Barŋanii nba ki MAK din sɔb nae na 8:38 - Yennu Gbounpaauŋ Mɔɔr

³⁸ Ki wunba-i tiin fei ki jiin min nan n wannu na po tingbouŋ na biitdamm nan tubkangbata damm paak, min nisaarik Bik-i taŋŋi jen nan n Baa Yennu paŋ nan u malakanba, n tan sa tinɔ fei nan man jiiu ki pukin n niib niwa.”

Yennu Gbouŋ Mɔɔr

³⁸ Ki wunba-i tiin fei ki jiin min nan n wannu na po tingbouŋ na biitdamm nan tubkangbata damm paak, min nisaarik Bik-i taŋi jen nan n Baa Yennu paŋ nan u malakanba, n tan saa tin fei nan man jiiu ki pukin n niib niwa.”

Barŋanii nba ki MAK din sɔb nae na 8:38 ပူးပေါင်းရင်းမြစ်များ

Matiu 12:39

Ki u din jiin ki yetib a “Mɔtana nigbouŋ nba tee biitdamm ki bia ki waa Yennu na loon ki bin la bakitnauŋ nyinna; ŋaan n kan mi tun nyinsiar ki turibi; Yennu sɔkinii Jona nyinbooru na kuukɔɔe ki n sa wannib;

Matiu 13:41

Min nisaarik Bik tan sa tun n malakanba ki bin gann nibiit kur nba te ki leeb tuun toonbiit, nan biitdamm kur nba be n yent ni,

Matiu 16:27

Kimaan min nisaarik Bik tan sa jen nan n Baa Yennu paŋ, nan n malakanba, ki li yoo maŋ n tan sa pa sɔɔ kur kaman nan u toona nba tee biaŋinba.

Matiu 16:28

Barmɔniie ki n beeri na, siab be nna, ki daa kan kpo see ki bi tan la min nisaarik Bik naan dinu baaru.”

Matiu 16:4

Mɔtana niib, biitdamm nba ki waa Yennu na loon ki bin la bakitnauŋ nyina; ŋaan n kan mi tun nyinsiar ki turibi; Yennu sɔkinii Jona nyinbooru na kuukɔɔe ki n sa wannib.” U yet nnee, ŋaan seet ki nyikib.

Matiu 24:30

Li yoo maŋ ki niib tan sa la min nisaarik Bik jenu nyinn sanpaapo, ki nibooru booru nba be tingbouŋ na kur tan sii fabin, ki ji la min nisaarik Bik ki n be sanpagbana ni ki siik nan paŋ nan yentsaakar.

Matiu 25:31

“Tɔn, min nisaarik Bik-i taŋŋi jen nan n paŋ nan malakanba kura, n tan sa kar n naangbouŋ paak, ki la baakchiauŋ,

Matiu 26:64

Ki Yisa jiin a “Nn, fine yaa. Ŋaan n beerie, la nyii mɔtana ki jii saa, i tan sa la min nisaarik Bik ki n kar Yabint Yennu nuudiitu po, ki bia tan sa lan ki n be sanpagbana ni ki siik.”

Matiu 8:20

Ki Yisa yetɔ a “Lunlona mɔk fɔrii, ki nɔɔnii mun bia mɔk tiat, ŋaan min nisaarik Bik ki mɔk dundɔɔnboori.”

Barŋanii nba ki MAK din sɔb nae na 13:26

Li yoo maŋ ki min nisaarik Bik tan sa dɔkit sanpagbana ni nan paŋ bonchiann nan yentsaakar.

Barŋanii nba ki MAK din sɔb nae na 14:62

Ki Yisa jiin a “Nn, mine na. I tan sa la min nisaarik Bik ki n kar Yabint Yennu nuudiitu po, ki bia tan sa lan ki n be sanpagbana ni ki siik.”

Barŋanii nba ki MAK din sɔb nae na 8:37

amii nirɔ sa fit jii bee ki kpent u manfoori?

Barŋanii nba ki LUK din sɔb nae na 19:26

Ki u jiimm a ‘N beerie, wunba mɔk bona, bi sa pukinɔ; ŋaan wunba kɔŋ bont, bi bia sa tont bonmintik nba ki u poŋ mɔk na.

Barŋanii nba ki LUK din sɔb nae na 9:26

Wunba tiin fei ki jîin min nan n wannu na po, min nisaarik Bik-i taŋŋi jen nan n paŋ, nan n Baa Yennu paŋ, nan u malakanba paŋ, li yoo maŋ n tan sa tin fei nan man jii li daanɔ ki pukinɔ n niib niwa.

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 1:51

Barmɔniie ki n beeri na, i sa la sanpaapo loot, ki Yennu malakanba siik nisaarik Bik na paak, ki ŋmat do sanpaapo.”

