Rom Teeb 1:1 - Yennu Gbounpaauŋ Mɔɔr

¹ Min Pɔɔl, wunba tee Yisa Masia toontunnɔ, ki u yiinin a n teen u toomii, ki Yennu gannin a n mɔɔnt u barŋanii.

Yennu Gbouŋ Mɔɔr

¹ Min Pɔɔl-e sɔbin gbouŋ na. N tee Yiisa Masia toontunnɔe, ki u yiinin a n teen u toomii, ki Yennu gannin a n mɔɔnt u barŋanii na.

Rom Teeb 1:1 ပူးပေါင်းရင်းမြစ်များ

Barŋanii nba ki MAK din sɔb nae na 1:14

Tɔn, ki bi din tan soor Jɔɔnn wunba wuur niib Yennu nyunwuru na, ki kɔɔnɔ dansarik; ki li poorpo ki Yisa saan Galilee tiŋ ni, ki mɔɔntir Yennu barŋanii

Jɔɔnn 12:26

Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Jɔɔnn 15:15

N ji kan yiini daaba, kimaan daabir ki mi u yomdaanɔ dudukiti. Ma yi-i n yɔɔsinba na, kimaan labaar kur nba ki n gbat n Baa Yennu peŋ na, ŋanne ki n wanni.

Jɔɔnn 15:20

Yii tian maan nba ki n paki na man, a ‘Daabir kaa ki chee u yomdaanɔ.’ Tɔn, bi-i mukisin, bi mun sa mukisiiwa; ki bi-i sak n maan, bi mun bia sa sak i maama.

Toona 13:9

Ŋanne ki Yennu Seyeeŋ fiir Sɔɔl ni, wunba sann mun din yi Pɔɔl na, ki u got nyɔkluurɔ na sirrr,

Toona 20:24

Ŋaan n ki yi n manfoor ki li tee siari, kimaan min ŋarin loon ki n tun toona nba ki ti Yomdaanɔ Yisa turin nee ki gbenn, ki li toona tee ki mii mɔɔntir barŋanii nba want Yennu ninbatinu poe.

Toona 21:40

Ki lanjimanba yudaanɔ na chabɔ mɔb. Ki Pɔɔl ŋmant ki set tabdiiuk tammɔb taaŋmaata na paak, ŋaan ŋak u nuu ki tur niib na, a bin ŋmin. Ba ŋmin yoonba, ki u pak namm Juu maan ni, ki yet a

Toona 22:21

Ki ti Yomdaanɔ betin a ‘Finii saawa, a mine yaa n tuma niib nba be banfɔka ki ki tee Juu teeb na tinii ni.’ ”

Toona 22:7

Ki n baa tiŋ ni, ki gbat kunkɔr yin a ‘Sɔɔl, Sɔɔl, bee ki a mukisirimi?’

Toona 26:1

Li yoo na ki Bat Agripa yet Pɔɔl a “N chaba mɔb. Pakin nyinn a mɔŋ.” Ki Pɔɔl donn u nuu sanpaapo a wun pak ki nyinn u mɔŋ, ki yet a

Toona 26:14

Ki ti kura baa tiŋ ni. Ki n gbat ki kunkɔr pak timm Juu teeb maan ni, ki yin a ‘Sɔɔl, Sɔɔl, bee ki a mukisirimi? Fa tuu yêenin na, li paake te ki li paar a paak kaman nan bonkobuk nba tuu yêen u daanɔ mɔb ki u boou lanbann na.’

Toona 27:23

Kimaan Yennu nba ki n tee u yɔɔ ki jiantirɔ na, u malaka won sik n paak nyiɔk na,

Toona 9:15

Ki ti Yomdaanɔ betɔ a “Fini saawa! a ŋɔɔe tee wunba ki n gannɔ a wuu tuun n toonn, ki te ki boorganu nan bi kpanbara nan Israel teeb-n bann n sann,

Rom Teeb 1:16

Fei ki mɔkin nan ki n mɔɔnt barŋanii maŋ, kimaan li tee Yennu paŋ nba tint wunba kur teen Yisa yada nee; sinsinn li tee Juu teeb yare, ki mun bia tee nibooru kur yar.

Rom Teeb 1:5

Ŋɔɔ paake ki Yennu ninbatinu be n paak ki te ki n tee u toomii, ki n jii u sann ki saan nibooru kur boor ni, ki te ki bi teenɔ yada ki saak u mɔb;

Rom Teeb 1:9

Yennu tee n siara daanɔ nan n ki mi nyik Yenmiaru i kura paaki. Ŋɔɔ maŋe ki n waau nan n par kura ki mɔɔntir u Bija barŋanii na, ŋɔɔe tee n siara daanɔ.

