Rom Teeb 1:3 - Yennu Gbounpaauŋ Mɔɔr

³ Barŋanii maŋ want u Bija poe; ŋɔɔe tee ti Yomdaanɔ Yisa Masia; wa teen nisaarik na, bi marɔ ki u tee David yaaboonne,

Yennu Gbouŋ Mɔɔr

³ Barŋanii maŋ want u Bija poe; ŋɔɔe tee ti Yomdaanɔ Yiisa Masia; waa teen nisaarik yoo nba, ki bi marɔ ki u tee Defid yaaboonn,

Rom Teeb 1:3 ပူးပေါင်းရင်းမြစ်များ

Matiu 1:1

Yisa Masia yejamm piinue na: u din tee David yaaboonne, ki David mun din tee Abraham yaaboonn.

Matiu 1:16

Jakɔb din mar Josef, ki Josef mun din tee Mari sɔrɔ, ki Mari din mar Yisa nba ki bi yiu Yennu Niganntɔɔ Masia na.

Matiu 1:6

Jese din mar Kpanbar David; ki David mun din mar Solomon, wunba naa din tee Yuraya pakɔɔk.

Matiu 12:23

Ki li yaar ŋaan lit niib kur na bonchiann, ki bi boi bi leeb Yisa po a “Jɔɔ nee nɔk tee David yaaboonn na-aa?”

Matiu 15:22

Ŋanne ki Kenann tiŋ ni poosɔɔ nna mun din be bɔkir maŋ po, ki tan baar Yisa boor ni, ki yeen a “N Yomdaanɔ, David yaaboonn, tinimin ninbaauk! Narinbiiuk be n bipoo ni, ki mukisɔ bonchiann.”

Matiu 26:63

Ŋaan ki Yisa ki jiin siari. Ki Yennu jiantu yudaanɔ maŋ ŋamm boiɔ “Betirit manfodaanɔ Yennu paak, fine set tee u Niganntɔɔ Masia ki bia tee u Bija na-aa?”

Matiu 27:43

U teen Yennu yadawa, ki yaa a u tee Yennu Bijae. Tɔn, li-i tee ki Yennu set loonɔ, ŋaant tii gorii man ki laan u sa tinnɔ mɔtanawa.”

Matiu 3:17

Ki kunkɔr nyii sanpaapo ki yet a “N Bilonkakii na, ŋɔɔe ki n numm gboou.”

Matiu 9:27

Yisa nba din nyii leŋ ki gaar saa tɔɔnn po na, ki jab nna bannlee din tee jɔɔnii ki waa u poorpo, ki yikin ki yeen a “Fin David yaaboonn, a tint ninbaauk.”

Barŋanii nba ki LUK din sɔb nae na 1:35

Ki malaka na yetɔ, “Yennu Seyeeŋ sa sik a paak, ki Yabint Yennu paŋ sa sik bakin a paak; li paak, bik nba ki a tan sa marɔ maŋ tan sii tee popeendaanɔ, ki bi sii yiu Yennu Bija.

Barŋanii nba ki LUK din sɔb nae na 1:69

U turit Tinntɔɔ wunba mɔk paŋ ki tee Yennu toontunnɔ David yaaboonn na.

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 1:34

N set la nna, ki bia beeri nan ŋɔɔe tee Yennu Bija.”

Jɔɔnn 1:49

Ki Natanael yetɔ a “Chanbaa, a tee Yennu Bijae, ki bia tee Israel teeb kpanbar.”

Jɔɔnn 10:30

Min nan n Baa maŋ tee yomme.”

Jɔɔnn 10:36

Ŋaan min ŋarin, n Baa Yennue gannin ki tumin tingbouŋ na ni; ki ma yet yaa a n tee Yennu Bija na, nlee ki i yaa a li tee bonbilankanti?

Jɔɔnn 20:28

Ki Tomas yetɔ a “Fine tee n Yomdaanɔ ki bia tee n Yennu.”

Jɔɔnn 20:31

Ŋaan toonjaana nba sɔb ki be nna na, bi sɔb a yin teen yada nan Yisae tee Yennu Niganntɔɔ Masia, ki bia tee Yennu Bija. Li-i tee ki i teenɔ yada, i sa la manfoor nba kaa gbennu, u paak.

Jɔɔnn 5:25

“Barmɔniie ki n beeri na, yoo baat, ki li poŋ baara, ki kpeemm tan sa gbat min Yennu Bija kunkɔr, ki binba gbat n kunkɔr maŋ sa la manfoor nba kaa gbennu.

Jɔɔnn 7:42

Yennu gbouŋ wann a Masia na tan sii tee David yaaboonne, a ki bi bia tan sa marɔ Betlehem doo nba din tee ŋɔɔ David doo na nie.”

Toona 2:30

U din tee Yennu sɔkiniie, ki din mi nan Yennu senn mɔsonn ki turɔ, ki yet yaa a li-i tee ki u kpo, u tan sa jii u yaaboon-yenɔkɔɔ ki dinnɔ u mɔŋ naan.

