Rom Teeb 10:14 - Yennu Gbounpaauŋ Mɔɔr

¹⁴ Tɔn, niib-i kii teenɔ yada, bi sa teen nlee ki miarɔ sommir po? Ki bi-i kii gbat barŋanii maŋi, bi sa teen nlee ki teenɔ yada? ki bi-i kii mɔɔnt barŋanii maŋi, nlee ki niib sa gbat li po?

Yennu Gbouŋ Mɔɔr

¹⁴ Tɔn, niib-i kii teenɔ yada, bi saa teen nlee ki miarɔ sommir po? Ki bi-i kii gbat barŋanii maŋi, bi saa teen nlee ki teenɔ yada? Ki bi-i kii mɔɔnt barŋanii maŋi, nlee ki niib saa gbati?

Rom Teeb 10:14 ပူးပေါင်းရင်းမြစ်များ

Matiu 20:7

Ki bi jiin a ‘Sɔɔ ki jiit toonni.’ Ŋanne ki u betib a ‘I mun-ii do man n kpaab na ni kii sai ko.’

Jɔɔnn 20:31

Ŋaan toonjaana nba sɔb ki be nna na, bi sɔb a yin teen yada nan Yisae tee Yennu Niganntɔɔ Masia, ki bia tee Yennu Bija. Li-i tee ki i teenɔ yada, i sa la manfoor nba kaa gbennu, u paak.

Jɔɔnn 9:36

Ki u jiin boiɔ, “Chanbaa, ŋmee tee nisaarik Bik na? Betirin wa tee wunba, ki n teenɔ yada.”

Toona 19:2

ki boib a “Ya teen Yisa yada ki waau na, i mi ki la Yennu Seyeeŋii?” Ki bi jiin a “Aaii. Ti poŋ taan ki mi ki gbat a Yennu Seyeeŋ be kaawa gbaa.”

Toona 8:31

Ki u jiin a “Nlee ki n sa bann li paaki, ki li ki tee ki sɔɔ wannin kaa?” ŋaan barin Filip a wun kɔɔ wannɔ. Ki u kɔɔ toruk maŋ ni ki bi lakin kar.

Rom Teeb 1:5

Ŋɔɔ paake ki Yennu ninbatinu be n paak ki te ki n tee u toomii, ki n jii u sann ki saan nibooru kur boor ni, ki te ki bi teenɔ yada ki saak u mɔb;

Efesus teeb 2:17

Li paak, Masia din baar mɔɔnt parmaasir barŋanii mɔɔntii ki tur yimm nba ki tee Juu teeb ki din tuu fɔk nan Yennu na, ki mun bia baar nann ki tur Juu teeb nba din tuu kpia nanɔ na.

Efesus teeb 4:21

I din gbat u po ki tee u weirae, ki bi bia wanni barmɔnii nba be u niwa.

2 Timoti 4:17

Ŋaan ti Yomdaanɔ daan be nanin ki turin paŋ ki n daan fit mɔn barŋanii maŋ kur ki tur binba ki tee Juu teeb na kura a bin gbat. Ŋɔɔe daan nyinnin yambɔr mɔb ni.

Taitus 1:3

ki yoo nba din tan jaŋ na ki u fiit wann li labaar u maan ni; ki u din jii labaar maŋ ki teen n nuu ni, ki n mɔɔntir kaman nan ti Tinntɔɔ Yennu nba turin mɔb na.

Hiibru teeb 11:6

Nirɔ-i kii teen Yennu yada, li yɔɔ kan fit penn ŋɔɔ Yennu par ni, kimaan wunba kur baat Yennu boor ni, li kpaa talas ki li yɔɔ-n teen yada nan Yennu set be ki teen binba loonɔ na nyɔɔt.

Jeems 5:15

Ki bi-i meiɔ nan yada, ki miaru maŋ sa tinnɔ, ki ti Yomdaanɔ sa te ki u paak; ki li-i tee ki u tun toonbiitie, Yennu sa nyik u biit maŋ ki chabɔ.