Barŋanii nba ki MAK din sɔb nae na 12:1 - Yennu Gbounpaauŋ Mɔɔr

¹ Li yoo ki Yisa jak barjokit yinu a “Jasɔɔ din wuu tilontii u kpaab ni, ki chaan gungouŋ lintir, ŋaan gbiir gbiouk nba ki bi tuu sii ŋmaki tilontii maŋ lɔɔna nyun leŋ; ki bia maa sukir kpaab na ni; ki jii kpaab na ki teen toontunna nii ni a bii gorii. Li-i taŋŋi jaŋ nan pɔɔru, bin pɔɔr ki turɔ, ŋaan mun tan pɔɔr bi yar. Li poorpoe, ki u din yaat saan tinsiak.

Yennu Gbouŋ Mɔɔr

¹ Li yoo ki Yiisa yimm barjouk a “Jasɔɔ din koo tilontii kpaab, ki chaan gungouŋ lintir, ki gbiir gbiouk nba ki bi tuu sii ŋmakii tiinii maŋ lɔɔna nyun leŋ; ki bia maa difoouk a wuu guu tiinii na; ki jii kpaab na ki teen toontunna nii ni a bii gorii. Li-i taŋi jaŋ nan pɔɔru, bin pɔɔr ki turɔ, ŋaan mun pɔɔr bi yar. Li poorpoe, ki u din yaat saan digbansiar.

Barŋanii nba ki MAK din sɔb nae na 12:1 ပူးပေါင်းရင်းမြစ်များ

Matiu 13:3

Ki u din yimm barjokit bonchiann ki yet a “Jasɔɔ din doo kpaab a wun saa bur dii.

Matiu 21:28

Li poorpoe ki Yisa din boib a “I dukii nlee linba na po? Jasɔɔ nna mun din mɔk u waas bannlee, ki tan yet wunba tee saakɔɔ po na a ‘N bik, don kpaab ni ki saa ko dinna.’

Matiu 21:33

Ki Yisa bia din betib a “Gbiintir man barjouk leer. Ŋaadaansɔɔ nnee din be ki wuu tilontii u kpaab ni, ŋaan chaan gungouŋ ki lint tiinii maŋ, ki bia gbiir gbiouk nba ki bi tuu sii ŋmaki tilontii maŋ lɔɔna nyun leŋ, ki bia maa sukir leŋ; ŋaan jii kpaab na ki teen toontunna nii ni a bii gorii. Li-i taŋŋi jaŋ nan pɔɔru, bin pɔɔr ki turɔ, ŋaan mun tan pɔɔr bi yar. Li poorpoe ki u din yaat ki saan tinsiak.

Matiu 21:34

Ki tilɔɔna maŋ punpɔɔr yoo tan baar, ki ŋaadaanɔ na tun u daaba a bin saan toontunna na boor ni a ki saa gaar u tilɔɔna na.

Matiu 25:14

“Yennu naan labaar bia tan sii tee kaman nan ŋaadaansɔɔ nba din lor a wun saan sɔnu, ŋaan yiin u daaba ki tan chentib likirii a bin gaar kii kpentir nee.

Barŋanii nba ki MAK din sɔb nae na 11:33

Li paak, ki bi jiin ki yet Yisa a “Ti ki mi.” Ki u mun betib a “Tɔn, n mun kan beti wunba chabin li yikoo ki n tuun linba na.”

Barŋanii nba ki MAK din sɔb nae na 13:34

Li tan sii tee kaman nan jasɔɔ nba yaa wun nyi u ŋaak ni ki yaatir saa sɔnbanfɔkir, ki chab u ŋaajab yaak a bii dia u ŋaak, ki bia chent bi kura toona, ŋaan bet u ŋaguurɔɔ a wun guu, ŋaan saan.

Barŋanii nba ki MAK din sɔb nae na 3:23

Ki Yisa din yiin wannteeb maŋ a bii baat na, ŋaan yimm barjokit ki boib a “Sintaanii sa sak nyinn u mɔŋii?

Barŋanii nba ki MAK din sɔb nae na 4:2

U din yiimm barjokit ki wantib barii bonchiann.

Barŋanii nba ki LUK din sɔb nae na 15:13

Ŋanne li ki yukiri ki waarɔ po na jii u mɔkint kur ki yaat saan digbann banfɔkira.

Barŋanii nba ki LUK din sɔb nae na 19:12

Ki u yetib a “Nijaansɔɔ din be ki din tan nyii ki saan digbann banfɔkira, a bin saa dinnɔ naan, ki li poorpo ki wun jen kpen ŋaak ni.

Barŋanii nba ki LUK din sɔb nae na 22:9

Ki bi boiɔ a “Lee ki a loon ki tin saan teen siiri?”

Barŋanii nba ki LUK din sɔb nae na 8:10

Ki u jiin ki betib a “Yimm ŋanin, Yennu chab a yin bann woonin ni barii ki jii jiin u naan po, ŋaan nileeb ŋanin, u yimm barjokite, a bin got ŋaan daa laati, ki bia gbiint, ŋaan daa bant li paaki.”

Toona 7:38

“Li bia din tee Moses maŋe din be nan ti niib Israel teeb lakinu ni, muuk ni na. Leŋe ki u din tan doo Sainai jɔɔr paak, ki saa be nan Yennu malaka, ki malaka maŋ din piak ki teen Moses, a Moses-n sɔkin tur ti yejamm Israel teeb. Li yooe ki Moses din gaar Yennu manfoor maan ki tur ti yejamm nan timm.