Rom Teeb 1:18 - Yennu Gbounpaauŋ Mɔɔr

¹⁸ Yennu wann nifosaarii a u donn wutoor bi paak, kimaan bi tuun toonbiit ki ki waa u sɔnu, ki bi biit sɔnii maŋ te ki niib ki bant u barmɔnii.

Yennu Gbouŋ Mɔɔr

¹⁸ Yennu wann nisaarii a u donn wutoor bi paak, kimaan bi tuun toonbiit ki ki waa u sɔnu, ki bi biit sɔnii maŋ te ki niib ki bant u barmɔnii.

Rom Teeb 1:18 ပူးပေါင်းရင်းမြစ်များ

Rom Teeb 1:19

Yennu donn wutoor, kimaan nifosaarik nba sii fit mi u po biaŋinba, ŋanne fiit ki be paanu ni, kimaan ŋɔɔ Yennu mɔŋ mɔŋe fiitir ki wannib.

Rom Teeb 1:28

Nifosaarii nba din ki loon ki bin bann Yennu, li paake ki Yennu nyikib nan bi dudukbiit, ki bi tuun toona nba bi bonchiann.

Rom Teeb 1:32

Bi mi nan Yennu sennu wann nan binba tuun linba na booru, bi nyɔɔt tee kuume, ŋaan bi lek kpan tuun ŋanne, ki bia mɔk parpeenn nan binba tuun li toonbooru mun.

Rom Teeb 2:3

Fa want leeb biit ba tuun biaŋinba, ŋaan mun tuun nna na, a dukii nan Yennu kan dat a tubirii?

Rom Teeb 3:9

Ki li tee nlee? Timm nba tee Juu teeb na, ti binbeŋ chee binba ki tee Juu teeb binbeŋ amii? Aaii, ti ki chee bi. N poŋ dɔŋ yet a biit yikoo be Juu teeb nan binba ki tee Juu teeb ni

Rom Teeb 4:15

Sennu nee baat nan Yennu wutoor li mɔyêtuk paak, ŋaan bi-i kii senn sennu, mɔyêtuk sii kaa.

Rom Teeb 5:6

Kimaan yoo nba ki ti daa din ki mɔk sommir na, Masia din gaar timm biitdamm paak ki kpo, ki li tee yoo nba ki Yennu din ganne.

Rom Teeb 5:9

U sɔn paak, ki Yennu yet a ti tee niŋamme; li paak mun u kpan sa nyinnit tubdatu nba baat ti paak na ni.

Rom Teeb 6:13

Daa teen i gbanant siar po yaak ki li tuun toonbiit, ŋaan jii i mɔŋ ki tur Yennu, ŋaan kii tee kaman nan i nyii kuun nie ki kɔɔ manfoor ni na; jiin i mɔŋ kur ki tur Yennu ki wun jii-i ki tun yentinu toona.

Efesus teeb 5:6

Kimaan li toonbiit tumu paake te ki Yennu wutoor baat mɔyêtdamm paak. I daa te ki sɔɔ-n jii u jat wannu ki kpanniini.

Kolosa teeb 3:6

Nanna paake te ki Yennu wutoor tan sa do binba ki sak u mɔb na paak.

2 Tesalonika teeb 2:10

U tan sa jɔɔb faak boori kur ki kpann binba ki Yennu tan sa biirib na. Bi tan sa biira, kimaan ba ki loon barmɔnii nba bo sa tinnib maŋ ki yêtir na paak.

2 Tesalonika teeb 2:6

Siare lek daa diau; i mi la tee linba, ŋaan ki u tan sa dɔkit Yennu tiauŋ yoo maŋ nie.