Rom Teeb 11:11 - Yennu Gbounpaauŋ Mɔɔr

¹¹ N loon ki n boi ki laan i dukin nan Israel teeb din gbiat ki baa a bin biir amii? Aaii, li ki tee nna kaa. Ba tun toonbiit na paak, ki Yennu tinn binba ki tee Juu teeb na. Yennu tun nna a ŋamm Juu teeb na-ii mɔk funfunn binba ki tee Juu teeb na paak.

Yennu Gbouŋ Mɔɔr

¹¹ N loon ki n boi laan Israel teeb din gbiat baa ki boonte-e? Aaii, li ki tee nna kaa. Baa tun toonbiit na paak, ki Yennu tinn binba ki tee Juu teeb na. Yennu tun nna a ŋamm Juu teeb-ii mɔk funfunn binba ki tee Juu teeb na paake.

Rom Teeb 11:11 ပူးပေါင်းရင်းမြစ်များ

Barŋanii nba ki LUK din sɔb nae na 20:16

U sa baar ki kpib, ŋaan bia jii kpaab maŋ ki tur leeb.” Niib maŋ nba gbat linba na ki bi yet a “Yennu-n bɔr ŋann.”

Toona 13:42

Ba gbenn lakinu yoonba, ki Pɔɔl nan Banabas din nyii Yenjiantu diiuk na ni, ki niib na barimm a bi-i ŋmat kun, ŋaan bin teen paaru ki daan jen foon daar nba baat na, ki tan wannib labaar maŋ biak.

Toona 18:6

Ŋaan ki bi lek din ki sak maan maŋ, ki sukiiɔ. Ki u din pit pit u nii nan u taa, ŋaan betib a “Li-i tee ki i tan kɔŋ i manfoorie, li jii i mɔŋ mɔŋ yura paake. N nuu kaa jikii. La jii dinna ki saa, see ki n nyiki, ŋaan wann boorganu Yisa maan maŋ.”

Rom Teeb 10:19

N yaa n ŋamm ki boie ki laan Israel teeb din ki bann li paak amii? Moses tiauŋo din dɔŋ jiin sinsinn, a Yennu din yet Israel teeb, a u sa te ki bii mɔk funfunn nan niib nba ki mɔk booru na paak, ki te ki bi wutoa-n do booru nba tee jatit na paak.

Rom Teeb 11:1

N loon ki n boi ki laan i dukii a Yennu nyik u mɔŋ niib Israel teeb amii? Aaii, u ki nyikibi kaa. N mɔŋ tee Israel nirɔe, ki tee Abraham yaaboonn, ki nyii Benjamin naakuuk ni.

Rom Teeb 11:12

Ki Juu teeb biit paake te ki tingbouŋ na teeb la tinnu; ki ŋamm Juu teeb nba din ki tun Yennu lomm nae te ki binba ki tee Juu teeb na la tinnu, li paak, Juu teeb maŋ kur-i munii nyik bi biit ki la tinnu, tingbouŋ na teeb sa mantik la bonchiann ki gar nnawa.

Rom Teeb 11:14

Mi-i bo-i sa fit te ki n mɔŋ booru niib Juu teeb-ii mɔk funfunn binba ki tee Juu teeb na paak, li pasiar ŋanne sa te ki Juu teeb na siab-n tinn.

Rom Teeb 11:31

Mɔtana, Juu teeb ki sak Yennu kaman nan ya din ki sakɔ biaŋinba na; Yennu nba din tini ninbaauk biaŋinba na, u sa tinib mun ninbaauk.