Rom Teeb 10:12 - Yennu Gbounpaauŋ Mɔɔr

¹² Bɔkitu kaa Juu teeb nan binba ki tee Juu teeb sinsuuk ni, Yennu kuukɔɔ nee tee ti kura Yomdaanɔ, ki binba kur meiɔ, u sommitib nan burchintuk.

Yennu Gbouŋ Mɔɔr

¹² Bɔkitu kaa Juu teeb nan binba ki tee Juu teeb sinsuuk ni. Yennu kuukɔɔe tee ti kura Yomdaanɔ, ki binba kur meiɔ, u sommitib nan burchint.

Rom Teeb 10:12 ပူးပေါင်းရင်းမြစ်များ

Toona 7:59

Bi din jaatɔe dik dik dik; ki u din tan yiin ti Yomdaanɔ a “N Yomdaanɔ Yisa, gaat n seek na;”

Toona 9:14

U daan gaar yikoo jiantu yudamm boor ni, ki baar nna, a wun soor wunba kur yi a sann.”

Rom Teeb 14:9

Masia din kpo ki bia fiir kuun ni a wun teen footib nan kpeemm Yomdaanɔ.

Rom Teeb 15:12

Aisaya mun din sɔb Yennu gbouŋ ni a “Jese yaaboonn tan sa baar ki Yennu sa chabɔ yaak, ki u tan sii tee binba ki tee Juu teeb na yudaanɔ, ki bi tan sii teeu yada.”

Rom Teeb 2:4

amii a yisin loonchiauŋ nan sukuru bonchiann nba ki Yennu mɔk nant na amii nlee? a ki mi nan Yennu mɔk burchint nana a wun te ki a nyik a biit na ŋaan kii be fanuee?

Rom Teeb 3:22

Yennu te ki nisaarii kur nba teen Yisa Masia yada nee tee niŋamm u tɔɔnn, li nyii ba teen Yisa Masia yada nie, ki lukitin kaa,

1 Korint teeb 1:2

Yisa Masia paake ki i tee Yennu niib, ki u yiini kii teen u niib nan binba kur yi ti Yomdaanɔ Yisa Masia sann siaminba kur; ŋɔɔe tee bi Yomdaanɔ ki mun bia tee ti Yomdaanɔ.

1 Korint teeb 15:47

Sinsinn nirɔ na din nyii tant nie, ki nirɔ nba wei na nyii Yendɔuŋ ni.

2 Korint teeb 8:9

I mi ti Yomdaanɔ Yisa Masia nuu nba yaa biaŋinba. U tee mɔkitɔɔe, ŋaan ki i paak ki u din kpant tarik, ki u tarik kpantu maŋ paak te ki yimm ji teen mɔkita.

Galasia teeb 3:28

Li paak, bɔkitu ji ki be binba tee Juu teeb nan binba ki tee Juu teeb sinsuuk ni, li bia ki be binba tee daaba nan yentinmɔŋ damm sinsuuk ni, li ki be poob nan jab sinsuuk ni; ya be Yisa Masia ni na paake te ki i kura tee yenɔkɔɔ.

Efesus teeb 1:7

Kimaan Yennu nyik chab ti biit ki nyinnit daabsin ni u Bilonkak maŋ sɔn paake.

Efesus teeb 2:4

Ŋaan Yennu loomm nan u ninbatinu yab bonchiann ki kaa bikinu,

Efesus teeb 2:7

U din tun linba na a wun wann sɔɔ kura u ninbatinu nba yab biaŋinbae, ki tun burchint turit Yisa Masia paak.

Efesus teeb 3:16

Yennu paŋ nba yab bonchiann biaŋinba na, n meiɔ a wun turi paŋ maŋ u Seyeeŋ paak, ki paŋ maŋ-ii be i ni,

Efesus teeb 3:6

U woonin ni lor maŋ tee nee: barŋanii maŋ paak ki binba ki tee Juu teeb na ji fit taan la yiar Yendɔuŋ ni nan Juu teeb; ŋaan bia taan namm ki tee gbananyennkɔɔ ki fit mɔk namm wa din senn mɔsonn nba Yisa Masia ni na.

Efesus teeb 3:8

Yennu niib sinsuuk ni, mine tan joont wunba ki be kann ni, ŋaan Yennu tur mine yaak a man jii barŋanii mɔɔntii nba wantit Masia nba sii teent binba ki tee Juu teeb na bonŋana bonchiann biaŋinba,

Filipi teeb 2:11

ki sɔɔ kura tan sa yet a ŋɔɔ Yisa Masia tee Yomdaanɔ kii dont ti Baa Yennu sann.

Filipi teeb 4:19

Li paak, Yennu sa turi linba tee i loomm kur kaman nan u mɔkint nba yab biaŋinba sanpaapo, Yisa Masia paake.

Kolosa teeb 1:27

Yennu lor a wun fiit woonin ni maan maŋ ki wann u niib maŋe. U woonin ni maan maŋ ŋan bonchiann, ki tee niib kur yare. Li want nan Masia be i ni; li paak, i mɔk dindann nan i tan sii be fanu ki gbenn.

Kolosa teeb 3:11

Li paak, bɔkitu ji kaa binba tee Juu teeb nan binba ki tee Juu teeb sinsuuk ni; binba pot puna nan binba ki pot kura ji ki mɔk bɔkitu nan leebi; bɔkitu ji kaa muuk ni niib nan doo ni yab sinsuuk ni; bɔkitu bia kaa daaba nan yentinmɔŋ damm sinsuuk ni, ŋaan i kur tee Masia yab, ki u be i kur ni.

1 Timoti 2:5

kimaan Yen-yenɔkɔɔe be, ki sindantinnɔ tee yenɔkɔɔ ki be Yennu nan nisaarik sinsuuk ni; li yɔɔe tee Yisa Masia

Fiitu 17:14

ki bi tan sa kɔn nan Pebik na, ki Pebik na sa nyannib, kimaan u tee yomdamm kur Yomdaanɔ, nan kpanbara kur Kpanbar, ki u poorpoweiteeb mun tee binba ki u yiinib ki gannib, ki bi bia tee yadadamm.

Fiitu 19:16

Ki sansiar sɔb u liatir nan u pann paak a “Kpanbara kur Kpanbar, yomdamm kur Yomdaanɔ.”