Barŋanii nba ki MAK din sɔb nae na 10:52 - Yennu Gbounpaauŋ Mɔɔr

⁵² Ki Yisa betɔ a “Tɔn, i saa. Fa teenin yada nee te ki a ninbina na nyɔɔnt.” Li taakpaak ni ki u ninbina nyɔɔnt, ki u ji laat, ki waa Yisa, ki bi saa.

Yennu Gbouŋ Mɔɔr

⁵² Ki Yiisa betɔ a “Tɔn, ii saa. Faa teenin yada nae te ki a nyɔɔnt.” Li taakpaak ni ki u ninbina nyɔɔnt, ki u ji laat, ki waa Yiisa, ki bi saa.

Barŋanii nba ki MAK din sɔb nae na 10:52 ပူးပေါင်းရင်းမြစ်များ

Matiu 11:5

a i la ki jɔɔnii nyɔɔntir, ki wɔbii taa naatir ki bi somm, ki gbaata ŋaat gbent, ki tukpaa ji gbia, ki kpeemm fi kuun ni, ki talasdamm gbiintir barŋanii mɔɔntii.

Matiu 12:22

Li yoo na ki nisiab din baar nan jasɔɔ ki narinbiit be u ni ki teenɔ muuk ki bia teenɔ jɔɔŋ; ki Yisa din te ki u paak, ki u ninbina nyɔɔnt, ki u ji laat, ki bia muut ki ji piak.

Matiu 15:28

Ŋanne ki Yisa ji yetɔ a “N diamm, a teenin yada bonchiann. Linba ki a loon na, lin tun nna ki tura.” Ki u bipoo maŋ la laafia li taakpaak ni.

Matiu 21:14

Ki jɔɔnii nan wɔbii din baar u boor ni Yennu jiantu ŋasaakak ni, ki u din te ki bi kura paaka.

Matiu 8:3

Ki Yisa tant u nuu ŋaan siiu ki yetɔ a “N saka. A ŋaauk maŋ-n gbenn!” Li taakpaak ni ki u ŋaauk na set gbenn.

Matiu 9:22

Ki Yisa din jiant ki la poo na, ki betɔ a “N niipoo, i mɔk parcheenn. Fa teenin yada na paake te ki a la laafia.” Li taakpaak ni, ki u set la laafiawa.

Barŋanii nba ki MAK din sɔb nae na 1:31

Ki Yisa din saan soor u nuu ki fiinɔ kaan, ki u gbanantouŋ maŋ gbenn, ki u fiir ki chantib saauŋ.

Barŋanii nba ki MAK din sɔb nae na 5:34

Ŋanne ki Yisa betɔ a “N niipoo, fa teenin yada na paake te ki a la laafia. I saa nan parmaasir, ki a yiaru kur gbenna.”

Barŋanii nba ki MAK din sɔb nae na 8:25

Ki Yisa bia jii u nii ki yii jɔɔ maŋ ninbina paak; li yoo na ki jɔɔ maŋ ji got sirrr, ki sɔɔ ki u ninbina mɔk laafia, ki u ji laat bonsiar kur pur pur pur.

Barŋanii nba ki LUK din sɔb nae na 7:50

Ki Yisa bet poo na, “Fa teenin yada na, a la tinnuwa. Li paak, i saa nan parmaasir.”

Barŋanii nba ki LUK din sɔb nae na 9:48

ŋaan betib a “Wunba gaar bik nba na n sann paak, u gaar mine; ki wunba mun sak ki gaar min, u gaar wunba tumin nee mun biak; ŋaan wunba mun tee tarik i ni, ŋɔɔe tee nijaann ki gar i kura.”

Jɔɔnn 9:32

La nyii dunia piinu niwa, ti daa ki mi gbat a sɔɔ nyɔɔnt wunba ki bi marɔ jɔɔŋi.

Jɔɔnn 9:39

Ŋanne ki Yisa yet a “N baar tingbouŋ na ni a n bu niib buut, ki bia yent binba ki mɔk ninyentir numm po, ŋaan dɔkin binba mɔk ninyentir numm po.”

Toona 26:18

Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’