Rom Teeb 11:20 - Yennu Gbounpaauŋ Mɔɔr

²⁰ Li set tee mɔniie; ba ki teen yada na paake ki u kɔnnib, ki fin nba teen yada na paake ki u jiin tukina li paak. Ŋannimi a ji daa mɔk parbifaant dudukit li paaki, ŋaan kii mɔk jaŋmaanii.

Yennu Gbouŋ Mɔɔr

²⁰ Li set tee mɔniie; baa ki teen yada na paak ki u kɔnnib, ki fin nba teen yada na paake ki u jiia tukin li paak. Ŋann amii a ji daa mɔk parbifaant li paaki, ŋaan kii mɔk jaŋmaanii.

Rom Teeb 11:20 ပူးပေါင်းရင်းမြစ်များ

Barŋanii nba ki LUK din sɔb nae na 18:14

Ki Yisa ŋamm yetib a “N beerie, jɔɔ na, li ki tee lɔɔ, wa din tan kun, Yennu poŋ din gaar u miaru ki turɔ mɔnii; kimaan wunba kur dont u mɔŋ, Yennu tan sa sikinɔ; ŋaan wunba mun sikint u mɔŋ, Yennu tan sa donnɔ.”

Toona 18:6

Ŋaan ki bi lek din ki sak maan maŋ, ki sukiiɔ. Ki u din pit pit u nii nan u taa, ŋaan betib a “Li-i tee ki i tan kɔŋ i manfoorie, li jii i mɔŋ mɔŋ yura paake. N nuu kaa jikii. La jii dinna ki saa, see ki n nyiki, ŋaan wann boorganu Yisa maan maŋ.”

Rom Teeb 11:18

Li paak, a daa mɔk parbifaant nan yiinii nba ki Yennu kɔnnib ki lu ki bi tee kaman nan ŋaak ni tiik yiinii na. Daa mɔk parbifaant, kimaan a tee yiinu kuukɔɔe; nyakir nee teena sommir, fin kaa teen nyakir na sommiri.

Rom Teeb 11:21

Juu teeb nba tee kaman nan ŋaak ni tiik na, Yennu din dat bi tuba; li paak, i daa dukii nan u kan fit ki dat i tuba biaki.

Rom Teeb 12:16

Yii mɔk man dudukyennkɔɔ ki daa mɔk dontinmɔŋ; ŋaan kii saak toona nba ki mɔk dontinmɔŋi, ki daa dukii nan i mɔk ninyentiri.

Rom Teeb 12:3

Yennu nba tinin ninbaauk na paake ki n yeen sɔɔ kur a sɔɔ daa dukii u par ni a u tee nijaann ki gar wa tee biaŋinba; ŋaan ŋaant ki sɔɔ kur-ii dukii ki bann yada nba ki Yennu turɔ na bikinu.

Rom Teeb 3:3

ki bi siab-i diŋŋi kii tee yadateenteeb, li want nan Yennu ki tee barmɔnii daanɔ amii?

1 Korint teeb 10:12

Li paak, wunba mi nan u be fanu, wun soor u mɔŋ ki daa baa.

1 Korint teeb 15:1

N naa waas, n loon ki n tiari barŋanii nba ki n din mɔɔnt ki turi, ki i gaar ki diar fanu na poe.

1 Korint teeb 16:13

Yii guu man kii be fanu i yada ni, kii mɔk par nan paŋ.

2 Korint teeb 1:24

Ti kan fit mukisi ki wanni ya sa teen yada biaŋinba, kimaan ti mi nan i mɔk yada ki see fanu, ŋaan ti tuun nani a tii wanti ya sa teen biaŋinbae kii mɔk parpeenn.

2 Korint teeb 10:5

ki nyant niib nba mɔk karinbaanii ki dukii a bi mɔk yan ki gar Yennue, a ti te ki sɔɔ kur dudukit-n sak gaar Masia.

