Barŋanii nba ki MAK din sɔb nae na 10:22 - Yennu Gbounpaauŋ Mɔɔr

²² Jɔɔ na nba din gbat linba na ki u par ni biir bonchiann, ki u ŋmat kun nan parbiir, kimaan u din mɔk mɔkint bonchiann.

Yennu Gbouŋ Mɔɔr

²² Jɔɔ na nba din gbat linba na, ki u par biir bonchiann, ki u ŋmat kun nan parbiir, kimaan u mɔk mɔkint bonchiann.

Barŋanii nba ki MAK din sɔb nae na 10:22 ပူးပေါင်းရင်းမြစ်များ

Matiu 13:22

Bonboorii nba baa kunkonii ni na mun tee kaman nan wunba gbat Yennu maan na, ŋaan ki tingbouŋ na fara nan mɔkint loomm nyakin maan maŋ u par ni, ki li kan nami.

Matiu 19:22

Ki naasimɔ na nba gbat nna yoonba, ki u seet nan parbiir, kimaan u din mɔk mɔkint bonchiann.

Matiu 27:3

Judas, mɔlanfikdaanɔ na nba gbat ki bi bu joont ki yaa a Yisa ŋan nan kuume na, ki u par din biir bonchiann; ki u jii sarima likibin piinntaa na ki ŋmat saa jiin tur Yennu jiantu yudamm nan saakab maŋ,

Barŋanii nba ki MAK din sɔb nae na 10:21

Ki Yisa gotɔ sirrr nan loomm, ŋaan betɔ a “Ŋaan bonyennkɔɔe pɔta; i kun ki saa kɔi linba ki a mɔk, ki jii li likirii maŋ ki tur talasdamm, ki a tan sa la mɔkint sanpaapo; li poorpo ki a jenna kii waan.”

Barŋanii nba ki MAK din sɔb nae na 10:23

Ki Yisa ŋmant got u poorpoweiteeb na ki lint, ŋaan yetib a “Li sii paar bonchiann nan mɔkita-n kɔɔ Yennu naan ni.”

Barŋanii nba ki MAK din sɔb nae na 6:20

Herod mun din tiin Jɔɔnn, kimaan u mi nan Jɔɔnn tee popeendaanɔ wunba tiin Yennu. Li paak ki u din tinn Jɔɔnn. Ŋaan Jɔɔnn nba mɔɔntir Yennu maan na, ki li ŋmat Herod yan ni bonchiann, ŋaan ki u lek gubint ki gbiintir u maan maŋ.

Barŋanii nba ki MAK din sɔb nae na 6:26

Ki linba na tur bat na parbiir bonchiann, ŋaan u ji din kan fit yêt bik maŋ nba loon linba na, kimaan u dɔŋ senn mɔsonn saamm maŋ boor niwa.

Barŋanii nba ki LUK din sɔb nae na 12:15

Ŋanne ki Yisa ŋamm pak nibur na a “I mi man mɔkint loomm po. Mɔkint bonchiann kaa sa te ki nirɔ-ii mɔk manfoori.”

Barŋanii nba ki LUK din sɔb nae na 18:23

Wa gbat linba na ki u par ji biir, kimaan u din mɔk mɔkint bonchiann.

2 Korint teeb 7:10

Kimaan Yennu-i te ki nisɔɔ la parbiir u biit paak, ŋanne sa te ki wun nyik u biit na ki la tinnu, ki li kan mi ki biir u par jikii; ŋaan tingbouŋ na parbiir ŋanin baat nan kuume.

Efesus teeb 5:5

Li ŋan yii mi nan wunba tee bonchonchonn amii jakint daanɔ amii nianchiauŋ daanɔ, ŋamme kan la yiar Masia nan Yennu naan ni; ki nianchiauŋ tee kaman nan patmannu nee.

2 Timoti 4:10

Demas mantik loon tingbouŋ na bona bonchiann, li paak u nyikin ki mun saan Tesalonikawa.