Rom Teeb 10:9 - Yennu Gbounpaauŋ Mɔɔr

⁹ Li-i tee ki a set pak ki kat nyinn a mɔb ni ki yet a Yisa tee a Yomdaanɔ, ki bia teen yada a par ni nan Yennu set fiinɔ kuun ni, Yennu sa tinnawa.

Yennu Gbouŋ Mɔɔr

⁹ Li-i tee ki a set pak a mɔb ni ki yet a Yiisa tee Yomdaanɔ, ki bia teen yada a par ni nan Yennu set fiinɔ kuun ni, Yennu saa tinnawa.

Rom Teeb 10:9 ပူးပေါင်းရင်းမြစ်များ

Barŋanii nba ki LUK din sɔb nae na 12:8

“Wunba nyint u mɔŋ paanu ni niib boor ni nan u tee n weirɔe, min nisaarik Bik mun tan sa nyinnɔ paanu ni Yennu malakanba boor ni;

Jɔɔnn 9:22

U damm din yet nna maŋ, kimaan bi tiin Juu teeb yudamm na jaŋmaanii, kimaan yudamm maŋ poŋ taan mɔb ki yet a wunba yaa a Yisae tee Yennu Niganntɔɔ Masia, see ki bi nyinnɔ bi Yenjiantu ni.

Toona 16:31

Ki bi jiin a “Teent ti Yomdaanɔ Yisa yada, ki a ŋaateeb-n mun teenɔ yada, ki i sa la tinnu,”

Toona 2:24

“Wa daan kpo ki daa be kuun nii ni na, ki Yennu fatɔ ki fiinɔ kuun ni, kimaan kuun ki fit diau.

Toona 2:32

Ki Piita bia ŋamm yet a “Yisa nba nee ki Yennu daan fiinɔ kuun ni, ki ti kura na mun tee u kuunfiiru maŋ siara damm.

Toona 8:36

Ba tɔk sɔnu maŋ ki siik yoonba, ki bi la nyun nna dɔɔ. Ki jatɔɔkir na yetɔ a “Gotir, nyume na. A bee yaa lin teen ki a kan wurin Yennu nyunwuru?”

Rom Teeb 10:10

Kimaan nirɔ set teen Yisa yadae u para ni, ki Yennu yet a u tee niŋanɔ u tɔɔnn, ki li set nyii u mɔb nie ki yet nna, ki li paake ki u la tinnu.

Rom Teeb 14:11

Li sɔb Yennu gbouŋ ni a ti Yomdaanɔ Yennu yet a “Ma set be na, booru kur sa gbaan n tɔɔnn, ki sɔɔ kur sa yet a n set tee Yennu.”

Rom Teeb 14:9

Masia din kpo ki bia fiir kuun ni a wun teen footib nan kpeemm Yomdaanɔ.

Rom Teeb 4:24

ŋaan li sɔb ki teen timm nba ki Yennu sa gaarit mun ki ti tee niŋamm u tɔɔnn, kimaan ta teenɔ yada, ŋɔɔ Yennu wunba fiin ti Yomdaanɔ Yisa kuun ni na.

Rom Teeb 8:34

Ŋmee be ki sa bu bi buut ki biiribi? Sɔɔ kaa. Yisa Masia wunba din kpo ki fiir kuun ni na amii? Yisa Masia wunba be Yennu niidiitu po ki tee ti sindantinnɔ na amii?

1 Korint teeb 12:3

N loon ki yin bann nan Yennu Seyeeŋ na-i be wunba ni, li daanɔ kan fit yet mɔb ki biir Yisa; sɔɔ mun kan fit yet a Yisae tee ti Yomdaanɔ, see ki Yennu Seyeeŋ na be u ni ki te ki u yet nna.

Filipi teeb 2:11

ki sɔɔ kura tan sa yet a ŋɔɔ Yisa Masia tee Yomdaanɔ kii dont ti Baa Yennu sann.

1 Piita 1:21

U paake ki i teen Yennu yada; ŋɔɔe din fiinɔ kuun ni ki turɔ paŋ; li paak, ki i mɔk yada nan dindann Yennu boor.

1 Jɔɔnn 4:15

Wunba yaa a u teen yada nan Yisa tee Yennu Bija, ŋɔɔe ki Yennu be u ni, ki u mun bia gaa Yennu paak.

2 Jɔɔnn 1:7

Tɔn, kpinkpannii damm bonchiann poŋ baar ki yat saan siar po kur tingbouŋ na niwa, binba yaa a ŋamm ki teen yada a bi mar Yisa ki u tee nisaarik na. Li nibooru tee kpinkpannii damme, ki bia tee Yisa datai.