Barŋanii nba ki MAK din sɔb nae na 16:20 - Yennu Gbounpaauŋ Mɔɔr

²⁰ Ŋanne ki u poorpoweiteeb saan ki saa mɔɔntir u barŋanii lokir kur po, ki ti Yomdaanɔ din be namm, ki te ki bi tuun yaarlituk toona, ki li toona na din wann siara a bi mɔɔntii maŋ set tee barmɔniie.

Yennu Gbouŋ Mɔɔr

²⁰ Ŋanne ki u poorpoweiteeb na saan ki saa mɔɔntir u barŋanii na lokir kur po, ki ti Yomdaanɔ maŋ be namm, ki te ki bi tuun yaarlituk toona, ki li toona wann siara nan bi mɔɔntii maŋ set tee barmɔniie.

Barŋanii nba ki MAK din sɔb nae na 16:20 ပူးပေါင်းရင်းမြစ်များ

Barŋanii nba ki MAK din sɔb nae na 16:19

Tɔn, ti Yomdaanɔ Yisa nba pak barii na ki gbenn yoonba, ki Yennu te ki u doo sanpaapo ki saa kar ŋɔɔ Yennu nuudiitu po.

Barŋanii nba ki LUK din sɔb nae na 1:1

Chanbaa Teofilus: N loon ki a bann nan maan nba ki bi poŋ daan wanna na, li tee barmɔnii mɔniie. Li piinu ni, nisiab din la linba piin ki teen maŋ ti leeb sinsuuk ni, nan bi ninbina. Ŋamme din tee binba din mɔɔntir maan maŋ po, ki niib bonchiann kot bi mɔŋ paak ki sɔb linba ki bi wannib na. Li paak, n mɔŋ mɔŋ boi ki fiitir bonŋann ki la nan li bonsiar kur nba tee biaŋinba li piinu ni, nan la saa biaŋinba, ki n dukin nan li ŋan n po nan ki n sɔb ki lii tɔɔk sɔnu, ki tura.

Toona 14:3

Ki toomiinba na ji din jii yoo bonchiann ki be leŋ, ki ŋammit piak nan parcheenn ki jikit saa ti Yomdaanɔ Yisa po, ki u turib yaak a bii tuun bakitnauŋ toonjaana, ki li din want nan ba piak u ninbatinu po na, li maan maŋ set nyii u boore.

Toona 4:30

ŋaan tant a nuu ki te ki baatib-n la paaku, ki ŋaan ki tii tuun bakitnauŋ toonjaana, nan a popeenn toontunnɔ Yisa sann paŋ ni.”

Toona 5:12

Li yoo na ki toomiinba na tuun bakitnauŋ toonjaana niib na ni bonchiann. Ki Yisaweira kura tuu taan leeb Yennu Yennu ŋasaakak, Solomon barintir boor.

Rom Teeb 15:19

Yennu Seyeeŋ paŋ nee te ki n tuun bakitnauŋ toona na, ki ŋanne te ki bi bann paŋ nba ki u mɔk. Ki n nyii Jerusalem ki bia lin doi ni ki tan baar Ilirikum tiŋ ni ki mɔɔntir Masia barŋanii kura.

2 Korint teeb 6:1

Li paak, timm nba tuun Yennu toona u sommir paak na, ti barimiie, i daa te ki u ninbatinu na tee yanni.

Hiibru teeb 2:3

Li paak, ti-i kii sak ki gbiint tinnjaann maŋ labaar fanu, ti sa teen nlee ki nyi tubdatu ni? Ti Yomdaanɔ tiauŋo din dɔŋ mɔn tinnu maŋ labaar na po, ki binba din gbat na din wannit a li set tee barmɔniie;

Hiibru teeb 2:4

ki Yennu nba din tuun bakitnauŋ nan yaarlituk toona nan nyina ki bia teemm u Seyeeŋ piinii u lomm ni biaŋinba na, u pukii u siara bi wannu maŋ paak.