Barŋanii nba ki MAK din sɔb nae na 13:22 - Yennu Gbounpaauŋ Mɔɔr

²² kimaan faak Masianba nan faak sɔkiniinba tan sa baar ki tuun nyina nan bakitnauŋ toona, a bin kpann niib. Ki li-i taŋŋi sa fit gbaa, bi tan sa kpann binba tee Yennu nifogannkab tiauŋɔ gbaa.

Yennu Gbouŋ Mɔɔr

²² kimaan faak Masia-nba nan faak sɔkiniinba tan saa baar ki tuun nyina nan bakitnauŋ toona, a bin kpann niib. Ki li-i taŋi fit gbaa, bi saa kpann binba tee Yennu nigannkab tiɔŋɔ.

Barŋanii nba ki MAK din sɔb nae na 13:22 ပူးပေါင်းရင်းမြစ်များ

Matiu 24:24

kimaan li yoo maŋ, faak Masianba nan faak sɔkiniinba tan sa nyi ki tuun nyina nan bakitnauŋ toonjaana a bin kpann niib; ki li-i taŋŋi fit gbaa, bi tan sa kpann Yennu nigannkab tiauŋɔ gbaa.

Matiu 7:15

“I mi man faak sɔkiniinba na po, binba baat i boor ni ki naan nan pei na, ŋaan tee kinkata nan barmɔnii na.

Barŋanii nba ki MAK din sɔb nae na 13:21

“Li yoo maŋ, sɔɔ-i taŋŋi beti a ‘Gotir man, Masia be nna;’ amii ‘U be leŋe,’ i daa teeu yada,

Barŋanii nba ki MAK din sɔb nae na 13:23

N poŋ beti bonsiar kure sinsinna, ki yoo maŋ daa ki baari. I chek man fanu.

Barŋanii nba ki MAK din sɔb nae na 13:6

Niib bonchiann tan sa baar ki taan n sann ki kpannii a ŋamme tee min Masia, ki kpann niib bonchiann.

Jɔɔnn 4:48

Ki Yisa betɔ a “Li-i tee ki i ki la nyina nan bakitnauŋ toonjaanai kaa, i kan teenin yada.”

2 Timoti 2:19

ŋaan Yennu nigannkab ŋanin see, ki kan mi ki dammi; ki mɔbona nba sɔb pukin bi paak tee nnee a: “Ti Yomdaanɔ mi binba tee u yab,” ki bia sɔb a, “Wunba kur yet a u tee ti Yomdaanɔ yɔɔe, li kpaa talase ki wun nyik toonbiit tumu.”

1 Jɔɔnn 2:18

N waas, dunia gbennu yoo baat. I poŋ mi gbat a Masia datasɔɔ sa baar; ki mɔtana, Masia datasiab bonchiann poŋ baar na, ki ŋanne te ki ti set bann nan dunia gbennu yoo baat.

1 Jɔɔnn 2:19

Masia datai maŋe nyii ti ni; ŋaan bi ki tee ti yabi. Bi-i bo-i tee ti yabie, timm nan ŋammii bo sii lakin be; ŋaan bi nyikita, ki li want nan bi kur ki tee ti yab setik nan mɔnii.

1 Jɔɔnn 2:26

N sɔbin linba na ki teeni ki chekinti ki jikit saa niib nba yaa bin kpanni na poe;

Fiitu 13:8

Niib kur nba be tingbouŋ na ni, ki bi sana ki sɔb manfoor gbouŋ ni yoo nba ki dunia daa din kaa na, bi sa jiant muuk ni bonkobuk na. Manfoor gbouŋ na tee Pebik nba ki bi din kpiiu na yare.

Fiitu 17:8

a bonkobuk nba ki n la na daan fo sianyoo, ŋaan ji ki fo, ŋaan sa nyi bootsunsuŋ nba kaa terik na ni ki do, ki sa saan siaminba ki u sa biir na boor; a ki niib nba be tingbouŋ na ni ki bi sana ki sɔb manfopaann teeb gbouŋ ni yoo nba ki dunia daa din ki piin na, sa got bonkobuk na lin bakitib, kimaan bee paake? bonkobuk na din fo, ŋaan ji ki fo, ŋaan bia tan sii fo;