Barŋanii nba ki MAK din sɔb nae na 4:15 - Yennu Gbounpaauŋ Mɔɔr

¹⁵ Ki nisiab naan nan bonboorii nba baa sanjouk paak nee; bi-i gbat Yennu maan yoonba, ŋaan Sintaanii tuu baar ki nyinnir bi para nie yiama.

Yennu Gbouŋ Mɔɔr

¹⁵ Ki nisiab naan bonboorii nba baa sɔnjouk paak na; bi-i gbat Yennu maan yoo nba, ŋaan Sintaanii tuu baar ki nyinnir bi para nie yiama.

Barŋanii nba ki MAK din sɔb nae na 4:15 ပူးပေါင်းရင်းမြစ်များ

Matiu 13:19

Nirɔ-i gbat Yennu naan barŋanii, ŋaan ki bann li paaki, Sintaanii tuu baare ki tan nyinn linba bo kɔɔ li daanɔ par ni maŋ; ŋanne tee bonboorii nba baa sanjouk paak na.

Matiu 22:5

Ŋaan wa din poi binba maŋ din ki gbiint ki tur u daaba, ŋaan yaat yaat ki saan bi toona ni: ki yenɔ doo u kpaab ni, ki lɔɔ mun saan u bont kɔiu daak ni.

Matiu 4:10

Ki Yisa betɔ, “Seetir nna Sintaanii. Li sɔb Yennu gbouŋ ni a ‘Nirɔ-ii jiantir u Yomdaanɔ Yennu kuukɔɔe, kii bia kii waa ŋɔɔ kuukɔɔ.’ ”

Barŋanii nba ki MAK din sɔb nae na 4:14

Tanburtɔɔ na tee kaman nan wunba piak Yennu maan nee.

Barŋanii nba ki MAK din sɔb nae na 4:16

Nisiab mun naan nan bonboorii nba baa tanpuut paak nie; bi tuu gbat ki gaar maan maŋ nan parpeenn na,

Barŋanii nba ki MAK din sɔb nae na 4:4

Wa din buur na, ki bonboorii na yenninba yat ki baa sanjouk paak, ki nɔɔnii wei ki tɔkir.

Barŋanii nba ki LUK din sɔb nae na 8:12

Ki linba baa sanjouk na paak naan nan niib nba ki n maan kɔɔ bi tuba ni, ŋaan ki Sintaanii tuu baar ki nyinnir bi para ni, a bi ji daa teenin yada ki laat tinnu.

Toona 17:32

Ba gbat ki Pɔɔl pak kuunfiiru po na, ki siab laa ki sarikitɔ, ŋaan ki siab mun yaa a “Ti bia loon ki tin ŋamm gbiint linba ki a sa pak nee.”

Toona 5:3

Ki Piita boiɔ a “Ananias, bee ki a ŋaan ki Sintaanii kɔɔ ki yent a par ni, ki a faar faak ki loon ki a kpann Yennu Seyeeŋ, ki paat likirii nba ki a daan kɔi a kpaab na paaki?

2 Korint teeb 2:11

i daa teen Sintaanii yaaki, kimaan ti mi u sɔnii nba tee biaŋinba.

2 Tesalonika teeb 2:9

Nifobiiuk maŋ tan sa baar nan Sintaanii yaake ki tuun yaarlituk nan bakitnauŋ toonboori kur a wun kpann niib.

Hiibru teeb 12:16

I sɔɔ daa tuun bonchonchonn toona amii ki gorii Yennu barii yann kaman nan Esɔ wunba din jii u saakatuk ki daa jeet ki dii taar yomm na.

Hiibru teeb 2:1

Li paak, li kpaa talase ki tin gbiint barmɔnii nba ki ti din gbat na fanu ki tan daa kɔŋŋitiri.

1 Piita 5:8

Yii dia i mɔŋ man, ŋaan kii mi i dataak nba tee Sintaanii na po; u line kaman nan yambɔr nee, ki loon wun la sɔɔ ki soor ŋman.

Fiitu 12:9

bi jii waakperbiiuk na ki nyinnɔ; u poŋ tuu tee waauk nba tuu beewa, ki u sann yi Sanbiirtɔɔ amii Sintaanii, ki tuu kpann tingbouŋ na teeb kur na. Ki bi nyinn ŋɔɔ nan u malakanba ki lub tingbouŋ na ni.

Fiitu 20:10

Ki malakanba jii Sintaanii nba kpann tingbouŋ na niib na, ki lu-u bootsunsuŋ nba gbee nan muu ki sarwuutaa di nann na ni, siaminba ki bi dɔŋ lu bonkobuk na nan u faak sɔkinii na. Leŋe ki bi sa di fara yennu nan nyiɔk mɔkmɔk nan yoo nba kaa gbennu.

Fiitu 20:7

Bintusir na-i tan gar, bi sa loot Sintaanii bootsunsuŋ na ni ki ŋaau,