Rom Teeb 1:8 - Yennu Gbounpaauŋ Mɔɔr

⁸ Sinsinn, n teen Yennu niipoouk Yisa Masia sann ni, i kura paak, kimaan tingbouŋ na teeb kur gbia i yada po.

Yennu Gbouŋ Mɔɔr

⁸ Sinsinn, n teen Yennu niipoouk Yiisa Masia sann ni, i kura paak, kimaan tingbouŋ na teeb kur gbia i yada po.

Rom Teeb 1:8 ပူးပေါင်းရင်းမြစ်များ

Matiu 24:14

Ki bi tan sa mɔɔnt Yennu naan barŋanii mɔɔntii na tingbouŋ na kur po, a nibooru kur-n gbat, ki dunia gbennu-n yen fit baar.

Barŋanii nba ki LUK din sɔb nae na 2:1

Li yoo na ki kpanbara yudaanɔ Ɔgustus din tur mɔb u yent ni a bin sɔb sɔɔ kur nikant.

Toona 11:28

Bi yenɔ sann din yi Agabus, ki Yennu Seyeeŋ nie ki u din fiir ki set ki bunt buntir, ki yet a kon bonchiann tan sa baa tingbouŋ na kur po; ki kon maŋ din set tan baa yoo nba ki Klɔdius din tee kpanbara yudaanɔ na.

Toona 28:22

Ŋaan ti sii loon ki tin bann a dudukit ni. Ti poŋ mi nan siar po kura, niib bonchiann piak ki biir jiantu nba ki a jiantir na.”

Rom Teeb 10:18

N loon ki n boi ki laan niib ki gbat barŋanii maŋ amii? Mɔmɔmm, bi gbata. Li sɔb Yennu gbouŋ ni a “Niib gbat bi kunkɔra nan bi mɔmaan tingbouŋ lokir kur po.”

Rom Teeb 16:19

Tɔn, sɔɔ kur gbat ya gaar Masia barŋanii biaŋinba, linba na paake ki n mɔk parpeenn nani. N loon ki yii mɔk yan ki saan jiin linba ŋan paak, ŋaan daa saak bonbiiri.

Rom Teeb 6:17

Sianyoo, biit din mɔk i yaak, ŋaan mɔtana i mantik saak barmɔnii wannu nba ki bi din wanti na; li paak, ki n teen Yennu niipoouk.

1 Korint teeb 1:4

N teen Yennu niipoouk yoo kur i paak nan wa turi sommir Yisa Masia paak na,

2 Korint teeb 2:14

Ŋaan ti teen Yennu niipoouk, kimaan ta gaa nan Masia na paak te ki ti nyant bonsiar kur. Yennu jiit a ti fiit Masia ki wann sɔɔ kur mun; ki u barŋanii bannu tee kaman nan tulaarii nba nubir man biaŋinba nee.

Efesus teeb 1:15

Li paak, yoo nba ki n din gbat ya teen ti Yomdaanɔ Yisa yada na nan ya loon Yennu niib biaŋinba na po mɔkmɔk nan dinna,

Efesus teeb 1:16

n teen Yennu niipoouk i paak ki ki nyiki. N tuu tian i poe n miaru ni,

Efesus teeb 3:21

ŋɔɔ Yennu tan sa la nibaakir Yisa Masia nan u weira paak, yoo kur nan yoo nba kaa gbennu. Mɔmɔmm.

Efesus teeb 5:20

Yoo kur yii teen ti Baa Yennu niipoouk bonsiar kur paak, ti Yomdaanɔ Yisa Masia sann ni.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

Filipi teeb 1:3

N teen Yennu niipoouk yoo nba kura ki n tiar i po.

Kolosa teeb 1:3

Ti-i mei Yennu i paak yoonba, ti teen ŋɔɔ Yennu wunba tee ti Yomdaanɔ Yisa Masia Baa na niipoouk yoo kura,

1 Tesalonika teeb 1:2

Ti teen Yennu niipoouk i kura paak, ŋaan tian i po yoo kur ti Yenmiaru ni,

1 Tesalonika teeb 2:13

Linba yaa paak bia te ki ti piak Yennu yoo kura na tee nnee: ta din baar nan Yennu maan i boor ni, i din gbatir ki gaarir; i din ki gaarir kaman nan nisaarik yar na kaa, ŋaan i din gaarir kaman nan li tee Yennu yare. Ki li set tee ŋanne, kimaan yimm nba teenɔ yada na, maan maŋ tuun i para ni.

2 Tesalonika teeb 1:3

Ti naa waas, li kpaa talase nan tii teen Yennu niipoouk yoo kur i paak. Ti-i tun nna, li ŋan, kimaan i yada mantik pukii bonchiann, ki ya mɔk loomm nba ki teen i leeb na pukii.

2 Timoti 1:3

Yennu nba ki n jiantirɔ nan dudukŋant kaman nan n yejamm nba din tuun biaŋinba na, mi-i meiɔ, n tian a po yoo kura n Yenmiaru ni, nyiɔk nan yennu ni, ki teenɔ niipoouk a paak.

Filemonn 1:4

N naa bik, yoo kur, mi-i tian a po n Yenmiaru ni, n teen Yennu niipoouk,

Hiibru teeb 13:15

Li paak yi ŋaan ki tii dontir Yennu sann yoo kur Yisa sann ni; paku nba nyi ti mɔi ni nae tee mannu ki turɔ.

1 Piita 2:5

Ŋaant man ki Yennu-n jii-i ki yi teen kaman nan manfoor tana na ki wun maa ŋaak nba ki u Seyeeŋ sii be li ni; ki i sii tee Yennu mɔŋ mɔŋ toontunna a yii tuun u toonn nan u Seyeeŋ paŋ, ki u sa gaar li toonn Yisa Masia paake;

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nee; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu-n la paku bonsiar kur ni Yisa Masia paak; ŋɔɔ Yennu yen paku nan paŋ kur yoo nba kaa gbennu. Mɔmɔmm.