Rom Teeb 1:9 - Yennu Gbounpaauŋ Mɔɔr

⁹ Yennu tee n siara daanɔ nan n ki mi nyik Yenmiaru i kura paaki. Ŋɔɔ maŋe ki n waau nan n par kura ki mɔɔntir u Bija barŋanii na, ŋɔɔe tee n siara daanɔ.

Yennu Gbouŋ Mɔɔr

⁹ Yennu tee n siara daanɔ nan n ki mi nyik Yenmiaru i kura paaki. Ŋɔɔe ki n waau nan n par kura, ki mɔɔntir barŋanii nba jiin u Bija po na.

Rom Teeb 1:9 ပူးပေါင်းရင်းမြစ်များ

Barŋanii nba ki MAK din sɔb nae na 1:1

Ŋanne tee Yennu Bija Yisa Masia barŋanii na.

Barŋanii nba ki LUK din sɔb nae na 18:1

Li yoo na ki Yisa yimm barjouk a wun wannib nan li ŋan ki bii mei Yennu yoo kura, ŋaan daa mɔk kpinkpangbatuku, ki betib a

Toona 12:5

Ki Piita daa be dansarik ni, ŋaan ki Yisaweira paa Yenmiaru paak u po nan nunmɔnn.

Toona 19:21

Li poorpo ki Yennu Seyeeŋ din te ki Pɔɔl dukin a wun saan Masedonia nan Akaya, ŋaan saa paat ki gar saan Jerusalem, ki yet a li poorpo, see ki u saan bann Rom.

Toona 24:14

“Min beerae nan ma waa sɔnu nba ki Juu teeb yeen a li sɔnu ki ŋan na, ŋaan min lek jiantir ti yejamm Yennue. Linba sɔb Moses sennu gbant nan Yennu sɔkiniinba gbant ni na, n teen li kura yada,

Toona 27:23

Kimaan Yennu nba ki n tee u yɔɔ ki jiantirɔ na, u malaka won sik n paak nyiɔk na,

Toona 3:26

Li paak ki Yennu gann u Toontunnɔ Masia maŋ ki tumɔ i boor ni sinsinn, a wun te ki i kur-n nyik i biit ki la mɔsonŋann maŋ.”

Rom Teeb 9:1

N tee Masia nirɔe ki ki fa faaki. Yennu Seyeeŋ nee yen n dudukit ki teen siara a n ki fa faak, linba ki n yaa n pak na tee mɔniie;

2 Korint teeb 1:23

Yennue tee n siaradaanɔ nan linba paak daan te ki n ki baar Korint i boor ni na tee n tan daa te ki i laat tubdatu.

2 Korint teeb 11:31

Ti Yomdaanɔ Yisa Baa Yennu, wunba yen paku nan yoo nba kaa gbennu na, ŋɔɔe mi nan n piak barmɔniie;

Galasia teeb 1:20

Yennu mɔŋ mi nan ma sɔb linba na tee barmɔniie ki faak kaa leŋi.

Efesus teeb 6:18

Yii mei Yennu yoo kur nan ninmɔnn, u Seyeeŋ nba sommi biaŋinba na; ki yin chekin i mɔŋ nan gbankur ki pukin Yenmiaru kii teen Masiaweira kura,

Filipi teeb 1:3

N teen Yennu niipoouk yoo nba kura ki n tiar i po.

Filipi teeb 1:4

Yoo kura, mi-i mei Yennu teeni, n tuu mei nan parpeenne,

Filipi teeb 2:22

I mɔŋ mi wa tun biaŋinba ki wann u kotir biaŋinba po, nan wa tuun nanin barŋanii toona ni kaman nan bik nba tuun nan u baa biaŋinba na.

Filipi teeb 3:3

Timm jiantir Yennu u Seyeeŋ nie, ki mɔk yuugontir Yisa Masia paak; linba na gar punpotuwa. Timm ki teen nifosaarik yar yada kaa.

1 Tesalonika teeb 1:2

Ti teen Yennu niipoouk i kura paak, ŋaan tian i po yoo kur ti Yenmiaru ni,

1 Tesalonika teeb 3:10

Nyiɔk nan yennu kur ti meiɔ nan ti para kura a wun te ki timm nan yimm-n la leeb ki tin ŋamm i yada.

1 Tesalonika teeb 5:17

kii mei Yennu yoo kur man,

1 Timoti 2:7

Li paak ki Yennu gannin ki n teen Masia toomii ki mɔɔntir barŋanii maŋ ki teen binba ki tee Juu teeb na, ki wannib ŋɔɔ Masia maan nba tee barmɔnii na, a bin teenɔ yada. Ma beeri linba na, n ki fa faak kaa, li tee barmɔniie.

2 Timoti 1:3

Yennu nba ki n jiantirɔ nan dudukŋant kaman nan n yejamm nba din tuun biaŋinba na, mi-i meiɔ, n tian a po yoo kura n Yenmiaru ni, nyiɔk nan yennu ni, ki teenɔ niipoouk a paak.

Filemonn 1:4

N naa bik, yoo kur, mi-i tian a po n Yenmiaru ni, n teen Yennu niipoouk,