Barŋanii nba ki MAK din sɔb nae na 10:14 - Yennu Gbounpaauŋ Mɔɔr

¹⁴ Ŋaan wa bann ba tian bi paak biaŋinba na ki u wutoor doo, ki u betib a “Ŋaant man ki waas maŋ-ii baat n boor ni na, ki daa tiammi, kimaan bi boorue yen Yennu naan.

Yennu Gbouŋ Mɔɔr

¹⁴ Waa tan la ki bi tian bi paak na, ki u wutoor doo, ki u betib a “Ŋaant man ki waas maŋ-ii baat n boor ni na, ki daa tiammi, kimaan bi boorue yen Yennu naan.

Barŋanii nba ki MAK din sɔb nae na 10:14 ပူးပေါင်းရင်းမြစ်များ

Matiu 18:10

“I mi man ki sɔɔ-n sian waas maŋ ni yenɔkɔɔ; kimaan li tee barmɔniie, bi malakanba nba be sanpaapo na be Yennu tɔɔnn yoo kur.

Matiu 18:4

Wunba sikint u mɔŋ ki u binbeŋ tee kaman nan bik na binbeŋ na, ŋɔɔe tan sii tee saakɔɔ Yennu naan ni.

Matiu 19:14

Ki Yisa yet a “Ŋaant man ki waas maŋ-ii baat n boor ni na, ki daa tiammi, kimaan bi boorue yen Yennu naan,”

Matiu 5:10

“Binba jiantir Yennu ki bi mukisib na, parpeenn tee bi yare, kimaan Yennu naan tee bi yare.

Matiu 5:3

“Binba mi bi mɔŋ nan bi namii, parpeenn tee bi yare, kimaan Yennu naan tee bi yare.

Barŋanii nba ki MAK din sɔb nae na 3:5

Ki u got ki lintib nan wutoor, kimaan u par din biir bonchiann bi ninkoonii na paak; ki u ŋmant ki bet jɔɔ maŋ a “Tantir a nuu maŋ.” Ki u tant u nuu maŋ ki li la laafia.

Barŋanii nba ki MAK din sɔb nae na 8:33

Ki Yisa gbia jiant got u poorpoweiteeb na, ki ji mun yakii nan Piita a “Fin Sintaanii nba na, seetir nna na. A ki dukii linba tee Yennu yar po kaa, ŋaan dukii linba tee nisaarik yar poe.”

Jɔɔnn 3:3

Ki Yisa betɔ a “Barmɔniie ki n beera na, sɔɔ kan fit ki kɔɔ Yennu naan ni, ki li ki tee ki bi ŋamm marɔ kaa.”

Jɔɔnn 3:5

Ki Yisa yetɔ a “Barmɔniie ki n beera, nirɔ maaru, li kan fit jaŋ nan wun baar Yennu naan ni, ŋaan see ki u la maaru munnlee, ki li tee Yennu Seyeeŋ yar. Nnee-i kaa, u kan fit ki baar Yennu naami.

Toona 2:39

kimaan u poŋ din senn mɔsonn a u sa jii u Seyeeŋ na ki tur yimm nan i waas, nan binba kur be banfɔka, yimm nba kur ki u tan sa yiini ki yin sak u mɔb.”

Toona 3:25

Yennu mɔsona nba ki u din senn ki tur u sɔkiniinba maŋ, li mɔsona tee i yare; ki lor nba ki u din lor nan ti yejamm na, li lor mun bia tee i yare, kimaan u din yet Abraham a ‘A yaaboonyenɔ nie ki tingbouŋ na teeb kura tan sa la n mɔsonŋann.’

Rom Teeb 11:16

Li-i tee ki sinsinn boroboro na tee Yennu yarie, linba biar na mun bia tee u yare. Li-i tee ki tiik jiina tee Yennu yarie, li yiinii na mun bia tee u yare.

Rom Teeb 11:28

Juu teeb nba din ki sak Yisa barŋanii na paake, ki bi teen Yennu datai, ki li te ki yimm nba ki tee Juu teeb na la tinnu; Yennu nba din gann Juu teeb booru ki loomm na, bi yejamm paake te ki u loomm;

1 Korint teeb 14:20

N naa waas, i daa dia bisin ni dudukiti, ŋaan biit ni, yii tee kaman nan sanpantii nee; ŋaant man ki i dudukit-ii tee subintɔɔ dudukit.

1 Korint teeb 7:14

Jɔɔ nba ki tee Masiaweirɔ, ŋaan ki u ŋaapoo tee Masiaweirɔ na, poo maŋ paake teen ki jɔɔ na tan sii yeen; ki poo nba ki tee Masiaweirɔ na mun, ŋaan ki u sɔrɔ tee Masiaweirɔ, jɔɔ maŋ paake teen ki poo na tan sii yeen. Li-i bo-i kii tee nna, bi waas bo kii yeeni, ŋaan la tee nna na paak, bi waas maŋ mun tan sii yeene.

Efesus teeb 4:26

Li-i tee ki a donn wutoor ŋaan fa daa tuun toonbiiti, ki bia daa diar a par ni ki yennu baa,

2 Timoti 1:5

N tian fa teen Yisa Masia yada nan barmɔnii biaŋinba; ki a yaa Lois nan a naa Yunis mun poŋ din teenɔ yadawa. N ki mɔk birsuk nan a mun bia teenɔ yada.

2 Timoti 3:15

ki a bisin niwa a poŋ mi Yennu gbouŋ nba fit teena yan ki wanta fa sa teen Yisa Masia yada ki tinn biaŋinba na.

1 Piita 2:2

I poŋ la nan ti Yomdaanɔ ŋane, li paak, yii loon Yennu mɔmaan man kaman nan sanpantik nba loon biin biaŋinba na; kimaan maan maŋ sa te ki yin kpaat tinnu sɔnu ni.

Fiitu 14:5

Faak bia ki nyi bi mɔi ni; bi tee popeendamme.