Barŋanii nba ki MAK din sɔb nae na 9:41 - Yennu Gbounpaauŋ Mɔɔr

⁴¹ Barmɔniie ki n beeri na, wunba kur got lai ki turi nyun, a ya tee n yab na paak, li daanɔ tan kan mi kɔŋ u paauko.”

Yennu Gbouŋ Mɔɔr

⁴¹ Barmɔniie ki n beeri na, wunba kur turi nyun, yaa tee n yab na paak, li daanɔ tan kan mi kɔŋ u paauku.”

Barŋanii nba ki MAK din sɔb nae na 9:41 ပူးပေါင်းရင်းမြစ်များ

Matiu 10:42

Wunba finn nyumaasin waaminna kuukɔɔ ki tur n poorpoweitɔɔ yenɔ nba pɔ i ni gbaa, nan wa tee n poorpoweitɔɔ na paak, barmɔniie ki n beeri na, u tan kan mi kɔŋ li paauko.”

Matiu 25:40

Ki min Bat na mun tan sa jiin ki betib a ‘Barmɔniie ki n beeri na, ya din tun linba ki tur wunba tee tatimɔɔ n naa waas na sinsuuk ni na yenɔkɔɔ, i din tuun ki teen mine.’

Barŋanii nba ki MAK din sɔb nae na 4:10

Li poorpoe ki nisiab nba din be Yisa peŋ, nan u poorpoweiteeb piik nan bannlee na, din baar u boor yoo nba ki u din be u kuukɔɔ na, ki tan boiɔ barjokit na paak.

Rom Teeb 14:15

Fi-i te ki a naa bik par biir jeet nba ki a di na paak, ŋann ŋanin a ji ki tuun loomm toonn kaa. Nirɔ nba ki Masia din gaar u paak ki kpo na, a daa te ki wun nyik Yennu sɔnu a jeetdinu paaki.

Rom Teeb 8:9

Yennu Seyeeŋ-i set be i ni, i benu ki waa nisaarik loommu, ŋaan li waa Yennu Seyeeŋ na loomme. Wunba ki mɔk Masia Seyeeŋ maŋ u ni, li daanɔ ki tee Masia yɔɔ.

1 Korint teeb 15:23

Sɔɔ kur sa fiir u kuun fiiru yoo; Masiae fiir sinsinn, ki binba tee u niib mun tan sa fiir u baaru daar maŋ.

1 Korint teeb 3:23

Ki Masia mun yeni, ki Yennu mun yen Masia.

2 Korint teeb 10:7

Yimm gorii nisaarik numm po kuukɔɔe. Nisɔɔ-i be i sinsuuk ni ki yaa a u tee Masia yɔɔe, yin te ki li yɔɔ-n tiar nan ti mun tee Masia niibe kaman nan wa tee biaŋinba na.

Galasia teeb 3:29

Ki i-i tee Masia yabie, ŋann i tee Abraham yaaboonae, ki tan sa gaar piinii nba ki Yennu din senn mɔsonn a u sa turib na.

Galasia teeb 5:24

Ki Yisa Masia nba yen binba na ŋanin poŋ din kpii bi nisaarik binbeŋ nan li loonbiit kura.