Barŋanii nba ki MAK din sɔb nae na 8:33 - Yennu Gbounpaauŋ Mɔɔr

³³ Ki Yisa gbia jiant got u poorpoweiteeb na, ki ji mun yakii nan Piita a “Fin Sintaanii nba na, seetir nna na. A ki dukii linba tee Yennu yar po kaa, ŋaan dukii linba tee nisaarik yar poe.”

Yennu Gbouŋ Mɔɔr

³³ Ki Yiisa jiant got u poorpoweiteeb na, ki mun yakii nan Piita a “Sintaanii na, seetir nna na. A ki dukii linba tee Yennu yar po kaa, ŋaan dukii linba tee nisaarik yar.”

Barŋanii nba ki MAK din sɔb nae na 8:33 ပူးပေါင်းရင်းမြစ်များ

Matiu 15:23

Ki Yisa din ki jiin siari; ŋaan ki u poorpoweiteeb betɔ a wun ber poo na, kimaan u mɔk fuut.

Matiu 16:23

Ŋanne ki Yisa jiant bet Piita a “Sintaanii na, seetir nna na. A tee tangbiatkare n sɔnu ni, kimaan a ki dukii linba tee Yennu yar po, ŋaan dukii linba tee nisaarii yar po,”

Matiu 4:10

Ki Yisa betɔ, “Seetir nna Sintaanii. Li sɔb Yennu gbouŋ ni a ‘Nirɔ-ii jiantir u Yomdaanɔ Yennu kuukɔɔe, kii bia kii waa ŋɔɔ kuukɔɔ.’ ”

Barŋanii nba ki MAK din sɔb nae na 3:34

ŋaan got binba kar u boor ni na ki yet a, “N naa nan n waariie be nna na.

Barŋanii nba ki MAK din sɔb nae na 3:5

Ki u got ki lintib nan wutoor, kimaan u par din biir bonchiann bi ninkoonii na paak; ki u ŋmant ki bet jɔɔ maŋ a “Tantir a nuu maŋ.” Ki u tant u nuu maŋ ki li la laafia.

Barŋanii nba ki LUK din sɔb nae na 22:61

Ki ti Yomdaanɔ Yisa jiant got la Piita; ki Piita ji tiar ŋɔɔ Yisa mɔbona na po, wa yet biaŋinba a “Kojouk daa tan kan bui dinna sinsinn daanni ki a tan sa nɔi taar munntaae a a ki mimi.”

Barŋanii nba ki LUK din sɔb nae na 4:8

Ki Yisa betɔ a “Li sɔb Yennu gbouŋ ni a ‘Nirɔ-ii jiantir u Yomdaanɔ Yennu kuukɔɔe, kii bia kii waa ŋɔɔ kuukɔɔ.’ ”

Barŋanii nba ki LUK din sɔb nae na 9:55

Ki Yisa jiant gaar jat bi paak a bin nyika.

1 Korint teeb 5:5

jiin nirɔ nba tun toonbiit maŋ ki teenɔ Sintaanii nuu ni ki wun biir u gbanant, ki ti Yomdaanɔ baaru daar maŋ u seek tan sa la tinnu.

Filipi teeb 3:19

Bi tan sa joont nan tubdatu nba kaa gbennue, kimaan bi poore tee bi yennu. Bi mɔk yuugontir nan linba dintib fei nee. Bi dukii linba tee tingbouŋ na bona kuukɔɔ poe.

1 Timoti 5:20

Binba tuun toonbiit na, i yakii namm, niib ni, ki binba biar na-n tin jaŋmaanii.

1 Piita 4:1

Masia nba din dii fara ti paak na, i mun chee i para kii dukii nna, kimaan wunba dii gbanant fara, u nyii toonbiit tumu niwa.

1 Jɔɔnn 2:15

I daa loon tingbouŋ na ŋaateeb sɔnu. I bia daa loon tingbouŋ na bona. Li-i tee ki daansɔɔ nba loon tingbouŋ na ŋaateeb sɔnii, u ki loon ti Baa Yennu.

Fiitu 3:19

Binba kur ki n loomm na, n kpaamm kpaanii ki daar bi tuba. Li paak, nyikin man i biit, ki daa jerimi.