Barŋanii nba ki MAK din sɔb nae na 13:9 - Yennu Gbounpaauŋ Mɔɔr

⁹ “I chek i mɔŋ paak man. Bi tan sa soori ki saan nani buutdamm boor ni, ki booi Yenjiantu diit ni. I tan sa set tinii yudamm nan kpanbara tɔɔnn ni, n sann paak, ki yin betib n barŋanii na.

Yennu Gbouŋ Mɔɔr

⁹ “Ii chek i mɔŋ paak man. Bi tan saa soori ki saan nani buutdamm boor ki booi Yenjiantu diit ni. I tan saa set tinii yudamm nan kpanbara tɔɔnn, n sann paak, ki betib n barŋanii na.

Barŋanii nba ki MAK din sɔb nae na 13:9 ပူးပေါင်းရင်းမြစ်များ

Matiu 5:22

ŋaan min ŋanin beerie la, nan wunba dont wutoor u naa bik paak yann yann, ki li kaa paaki, u tan sii be barii ni barbudaar; ki wunba sukir u naa bik a ‘Bon-yann na,’ u tan sii be barii ni; ki wunba mun bia sukir u naa bik a ‘Bonjatir na,’ u tan sii be barii ni ki kɔɔ muu nba kan mi kpeen na ni.

Barŋanii nba ki MAK din sɔb nae na 1:44

ŋaan yetɔ a “I mi ki a bet sɔɔ li barii; i saa ki jii a mɔŋ ki wann Yennu mantɔɔ na, ki mann mannu nba ki Yennu sɔkinii Moses din senn ki jiin gbaata paaku po na, ki sɔɔ kur-n bann nan a ŋaauk maŋ set gbenna.”

Barŋanii nba ki MAK din sɔb nae na 13:5

Ki u betib a “I chek i mɔŋ paak man, ki daa te ki sɔɔ-n kpanni mani.

Barŋanii nba ki MAK din sɔb nae na 13:8

“Nibooru nan nibooru tan sa kɔn nan leeb; ki kpanbar nan kpanbar mun tan sa took ki kɔn nan leeb. Tiŋ jijekit tan sii be tingbouŋ na loka kur po. Ki kon baak tan sii be. Linba na tan sii tee kaman nan matyiaru pinpiik nee.

Barŋanii nba ki MAK din sɔb nae na 6:11

Li-i tee ki i baar doo nba ni, ki niib na ki gaari, ki bia ki gbiintir i mɔmaan, yin nyi doo maŋ ni, ki pit i taapant ni tant bir li doo ni, ki lin teen siarbiiuk ki turib.”

Barŋanii nba ki LUK din sɔb nae na 9:5

Siaminba kur ki niib ki tooki nan parpeenni, yoo nba ki i nyi doo maŋ ni, yin pit i taapant ni tant bir li doo ni, ki lin wannib nan bi mɔk biite.”

Jɔɔnn 15:20

Yii tian maan nba ki n paki na man, a ‘Daabir kaa ki chee u yomdaanɔ.’ Tɔn, bi-i mukisin, bi mun sa mukisiiwa; ki bi-i sak n maan, bi mun bia sa sak i maama.

Jɔɔnn 16:2

Bi tan sa yɔɔ nyinni Yenjiantu ni. Ki yoo baat ki wunba tan kpi-i, u sii dukii mi a u tuun nna ki teen Yennue.

Toona 21:11

ki baar ti boor ni, ki tan jii Pɔɔl gbann, ki lor u mɔŋ mɔŋ taa nan u nii, ŋaan yet a “Yennu Seyeeŋ nba yaa biaŋinbae na, a gbann na daanɔ, a Juu teeb nba be Jerusalem na tan sa lorɔ nnee, ŋaan jiiu ki kubinɔ binba ki tee Juu teeb na nuu ni.”

Toona 7:54

Tituk kaanu damm na nba gbiint Stiifen maan maŋ ki bi donn wutoor bonbiir ŋaan gbab mɔgbaba.

Toona 9:16

ki n mɔŋ sa wannɔ muksuk nba kur ki u sa di n paak.”

Filipi teeb 1:29

Ya poŋ mɔk yaak nan yin tun ki tur Masia na paak, ki li ki tee ya teenɔ yada na paak kuukɔɔ kaa, ŋaan ya bia di fara u paak na,

2 Tesalonika teeb 1:5

Linba nee want nan Yennu barbunu tee mɔnii; li paak ki u tan sa yet a i jaŋ nan i be u naan ni; u naan maŋ paake ki i di fara maŋ.

2 Jɔɔnn 1:8

Li paak, i mi man kii tan kɔŋ linba ki ti poŋ yabir i paak na, ki i tan sa la i nyɔɔt kur Yennu boor ni.

Fiitu 1:9

Tɔn, min Jɔɔnn wunba tee i naa bik ki taan nani ki di fara nan sukuru Yisa paak, ma din lin ki mɔɔntir Yennu maan, nan Yisa barŋanii, ki bi din jiin ki saan nanin Patmos tiŋ nba ki nyun lintir na ni.

Fiitu 2:10

I daa tiin jaŋmaanii nan fara nba baat i paak na. Gotir man, Sintaanii sa te bin soor i siab ki kɔɔmm dansarik ki bikimm, i bia tan sa la fara ki saa dian daa piik; ŋaan yii teenin yada mɔkmɔk nan i kuun, ki n tan sa pi-i piinii nba tee manfoor.

Fiitu 2:13

ŋɔɔe yet a ‘N mi nan siaminba ki i be na tee siaminba ki Sintaanii naangbouŋ na be, ki n mi nan i set dia n sann; yoo nba ki bi din tan kpii Antipas nba din tee n siara daanɔ nan barmɔnii, i mɔŋ doo nba ki Sintaanii be na, li yoo maŋ gbaa ki i ki yêt n sɔnu.