak ni tiik na, kimaan u saa fit tun nnawa.

Rom Teeb 11:23 ပူးပေါင်းရင်းမြစ်များ

Matiu 23:39

N beerie, la nyii dinna ki jii saa i kan mi ki la min ki saa tuu daar nba ki i tan sa yet a ‘Yennu mɔsonŋann be wunba baat nan ti Yomdaanɔ sann ni paak.’ ”

Rom Teeb 11:17

Juu teeb na tee kaman nan ŋaak ni tiik nba ŋan nee, ki Yennu kɔnn tiik na yiinsia, ki jii muuk ni tiik yiinii na ki tukin nan ŋaak ni yar na, ki li taan yomm. Yimm nba ki tee Juu teeb na tee kaman nan muuk ni tiik yiinu nee, ki gaan Yennu barŋanii nba nyii Juu teeb boor ni na, ki tee kaman nan muuk ni tiik yiinu nba gaan bonŋann nba nyii ŋaak ni tiik ni na.

Rom Teeb 11:24

Yimm nba ki tee Juu teeb na tee kaman nan muuk ni tiik yiinu nee, ki Yennu kɔnnir ki tukinir nan ŋaak ni tiik na. Li ki paar ki wun jii yiinii nba ki u kɔnn ŋaak ni tiik na ni, ki bia tukin nan li mɔŋ tiik na biaki.

2 Korint teeb 3:16

Ŋaan li-i tee ki nirɔ ŋmat ki waa ti Yomdaanɔ, chinchenn maŋ sa dɔkite.

Hiibru teeb 3:19

Li paak, bi din ki fit kɔɔ tiŋ maŋ ni, kimaan bi yadakaarin paak.