Jɔɔnn 12:34

Ki nibur na yetɔ a “Ti sennu ni wantit a Yennu Niganntɔɔ Masia sii mɔk manfoor nba kaa gbennu. Nlee ki a sa yet a bi sa jii nisaarik Bik na ki donnɔ? Ŋmee tee nisaarik Bik maŋi?”

Jɔɔnn 5:27

ki u bia teenin yikoo a mii bu niib buut, kimaan n tee nisaarik Bike.

Toona 10:22

Ki bi jiin a “Chanbaa Kɔneliuse tumit. U tee lanjimanba yudaanɔe, ki tee niburchimɔe biak, ki jiantir Yennu, ki Juu teeb kur teenɔ nibaakir. Tɔn, Yennu malaka won baar betɔ a wun yiina ki a baar u ŋaak ni, ki wun tan gbat linba ki a sa pak ki turɔ.”

Toona 5:41

Ŋann maŋe ki toomiinba maŋ nyii tituk kaanu na ni nan parpeenn, Yennu nba la ki bi jaŋ nan feidinu, Yisa sann paak na.

Rom Teeb 1:16

Fei ki mɔkin nan ki n mɔɔnt barŋanii maŋ, kimaan li tee Yennu paŋ nba tint wunba kur teen Yisa yada nee; sinsinn li tee Juu teeb yare, ki mun bia tee nibooru kur yar.

Galasia teeb 6:14

ŋaan min ŋanin kan mi faa japaat see ti Yomdaanɔ Yisa Masia dapunpunn na kuukɔɔ paak; kimaan u dapunpunn maŋ paake te ki n kpii tingbouŋ na niauŋ n gbanant ni, ki tingbouŋ na niauŋ mun nyii n gbanant ni.

1 Tesalonika teeb 2:19

Ti Yomdaanɔ Yisa-i jen yoonba, yimme sii tee ti dindann nan ti nyɔɔt, ki i paake ki ti tan sa set u boor nan parpeenn nan yuugontir.

1 Tesalonika teeb 3:13

Nnee ki u sa chee i para, ki i sii tee popeendamm nba ki mɔk biit ti Baa Yennu boor ni, nan yoo nba ki ti Yomdaanɔ Yisa tan sa jen nan u yab kura na.

2 Timoti 1:12

Li paake te ki n di fara dansarik ni; ŋaan ki n ki tiin fei, kimaan n mi ma jii n mɔŋ ki teen wunba nuu ni, n mi ki birsuk kaa nan u sa fit dia linba ki n jii ki teen u nuu ni na fanu mɔkmɔk nan Daar maŋ daar.

2 Timoti 1:16

Ti Yomdaanɔ-n tin Onesiforus ŋaateeb ninbaauk, kimaan u daan yoo cheen n par. U daan ki tin fei nan ma kɔɔ dansarik na paak;

2 Timoti 1:8

Li paak, mɔɔntir ti Yomdaanɔ labaar ki daa tiin fei. A bia daa tiin fei nan ma kɔɔ dansarik u paak na, ŋaan sak nan fardinu u barŋanii maŋ paak, kaman nan Yennu nba tura paŋ biaŋinba na.

Hiibru teeb 11:16

Ŋaan bi baka din be Yendɔuŋ ni digbann nba chee na poe. Ki li paak Yennu mɔk yuugontir nan bin yiinɔ bi Yennu, kimaan u poŋ din ŋamm dosaue ki guumm.

Hiibru teeb 11:26

U din dukin a bi-i sukiiɔ Masia paak, li mɔk nyɔɔt bonchiann ki chee Ijipt tiŋ ni mɔkint kura, kimaan u ninbinn din kpaa nyɔɔt nba baat na paake.

Hiibru teeb 13:13

Li paak, ŋaant ki tin nyi ki saan u boor ni man, ki sak feidinu u paak.

Jeems 4:4

I nyik Yennuwa, ki waa bonliae. Li-i tee ki i tee tingbouŋ na yɔɔsinbaie, i tee Yennu dataie; I ki mi nnee-ee? Wunba loon wuu tee tingbouŋ na yɔɔk, li yɔɔ teen u mɔŋ Yennu dataake.

1 Jɔɔnn 2:23

Daanɔ nba yêen Yennu Bija Yisa, ti Baa Yennu ki be nanɔ, ŋaan wunba piak ki yeen a u teen yada nan Yisa tee Yennu Bijae, ti Baa Yennu be nanɔ.

1 Jɔɔnn 2:28

Tɔn, n waas, yii gaa Yisa paak man. Li-i tee ki i yɔɔ gaa u paakie, ti sii mɔk parcheenn, ki ti kan di fei u boor yoo nba ki u tan sa jen na.

Fiitu 14:10

li daanɔ sa la Yennu wutoor nba tee kaman nan dapaaruk nba ki u mɔɔn ki teen daŋmanbaŋ ni na, li daanɔ bia tan sa la fara muu nba ki sarwuutaa di nann na ni, Yennu malakanba nan Pebik na tɔɔnn po.