Rom Teeb 1:13 - Yennu Gbounpaauŋ Mɔɔr

¹³ N naa waas, n loon yin bann nan n yabir nan taar muŋŋa nawa a n baar ki tan gɔni, ŋaan ki siar gɔɔrin mɔkmɔk nan mɔtana ki n ki fit gɔniini. N loon ki n te ki niib-n wei ti Yomdaanɔ i boor ni kaman nan ma daan teen biaŋinba na nileeb sinsuuk ni na.

Yennu Gbouŋ Mɔɔr

¹³ N naa waas, n loon yin bann nan n yabir nan taar munŋaa nawa a n baar gɔni, ŋaan ki siar gɔin mɔkmɔk nan mɔtana, ki n ki fit gɔnini. N loon ki n te ki niib nba be i boor na n wei ti Yomdaanɔ nan maa daan teen biaŋinba nileeb sinsuuk ni na.

Rom Teeb 1:13 ပူးပေါင်းရင်းမြစ်များ

Jɔɔnn 12:24

Barmɔniie ki n beeri na, li-i tee ki bi bur dibinn tiŋ ni, li tuu piae, ŋaan ki dibinn na-n kpo. Li poorpo dibinn na-n kpaat, ŋanne ji tuu te ki lin nan dii bonchiann. Ŋaan li-i tee ki bi ki bur dibinn maŋ, li kan kpo, ki bia kan nan; li sii tee dibinyenne.

Jɔɔnn 15:16

Yimm kaa gann mine, ŋaan mine gann yimm, ki turi toona ma yii saa kii lôon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu-n turi linba ki i miarɔ n sann ni.

Jɔɔnn 4:36

Ki dijaara tan sa gaar bi paauk, ki dii nba ki bi jaan na mun, ŋamme tee niib nba tan sa la manfoor nba kaa gbennu, ki damm nba buur nan binba jaan, bi kur tan sii mɔk parpeenn bi dii maŋ paak.

Toona 1:15

Ŋanne ki daa ŋannlee nna tan gar, ki Yisaweira kaman nan kobik nan piinnlee na taan tikir kar, ki Piita tan fiir ki set

Toona 14:27

Bi baaru Antiok maŋ nie, ki bi tikir Yisaweira na, ki tan betib linba kur ki Yennu tun namm, nan wa loot sɔnu biaŋinba ki tur binba ki tee Juu teeb a bin teen Yisa yada ki teen u weira.

Toona 15:12

Ŋanne ki Yisaweira na kura din ŋmin, ŋaan ji gbiintir Banabas nan Pɔɔl. Ki bi beerib bakitnauŋ toonjaana nba ki Yennu din tun namm ki tur boorganu na.

Toona 19:21

Li poorpo ki Yennu Seyeeŋ din te ki Pɔɔl dukin a wun saan Masedonia nan Akaya, ŋaan saa paat ki gar saan Jerusalem, ki yet a li poorpo, see ki u saan bann Rom.

Toona 21:19

Ŋanne ki Pɔɔl foontib, ŋaan kat wannib linba kur ki Yennu tun ki tur binba ki tee Juu teeb na, ŋɔɔ Pɔɔl mɔɔntii na po.

Toona 28:14

Leŋe ki ti la Yisaweisiab. Ki bi gɔɔrit a tii be namm ki jaŋ daa ŋannlore. Ki ti be namm, ki tan nyii leŋ ki saa Rom doo ni.

Rom Teeb 1:12

Ma want linba tee a min nan yimm nba teen yada biaŋinba na, ti sii kɔɔnt ti leeb para, ti yada teenu na paake.

Rom Teeb 11:25

N naa waas, n loon ki yin bann woonin ni bonsiar, a i daa dukii nan i tee yan damme; ki li tee a Juu tesiab yura paar, ki li sii be nnee ki tan baar yoo nba ki binba ki tee Juu teeb kur nba ki Yennu gannib na, bin tan teen Yisa yab.

Rom Teeb 7:1

N naa waas, i kur mi sennu na po, li paak, i sa fit soor ma yaa n yet linba na paaka. Sennu na so wunba be u manfoor nie.

1 Korint teeb 1:10

N naa waas, n barimiie ti Yomdaanɔ Yisa Masia sann ni a yin taan mɔb, ki mɔniɔk daa be i sinsuuk ni, ki yii taa mɔyemmkɔɔ nan dudukyennkɔɔ.