Filipi teeb 2:12

N naa walonkai, ma din be i boor ni ki i sak n mɔb biaŋinba na, ki mi-i lekii kaa i boor ni, li kpaa talas ki yin sak n mɔb. Yii biakii tuun i toona nan yentinu nan gbananjekint man, ki tont i tinnu,

Kolosa teeb 2:7

ki sikin i yada jiina u ni, ki i yada-ii be u ni, ki i yada-ii mɔk paŋ kaman nan ba din wanni biaŋinba na, kii teenɔ niipoouk yoo kura.

2 Tesalonika teeb 2:4

U tan kan sak Yenjiantu nan jiantii kura, ŋaan jɔɔb u mɔŋ teen yudaanɔ nba gar linba ki niib jiantir kura. U tan sa kɔɔ Yenjiantu diiuk ni gbaa ki pur u mɔŋ Yennu.

1 Timoti 6:17

A kpaan mɔkita na a bi daa mɔk dontinmɔŋ amii bin teen bi dindann mɔkint nba tee wouŋ na ni; ŋaan bin teen bi dindann kur Yennu ni; ŋɔɔe turit bonsiar kur a ti gaar kii mɔk parpeenn.

Hiibru teeb 3:12

Tɔn, n naasinyɔɔsinba, yi bann i yan ni ki sɔɔ daa tee biitdaanɔ ki kɔŋŋit yada ki tan mann ŋmat poor ki nyik manfodaanɔ Yennu na.

Hiibru teeb 3:19

Li paak, bi din ki fit kɔɔ tiŋ maŋ ni, kimaan bi yadakaarin paak.

Hiibru teeb 4:11

Li paak, ŋaant man ki tin yabir ti mɔŋ ki la foon maŋ, ŋaan ki ti sɔɔ tan daa kɔŋŋit kaman nan ba din yêt Yennu mɔb ki tan kɔŋŋir biaŋinba na.

Hiibru teeb 4:6

Binba din gbat barŋanii na sinsinn na din ki la li foon, kimaan bi din yêt Yennu mɔb. Li paak, nisiab be ki tan sa la foon maŋ.

Jeems 2:19

A teen yada nan Yen-yenɔkɔɔe be-ee? Li ŋan. Narinbiit mun teen yada nan Yen-yenɔkɔɔe be, ki bia jekir nan jaŋmaanii.

Jeems 4:6

Ŋaan u bia teent sommir bonchiann. Li paak, li sɔb Yennu gbouŋ ni a “Yennu kɔn nan karinbaanii damme, ŋaan sommit binba sikin bi mɔŋ.”

1 Piita 1:17

Li-i tee ki i mei Yennu, i yiu Baae; ŋɔɔe bu niib kur buut kaman nan ba tun biaŋinba na, ki ningannii kaa; li paak, yoo nba kur ki i be tingbouŋ na ni, yii tiinɔ man.

1 Piita 5:12

Sailas wunba ki n mi nan u tee Masiaweirɔ nan barmɔnii na, ŋɔɔe sommin ki n sɔb gbouŋ nba ki fɔk na a n chee i para, ki kpaani, a ŋannii tee Yennu maan nan barmɔnii. Li paak, yii diar fanu man.

1 Piita 5:9

Yêtirɔ man, ŋaan set teen Masia yada fanu, kimaan i mi nan Masiaweira leeb nba be tingbouŋ na ni mun di fara kaman nan ya di biaŋinba nee.

Fiitu 18:7

a ki te wun la muksuk nan parbiir a ki lin jaŋ nan wa din tuu be u yama ni ki dont u mɔŋ biaŋinba na, ki yeen u par ni a ŋɔɔ poobate kar na, a ki li ki tee a u tee pakɔɔki, a li paak a u kan mi la parbiiri.

Fiitu 3:17

Yimme yeen a i tee mɔkitae ki mɔk linba kur ki i loon, a ki siar kan pɔtiini, ŋaan ki ki mi ya mɔk parbiir nan ninbaauk biaŋinba. I tee nandamme, ki somm yana, ki tee jɔɔnii.