Toona 3:13

Yennu nba din tee Abraham nan Aisak nan Jakɔb nan ti yejaleeb Yennu na, ŋɔɔe tee daanɔ nba donn u Toontunnɔ Yisa ki turɔ u mɔŋ yabint. Yisa maŋe ki i jiiu ki teenɔ ti yudamm nuu ni na, ki Pailat din poŋ bikin sinsinn a wun ŋaau, ki i bia yêtɔ Pailat boor ni.

Toona 8:36

Ba tɔk sɔnu maŋ ki siik yoonba, ki bi la nyun nna dɔɔ. Ki jatɔɔkir na yetɔ a “Gotir, nyume na. A bee yaa lin teen ki a kan wurin Yennu nyunwuru?”

Toona 9:20

ki din saan yiama Yenjiantu diit ni, ki mɔɔntir Yisa po, a Yisa kpan set tee Yennu Bijae.

Rom Teeb 1:9

Yennu tee n siara daanɔ nan n ki mi nyik Yenmiaru i kura paaki. Ŋɔɔ maŋe ki n waau nan n par kura ki mɔɔntir u Bija barŋanii na, ŋɔɔe tee n siara daanɔ.

Rom Teeb 4:1

Tɔn, ti sa yet a bee ki jikit saa ti yeja Abraham po, nan u binbeŋ po?

Rom Teeb 9:3

n mɔŋ booru paak. Li-i bo-i sa fit ki n set n niib paak ki Masia-n biirin, n bo sa sak nna.

Rom Teeb 9:5

Bi yejamm din tee nijaanae, ki Masia nba din kpant nisaarik na, u din tee bi booru ni yenɔe. Yennu nba yen bont kur na, u sa la paku ki li kii mɔk gbennu. Mɔmɔmm.

1 Korint teeb 1:9

Yennu-i yaa u sa tun linba, u tuun ŋanne. U yiinie a yimm nan u bik ti Yomdaanɔ Yisa Masia-ii mɔk mɔtaauk nan leeb.

1 Korint teeb 10:18

Gotir Israel teeb nba mann mannu ki teen Yennu na; ŋamm nan Yennu taan yomme na.

Galasia teeb 4:4

Ŋaan yoo nba din tan jaŋ na, ki Yennu tun u mɔŋ mɔŋ Bija, ki poo din marɔ, ki u din be Juu teeb sennu ni,

1 Tesalonika teeb 1:10

ki guur u Bija Yisa, wunba tan sa nyi Yendɔuŋ ni ki baar na; wunba ki u din fiinɔ kuun ni, ki u fatit Yennu wutoor nba baat na ni na.

1 Timoti 2:5

kimaan Yen-yenɔkɔɔe be, ki sindantinnɔ tee yenɔkɔɔ ki be Yennu nan nisaarik sinsuuk ni; li yɔɔe tee Yisa Masia

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

2 Timoti 2:8

I tian Yisa Masia po; u din fiir kuun ni, ki din tee David yaaboonn; kaman nan ma mɔn barŋanii ki wann niib biaŋinba na;

1 Jɔɔnn 1:3

Linba ki ti la ki bia gbate, ki ti mɔɔntir ki teeni na, a yin fit lian taan nant mɔtaauk ni. Barmɔniie setik, ti mɔtaauk ni, ti taant nan ti Baa Yennu nan u Bija Yisa Masia,

1 Jɔɔnn 3:23

Ki nee tee u sennu maŋ, a ti teen u Bija Yisa Masia yada kii loon ti leeb kaman nan wa din sennit sennu biaŋinba na.

1 Jɔɔnn 3:8

Sintaanii poŋ tee biitdaanɔe piinu niwa nan mɔtana, ki daanɔ nba tuun biit, ŋɔɔe tee Sintaanii yɔɔ. Ŋaan ki Yennu Bija Yisa sik baar a wun biir Sintaanii toona.

1 Jɔɔnn 4:15

Wunba yaa a u teen yada nan Yisa tee Yennu Bija, ŋɔɔe ki Yennu be u ni, ki u mun bia gaa Yennu paak.

1 Jɔɔnn 5:1

Binba kur tee yada nan Yisa tee Yennu Niganntɔɔ Masia na, li yabe tee Yennu waas. Ki daanɔ nba loon nisɔɔ, u bia sii loon nirɔ maŋ waase.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

1 Jɔɔnn 5:5

Ki ŋmee sii nyant jinjammii maŋi? Wunba teen yada nan Yisa tee Yennu Bija.

2 Jɔɔnn 1:7

Tɔn, kpinkpannii damm bonchiann poŋ baar ki yat saan siar po kur tingbouŋ na niwa, binba yaa a ŋamm ki teen yada a bi mar Yisa ki u tee nisaarik na. Li nibooru tee kpinkpannii damme, ki bia tee Yisa datai.

Fiitu 2:18

Ki wunba ki n lau na bia betin a n sɔb labaar na ki tur u weira nba lakin ki be Tiataira doo ni na malaka a “Labaar na nyii Yennu Bija nba ki u ninbina naan nan mupeenu na, ki u taa bia nyirii kaman nan nabint nba tuu nyirii biaŋinba na boor nie;