1 Korint teeb 10:1

N naa waas, n loon ki yin bann nan sanpagbouŋ din tuu baak ti yejamm kur paake, ki bi tan gar poot mɔkgbeŋŋir.

1 Korint teeb 12:1

N naa waas, n loon ki yin bann Yennu Seyeeŋ piinii nba tee biaŋinbae nan barmɔnii.

1 Korint teeb 14:20

N naa waas, i daa dia bisin ni dudukiti, ŋaan biit ni, yii tee kaman nan sanpantii nee; ŋaant man ki i dudukit-ii tee subintɔɔ dudukit.

1 Korint teeb 14:26

N naa waas, n ji sa yet a bia? Li-i tee ki i lakin leeb a yi jiant Yennu, ki sɔɔ mɔk yaŋ, ki sɔɔ mɔk wannu, ki sɔɔ mɔk mafiit kar ki sa wann, ki sɔɔ mɔk barganii paku, ki sɔɔ mun mɔk barganii maŋ kpintu; yi teen linba na kur ki lin somm Masiaweira.

1 Korint teeb 9:2

Siab-i kii sak a n tee Masia toomii, ŋaan yimm ŋanin, li kpaa talas yin sak, kimaan ya tee mɔsakdamm na, ŋanne sa wann nan n set tee toomiie.

2 Korint teeb 1:8

N naa waas, n loon ki n tiari fara nba ki ti din dii Asia yent ni nee. Fara maŋ din mantik gar ti paŋ terik hali ki ti tan ŋaa dindann ti mɔŋ mɔŋ manfoa po,

2 Korint teeb 2:14

Ŋaan ti teen Yennu niipoouk, kimaan ta gaa nan Masia na paak te ki ti nyant bonsiar kur. Yennu jiit a ti fiit Masia ki wann sɔɔ kur mun; ki u barŋanii bannu tee kaman nan tulaarii nba nubir man biaŋinba nee.

Galasia teeb 3:15

N naa waas, ŋaant ki n jii nisaarik nan u lɔɔ binbeŋ ki bikin ki yin bann linba ki n beeri na paak: niib bannlee-i sak lor a bin tun siar ki pot mɔɔnu nan leeb, bi yenɔkɔɔ ji kan fit nyi u lɔɔ na poorpo nan waama.

Galasia teeb 6:18

N naa waas, ti Yomdaanɔ Yisa Masia-n sommi, i para ni. Mɔmɔmm.

Filipi teeb 1:22

Li-i tee ki n sii be n manfoor ni, n sa fit ŋamm tun toona nba kpaa talasa; li paak, n ki fit bann n par ni linba kpaa talas ki n sa gann.

Filipi teeb 4:17

Li ki tee a n loon mii gaan i piinii kuukɔɔ kaa, ŋaan n loon ki yin gaar Seyeeŋ nyɔɔt nba sa pukin i po.

Kolosa teeb 1:10

ki yin fit kii be kaman nan ti Yomdaanɔ nba loon biaŋinba, ki bia fit kii tuun linba sii pent u par, ki yin fit kii tuun toonŋana kur, kii ŋammit bant Yennu.

Kolosa teeb 1:6

Ki barŋanii maŋe baat nani kaman nan la yat ki kpaatir tingbouŋ na kur ni ki ŋammit niib binbeŋ, ki bia tuun nna i mɔŋ boor ni, la nyii daar nba ki i din gbat ki bann Yennu ninbatinu nan barmɔnii maŋ nba tee biaŋinba na.

1 Tesalonika teeb 2:18

kimaan yoo kur, min Pɔɔl lek loon ki n baar i boor nee, ŋaan ki Sintaanii gɔin sɔnu.

1 Tesalonika teeb 4:13

Ti naa waas, ti loon ki yin bann barmɔniie ki jikit saa Masiaweira nba kpo na po, ki daa mɔk parbiir kaman nan binba ki mɔk dindann na.

2 Tesalonika teeb 2:7

Ki nifobiit ŋanin poŋ be ki tuun bi toona woonin ni, ki wunba diab nee lek daa sii diab mɔkmɔk nan yoo nba ki Yennu tan sa berɔ.

2 Timoti 4:17

Ŋaan ti Yomdaanɔ daan be nanin ki turin paŋ ki n daan fit mɔn barŋanii maŋ kur ki tur binba ki tee Juu teeb na kura a bin gbat. Ŋɔɔe daan nyinnin yambɔr mɔb ni.