Barŋanii nba ki MAK din sɔb nae na 14:18 - Yennu Gbounpaauŋ Mɔɔr

¹⁸ Ba kar ki di jeet yoonba, ki u tan betib a, “Barmɔniie ki n beeri na, min nan i yenɔ nba di jeet na, li yɔɔ yaa wun nyi n poore.”

Yennu Gbouŋ Mɔɔr

¹⁸ Baa kar ki di jeet yoo nba, ki u tan betib a, “Barmɔniie ki n beeri na, min nan yimm nba di jeet na, i yenɔe yaa wun nyi n poor.”

Barŋanii nba ki MAK din sɔb nae na 14:18 ပူးပေါင်းရင်းမြစ်များ

Matiu 26:21

Ba din di yoonba ki Yisa yetib a “Barmɔniie ki n beeri na, i ni yenɔ sa nyi n poor ki fikisin.”

Matiu 5:18

kimaan barmɔniie ki n beeri na, sanpaak nan tingbouŋ na tan sa gbenn, ŋaan Yennu sennu na nan li bonmintik kan mi bot, see ki li kura tan tun ki gbenn.

Matiu 6:16

“Li-i tee ki i yaa i lor mɔiie, ya daa biir i nunii po kaman nan kpinkpannii damm na, kimaan bi tuu biir bi nunii po, a sɔɔ kur-n la ki bann nan bi lor mɔiie. Barmɔniie ki n beeri na, bi poŋ gaar bi nyɔɔta.

Matiu 6:2

“Li-i tee ki a yaa a tur talasdamm piiniie, fa daa mɔɔntir kaman nan kpinkpannii damm nba tuun biaŋinba Yenjiantu diit ni, nan doi ni, a niib-n la bi toonŋana ki pakib na. Barmɔniie ki n beeri na, bi poŋ gaar bi nyɔɔta.

Matiu 6:5

“Li-i tee ki a yaa a miar Yennu, fa daa tuun kaman nan kpinkpannii damm na nba tuun biaŋinba na, kimaan bi loon bii see Yenjiantu diit nie, nan sɔnpaataa nba be doi ni, kii mei Yennu a niib-ii laatib. Barmɔniie ki n beeri na, bi poŋ gaar bi nyɔɔta.

Barŋanii nba ki MAK din sɔb nae na 10:15

Barmɔniie ki n beeri na, wunba ki gaar Yennu naan kaman nan bik na, u kan mi kɔɔ li ni fabaa,”

Barŋanii nba ki MAK din sɔb nae na 10:29

Ki Yisa betib a “Barmɔniie ki n beeri na, wunba kur nyik u ŋaak, amii u ninjamm, amii u niipoob, amii u naanba, amii u baanba, amii u waas, amii u kpaant, n sann paak nan barŋanii na paak,

Barŋanii nba ki MAK din sɔb nae na 14:17

Ki Yisa nan u poorpoweiteeb piik nan bannlee na tan baar dajouk.

Barŋanii nba ki MAK din sɔb nae na 14:19

Ki li biir bi para ni; ki bi boiɔ yenɔ yenɔ a “A yeen minee?”

Barŋanii nba ki MAK din sɔb nae na 14:25

Barmɔniie ki n beeri na, n ji kan mi ki nyu tilɔɔna nyun na see daar nba ki n tan sa nyu li nyunpaann Yennu naan ni na.”

Barŋanii nba ki MAK din sɔb nae na 14:9

Barmɔniie ki n beeri na, siaminba kur ki bi sa mɔɔnt n barŋanii na tingbouŋ na ni, bi bia sa mɔɔnt poo maŋ nba tun linba na, ki lii tee tiarue ki turɔ.”

Barŋanii nba ki MAK din sɔb nae na 3:28

Ki Yisa ŋamm yetib a “Barmɔniie ki n beeri na, Yennu sa nyik chab nifosaarii bi biit nan bi barbiit kura;

Barŋanii nba ki MAK din sɔb nae na 6:11

Li-i tee ki i baar doo nba ni, ki niib na ki gaari, ki bia ki gbiintir i mɔmaan, yin nyi doo maŋ ni, ki pit i taapant ni tant bir li doo ni, ki lin teen siarbiiuk ki turib.”

Barŋanii nba ki MAK din sɔb nae na 8:12

Li yoo ki u kurint u yan ni ŋaan boib a “Bee teen ki mɔtana nibooru na loon nyinni? Barmɔniie ki n beeri, n kan tun nyinn ki tur mɔtana niib na.”

Barŋanii nba ki MAK din sɔb nae na 9:1

Tɔn, ki Yisa bia yet linba na poorpo a “Barmɔniie ki n yaa n beti, siab be nna ki daa kan kpo see ki bi tan la Yennu naan baaru nan paŋ.”