Rom Teeb 11:13

N piak ki teen yimm nba ki tee Juu teeb nee: Yennu nba te ki n tee Masia toomii i boor ni na, n sii mɔk yuugontir n toonn maŋ paak.

Rom Teeb 15:16

ki te ki n tee Yisa Masia toontunnɔ, a n mɔɔnt u barŋanii ki tur binba ki tee Juu teebi, a ki bi sii tee piinii ki teenɔ, ki u Seyeeŋ na sa te ki bin teen nifoŋamm ki penn u par.

Rom Teeb 15:29

N mi nan mi-i baar i boor, Masia sommir sii be ti ni bonchiann.

Rom Teeb 16:18

li nibooru ki waa ti Yomdaanɔ Masia, ŋaan waa bi mɔŋ niauŋo. Bi jikit mɔmante ki kpann binba yaa dudukit ki chee na.

Rom Teeb 16:25

Li ŋan ki tin baak Yennu, kimaan u fit te ki i set waau fanu kaman nan ma mɔɔnt barŋanii ki jiin Yisa Masia po na, ki fiit woonin ni maan nba din bɔr bina bina na.

1 Korint teeb 1:1

Min Pɔɔl nba ki Yisa Masia yiinin a n teen u toomii Yennu loomm ni, min nan ti naa bik Sosenes sɔbin gbouŋ na ki teen Yennu mɔtaauk niib nba be Korint doo ni.

1 Korint teeb 9:1

N ki yen n mɔŋii? N ki tee Masia toomii kaa-aa? N ki la ti Yomdaanɔ Yisa-aa? N toona nba ki n tuun ki teen ti Yomdaanɔ na paak kaa ki i mun tee mɔsakdammii?

2 Korint teeb 1:1

Min Pɔɔl wunba ki Yennu loomm paak ki u teenin Yisa Masia toomii na, min nan ti naa bik Timotie sɔbin gbouŋ na ki teen Yennu niib nba be Korint, nan u niib kur nba be Akaya tingbouŋ ni nna kur.

2 Korint teeb 11:5

Niib nba kpanni a bi tee Yisa toomiinba na, n ki dukin nan bi garimi.

2 Korint teeb 11:7

N lek sikin n mɔŋe ma n donni, kimaan ma din beti Yennu barŋanii maŋ na, n ki gaar i bonsiar li paaki. Ki ma din tun nna maŋ, n mɔk biite li paakii?

2 Korint teeb 12:11

Li-i bo-i tee ki yimme piakin, ŋanne bo sii ŋan; ŋaan ya ki piakin paak te ki n piak n mɔŋ kaman nan n tee jatuko na. Mi-i kii tee siar, ŋaan binba kpann a bi tee Masia toomiinba na ki garimi.

2 Korint teeb 2:12

Ma din tan baar Troas tingbouŋ ni ma n mɔɔnt Yisa barŋanii mɔɔntii na, ki n bann nan Yennu set loot u toona sanjouk leŋa.

2 Korint teeb 4:5

Ti ki mɔɔntir ti mɔŋ mɔŋ po kaa, ŋaan ti mɔɔntir Yisa Masia poe, a ŋɔɔe tee ti Yomdaanɔ na, ŋaan want nan timme tee u toontunna ki teeni, u sann paak.

Galasia teeb 1:1

Min Pɔɔl nba tee Masia toomii, nan ti naa waas nba be nna na kur foont Masiaweira nba be Galasia tiŋ ni. Nisaarik kaa teenin Masia toomii, nisaarii kaa bia tumin, ŋaan ti Baa Yennu nan Yisa Masia nba ki u din fiinɔ kuun ni nee din gannin.

Efesus teeb 1:1

Min Pɔɔl wunba ki Yennu gannin a n teen Yisa Masia toomii na foont Yisa Masiaweira nba teenɔ yada ki be Efesus doo ni.

Efesus teeb 1:13

Ŋaan yimme mun din gbat tinnu barŋanii nba tee barmɔnii maŋ ki teen Yisa Masia niib. Ya teen Masia yada na paak ki Yennu jii u Seyeeŋ nba tee u yent dɔk na turi nan wa din lor biaŋinba na.

Efesus teeb 4:11

Ŋɔɔe tur nisaarik piinii, ki gann nisiab ki teemm toomiinba, ki leeb mun tee sɔkiniinba, ki yemm mun bia teen barŋanimɔɔnt teeb, ki siab mun lek tee Masia niguuteeb nan wannteeb.

Filipi teeb 1:1

Min Pɔɔl nan Timoti, timm nba tee Yisa Masia toontunna nee sɔb gbouŋ na ki teen Yennu niŋamm kur nba tee Yisa Masiaweira nba be Filipi na, nan bi yudamm nan bi sommteeb na.

Filipi teeb 2:11

ki sɔɔ kura tan sa yet a ŋɔɔ Yisa Masia tee Yomdaanɔ kii dont ti Baa Yennu sann.

