Barŋanii nba ki MAK din sɔb nae na 8:17 - Yennu Gbounpaauŋ Mɔɔr

¹⁷ Ŋaan ki u bann ba piak linba na, ki boib a “Bee ki i piak ki yaa a i ki dia boroboro? I daa ki bann siar biakii? I dudukit ni bia daa ki yentii?

Yennu Gbouŋ Mɔɔr

¹⁷ Ŋaan ki u bann baa piak linba na, ki boib a “Bee ki i piak ki yaa i ki dia boroboro? I daa ki bann siar biaki-i? I dudukit ni bia daa ki yenti-i?

Barŋanii nba ki MAK din sɔb nae na 8:17 ပူးပေါင်းရင်းမြစ်များ

Matiu 12:15

Ki Yisa din bann bi lor maŋ po, ki din nyii leŋ. Ki niib bonchiann din waa u poor; ki u te ki baatib kura paak;

Matiu 15:17

I ki mi nan linba kɔɔ mɔb ni, li yaa lin sik poor nie, ki kpant bint ki nyii-ii?

Matiu 16:7

Ki bi ji piin ki beer bi leeb a “Ta ki baar nan boroboro na paake te ki u yeen nna maŋ.”

Barŋanii nba ki MAK din sɔb nae na 16:14

Li poorpoe biak ki Yisa poorpoweiteeb piik nan yenɔkɔɔ na din kar ki di jeet, ki u tan dɔkit bi paak, ki sarikitib bi yada pɔɔrin paak, nan bi tuba nba kpaa biaŋinba na paak, kimaan bi ki teen binba lau ki u fiir kuun ni na yada.

Barŋanii nba ki MAK din sɔb nae na 2:8

Dudukit na nba din be bi para ni yoonba na, ki Yisa bann ki boib a “Bee ki i boi i para ni linba be na paaki?

Barŋanii nba ki MAK din sɔb nae na 3:5

Ki u got ki lintib nan wutoor, kimaan u par din biir bonchiann bi ninkoonii na paak; ki u ŋmant ki bet jɔɔ maŋ a “Tantir a nuu maŋ.” Ki u tant u nuu maŋ ki li la laafia.

Barŋanii nba ki MAK din sɔb nae na 6:52

kimaan bi daa din ki bann wa won jii boroboro na ki tun bakitnauŋ toonn biaŋinba na paaki. Bi dudukit daa din ki soorir fanu.

Barŋanii nba ki MAK din sɔb nae na 8:16

Ŋanne ki bi ji piak bi leeb sinsuuk ni a “Ta ki dia boroboro nee ki u piak linba na.”

Barŋanii nba ki LUK din sɔb nae na 24:25

Ki ŋɔɔ Yisa betib a “Bee yankpeensime ki i mantik mi nna nan ki i teen sɔkiniinba maan kur yada.

Jɔɔnn 16:30

Mɔtana ti ji bann nan a mi bonsiar kur, ki poŋ bia mi ti buboit ŋaan ki ti daa ki boiani. Li paake teen ki ti teen yada nan a nyii Yennu peŋe.”

Jɔɔnn 21:17

Ki taar munntaa ni biak ki Yisa boiɔ “Simon, wunba tee Jɔɔnn bik, a loonimii?” Ki Piita par ni ji biir, kimaan Yisa nba boiɔ taar munntaa ni a “A loonimii?” na. Ki u yetɔ a “N Yomdaanɔ, a mi bonsiar kur. A mi nan n loona.” Ki Yisa betɔ “I dint n pei.

Fiitu 2:23

ki kpi u weira kura; ki n weira kur sa bann nan mine tee wunba mi niib dudukit nan bi loomm nba tee biaŋinba, ŋaan sa tur sɔɔ kur u toona nyɔɔt nba tee biaŋinba.