Rom Teeb 11:14 - Yennu Gbounpaauŋ Mɔɔr

¹⁴ Mi-i bo-i sa fit te ki n mɔŋ booru niib Juu teeb-ii mɔk funfunn binba ki tee Juu teeb na paak, li pasiar ŋanne sa te ki Juu teeb na siab-n tinn.

Yennu Gbouŋ Mɔɔr

¹⁴ Mi-i bonni saa fit te ki n mɔŋ niib Juu teeb-ii mɔk funfunn binba ki tee Juu teeb na paak, li pasiar ŋanne bo saa te ki Juu teeb na siab n tinn.

Rom Teeb 11:14 ပူးပေါင်းရင်းမြစ်များ

Rom Teeb 10:19

N yaa n ŋamm ki boie ki laan Israel teeb din ki bann li paak amii? Moses tiauŋo din dɔŋ jiin sinsinn, a Yennu din yet Israel teeb, a u sa te ki bii mɔk funfunn nan niib nba ki mɔk booru na paak, ki te ki bi wutoa-n do booru nba tee jatit na paak.

Rom Teeb 11:11

N loon ki n boi ki laan i dukin nan Israel teeb din gbiat ki baa a bin biir amii? Aaii, li ki tee nna kaa. Ba tun toonbiit na paak, ki Yennu tinn binba ki tee Juu teeb na. Yennu tun nna a ŋamm Juu teeb na-ii mɔk funfunn binba ki tee Juu teeb na paak.

Rom Teeb 9:3

n mɔŋ booru paak. Li-i bo-i sa fit ki n set n niib paak ki Masia-n biirin, n bo sa sak nna.

1 Korint teeb 1:21

Yennu nba mɔk yan na te ki tingbouŋ na teeb yan kan fit te ki niib-n bannɔ. Li paak, ki u te ki binba teen Yisa yada na tinn; jatii labaar nba ki ti mɔɔntir ki teen niib na paak ki bi tinn.

1 Korint teeb 10:33

Yii tuun man kaman nan ma tuun biaŋinba na; n loon ki n tun ki penn sɔɔ kur par bont kur ni; ŋaan li ki tee a n tuun linba ki n loon, amii linba ŋan ki turin kaa; ŋaan n tuun linba ŋan ki turibe, kimaan n loon ŋanne-n tinnib.

1 Korint teeb 7:16

Fin poo, a teen nlee bann nan a kan tinn a sɔrɔ? ki fin poodaanɔ, a teen nlee bann nan a kan tinn a poo?

1 Timoti 1:15

Ki ŋɔɔ Yisa Masia din baar tingbouŋ na ni, a wun tan tinn biitdamme; labaar maŋ tee barmɔniie ki ŋan ki ti gaarir ki teenn yada; ki mine din bi ki gar biitdamm kura,

1 Timoti 2:4

ŋɔɔe loon sɔɔ kur-n bann u maan nba tee barmɔnii ki wun tinnib;

1 Timoti 4:16

I mi a mɔŋ nan a wannu po. I dia wannu nba na, kimaan li-i tee ki a diar, a sa tinn a mɔŋ nan binba ki a wantib na.

2 Timoti 1:9

Ŋɔɔ Yennue tinnit ki yiinit a tii tee popeendamm; wa yiinit biaŋinba, li ki tee ti toonŋana paak kaa, ŋaan u mɔŋ din senn a u sa tint ninbaauk Yisa Masia paak; u din senn nnee yoo nba ki u daa ki nan dunia na.

2 Timoti 2:10

Ŋaan Yennu nigannkab na paak ki n lek di sukuru fara kura ni, a bin mun la tinnu Yisa Masia paak, kii mɔk parpeenn nba kaa gbennu na.

Taitus 3:5

ki u din tinnit. Li din ki tee ti tiauŋ toonŋana paak kaa, ŋaan u mɔŋ ninbatinu paake ki u din tinnit, ki din wurit ki nyinn ti biit, ki te ki u Seyeeŋ ŋamm nant, ki turit manfopaann,

Filemonn 1:12

Mɔtana, n tuumɔ a wun ŋmat a boor ni; ki n par loomm kura be u ni.

Hiibru teeb 1:14

Li paak, malakanba tee bee? Bi kur tee sei nba jiantir Yennue, ki ŋɔɔ Yennu tuumm a bii sommit niib nba la tinnu na.

Hiibru teeb 2:3

Li paak, ti-i kii sak ki gbiint tinnjaann maŋ labaar fanu, ti sa teen nlee ki nyi tubdatu ni? Ti Yomdaanɔ tiauŋo din dɔŋ mɔn tinnu maŋ labaar na po, ki binba din gbat na din wannit a li set tee barmɔniie;

Jeems 5:20

i mi nan daanɔ nba nyinn biitdaanɔ u sɔnbiiuk na ni, li daanɔ nyinn u manfoor kuun nie, ki te ki Yennu nyik chab toonbiit bonchiann.