Kolosa teeb 1:1

Min Pɔɔl, wunba tee Yisa Masia toomii Yennu loomm paak na, nan ti naa bik Timoti, sɔbin gbouŋ na

Kolosa teeb 1:25

Ki Yennu nba turin toonn maŋ a n tun na, ŋɔɔe teenin Masia niib maŋ daabir i sommir paak, a niib-n bann Yennu barii maŋ mun.

1 Tesalonika teeb 2:2

I mi nan ta lek daa din be Filipi doo ni, ki bi dinnit fara nan fei biaŋinba, ki see ti paak bonchiann na, ŋaan ta din baar i boor ni, ti din mɔk parcheenn nba nyi Yennu boor ni nan tin mɔɔnt barŋanii maŋ turi.

1 Tesalonika teeb 2:8

Ta din looni bonchiann na paak, ti din mɔɔntir Yennu barŋanii ki teeni; li kuukɔɔ kaa, ŋaan ti bia din jii ti mɔŋ mɔŋ manfoa ki likin saaŋmanii i paak, kimaan i mantik teen ti niloonkab ki li yabita.

1 Tesalonika teeb 2:9

Ti naa waas, setik nan barmɔniie, i mi ta din tuun di fara biaŋinba. Ta din be i boor ni ki mɔɔntir Yennu barŋanii maŋ ki teeni na, ti din tuun yennu ni nan nyiɔko, a ti daa teeni farsiari.

1 Timoti 1:1

Min Pɔɔl tee Yisa Masia toomii, kimaan ti Tinntɔɔ Yennu nan Yisa Masia binba tee ti dindann na turin yaak;

1 Timoti 2:7

Li paak ki Yennu gannin ki n teen Masia toomii ki mɔɔntir barŋanii maŋ ki teen binba ki tee Juu teeb na, ki wannib ŋɔɔ Masia maan nba tee barmɔnii na, a bin teenɔ yada. Ma beeri linba na, n ki fa faak kaa, li tee barmɔniie.

2 Timoti 1:11

Yennu poŋ din yiinin a n teen toomii nan wanntɔɔ ki mɔɔnt barŋanii maŋ.

Taitus 1:1

Min Pɔɔl, wunba tee Yennu daabir nan Yisa Masia toomii na, mine ki Yennu gannin ki tumin u nigannkab boor a n chee bi yada, ki te bin bann u barmɔnii labaar nba wantit yentinu sɔnu.

Hiibru teeb 5:4

Sɔɔ ki fit dont u mɔŋ a wuu tee mantɔyudaanɔ, see ki Yennu gannɔ kaman nan wa din gann Aron ki teenɔ mantɔyudaanɔ biaŋinba na.

Hiibru teeb 7:26

Li paak, Yisae tee ti mantɔɔ nba jaŋ nan ti sommir. Ŋɔɔe tee popeendaanɔ, ki ki mɔk bisiati; u be u kɔɔe nan biitdamm, ki Yennu donnɔ ki gar Yendɔuŋ ni teeb kura.

Jeems 1:1

Min Jems, wunba tee Yennu toontunnɔ ki bia tee ti Yomdaanɔ Yisa Masia toontunnɔ, n foont Israel nibooru piik nan bannlee nba yat ki be tingbouŋ na kur ni.

1 Piita 4:17

Yoo baara ki Yennu sa piin ki bu niib buut; ki u sa bu u tiauŋ niib buute sinsinn; ki li-i tee ki u bu timm nba tee u niib na buut sinsinn, ki binba ki sak u barŋanii na sa joont nlee?

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

Juud 1:1

Min Juud wunba tee Yisa Masia toontunnɔ, ki bia tee Jems naa bik nee sɔbin gbouŋ na ki teen niib nba ki ti Baa Yennu gannib ki loomm, ki Yisa Masia guub na.

Fiitu 1:1

Maan nba ki Yisa Masia din fiit na sɔb gbouŋ na nie. Yennu din turɔ maan maŋ a wun wann u toontunna linba sa teen mɔtana. Masia din tun u malaka u toontunnɔ Jɔɔnn boor ni, a wun betɔ maan maŋ kur.

Fiitu 22:6

Ki malaka na bia yetin a “Mɔbona na tee mɔniie, ki bia tee linba ki yada be li ni. Ki ti Yomdaanɔ Yennu nba jikit u Seyeeŋ na ki teen u sɔkiniinba na, ŋɔɔe tun u malaka a wun baar ki wann u toontunna linba sa tun mɔtana.”

Fiitu 22:9

Ki u yetin a n daa tee nna kaa; a u mun tee min nan n naa waas nba tee sɔkiniinba nan binba saak linba be gbouŋ na ni na toontunlɔɔe; a n jiant Yennue.