Barŋanii nba ki MAK din sɔb nae na 9:41

Barmɔniie ki n beeri na, wunba kur got lai ki turi nyun, a ya tee n yab na paak, li daanɔ tan kan mi kɔŋ u paauko.”

Barŋanii nba ki LUK din sɔb nae na 11:51

ba din kpii Abel yoonba na, ki li jii ki tan baar Sekaria kpinu, wunba ki bi din kpiiu Yennu mannu binbintir nan jiantu ŋasaakak sinsuuk ni na. N beeri nan barmɔniie, mɔtana nigbouŋ na tan sa la tubdatu sɔkiniinba kur kpinu nba na paak.

Barŋanii nba ki LUK din sɔb nae na 22:21

“Gotir man, wunba yaa wun nyi n poor na, ŋɔɔe kar ki di nanin na.

Barŋanii nba ki LUK din sɔb nae na 4:24

Barmɔniie ki n beeri na, niib kan gaar Yennu sɔkinii u mɔŋ mɔŋ doo ni.

Jɔɔnn 1:51

Barmɔniie ki n beeri na, i sa la sanpaapo loot, ki Yennu malakanba siik nisaarik Bik na paak, ki ŋmat do sanpaapo.”

Jɔɔnn 13:18

“N ki piak i kura po kaa. N mi yimm nba ki n ganni na para ni. Li sɔb Yennu gbouŋ ni a ‘Daanɔ nba ki min nan ŋɔɔ lakin di na, ŋɔɔe yaa wun nyi n poor.’ See ki sɔbu na fabir teen mɔnii ki gbeen.

Jɔɔnn 13:21

Yisa nba din yet nna poorpoe, ki parbiir baarɔ bonchiann; ki u betib a “Barmɔniie ki n beeri na, i ni yenɔ yaa wun nyi n poore.”

Jɔɔnn 13:22

Ki li ŋmat bi yan nan wa yeen wunbaie; ki bi jiantir gorii bi leeb.

Jɔɔnn 13:38

Ki Yisa boiɔ a “A set teen siir nan mɔnii nan ki a gaar n paak ki kpo-oo? Barmɔniie ki n beera na, kojouk daa tan kan bui daanni, ki a tan sa nɔi taar munntaa a a ki mimi.”

Jɔɔnn 21:18

Barmɔniie ki n beera na, fa din daa tee naasimɔ na, a din tuu lia a tiat, ki saa siaminba po ki a loon; ŋaan a-i taŋŋi kpet yoonba, a sa tant a nii, ki sɔɔ sa lanna tiat, ki mukisa ki a saan siaminba po ki a ki looni.”

Jɔɔnn 3:11

Barmɔniie ki n yaa n beta, ti beeri linba ki ti mi, nan ta bia la linbae, ŋaan ki i ki gaan ti maami.

Jɔɔnn 3:3

Ki Yisa betɔ a “Barmɔniie ki n beera na, sɔɔ kan fit ki kɔɔ Yennu naan ni, ki li ki tee ki bi ŋamm marɔ kaa.”

Jɔɔnn 3:5

Ki Yisa yetɔ a “Barmɔniie ki n beera, nirɔ maaru, li kan fit jaŋ nan wun baar Yennu naan ni, ŋaan see ki u la maaru munnlee, ki li tee Yennu Seyeeŋ yar. Nnee-i kaa, u kan fit ki baar Yennu naami.

Jɔɔnn 5:19

Ŋanne ki Yisa betib a “Barmɔniie ki n beeri na, min Yennu Bija laat n Baa Yennu nba tuun linbae, ki n mun tuun. N kan fit tun siar nan n mɔŋi. N Baa maŋ nba tuun linba, n mun tuun ŋanne,

Jɔɔnn 6:26

Ki Yisa betib, “Barmɔniie ki n beeri na, li tee ma won turi jeet ki i dii ki gboo nee, ŋanne te ki i loomin maŋ, ŋaan li ki tee ya la n bakitnauŋ toonjaana na kaa.

Jɔɔnn 6:32

Ki Yisa yetib a “Barmɔniie ki n beeri na, li ki tee Moses kaa din teeni jeet maŋi, ŋaan li din tee n Baa Yennue. Ki mɔtana ki u ji loon wun turi jeet nan mɔnii mɔnii nba nyi u boor ni.

Jɔɔnn 6:47

“Barmɔniie ki n beeri na, daanɔ nba teenin yada, ŋɔɔe mɔk manfoor nba kaa gbennu.

Jɔɔnn 6:70

Ki Yisa yetib, “Yimm jab piik nan bannlee na, mine ganni, ŋaan ki i ni yenɔ tee Sintaanii yɔɔ.”