Matiu 9:22 - Yennu Gbounpaauŋ Mɔɔr

²² Ki Yisa din jiant ki la poo na, ki betɔ a “N niipoo, i mɔk parcheenn. Fa teenin yada na paake te ki a la laafia.” Li taakpaak ni, ki u set la laafiawa.

Yennu Gbouŋ Mɔɔr

²² Ki Yiisa jiant ki la poo na, ki betɔ a, “N niipoo, ii mɔk parcheenn. Faa teenin yada na paake te ki a la laafia.” Li taakpaak ni, ki u set la laafia.

Matiu 9:22 ပူးပေါင်းရင်းမြစ်များ

Matiu 15:28

Ŋanne ki Yisa ji yetɔ a “N diamm, a teenin yada bonchiann. Linba ki a loon na, lin tun nna ki tura.” Ki u bipoo maŋ la laafia li taakpaak ni.

Matiu 17:18

Ki Yisa tian narinbiiuk na paak, ki u chiar nyii ŋaan nyik bik na, ki u paak ken ken li yoo na.

Matiu 8:13

Ki Yisa din ŋmant ki yet lanjimanba yudaanɔ maŋ a “I kun! Fa teen yada biaŋinba na, lin tun nnee ki tura.” Ki u toontunnɔ na set din paak li yoo na.

Matiu 9:2

Ki nisiab din tan jii jasɔɔ nna ki u gbanant kpo; ki bi din teenɔ liaŋ paak ki baar nanɔ Yisa boor ni. Yisa nba din la ba teenɔ yada biaŋinba na, ki u yet baatɔɔ na a “N bik, i mɔk parcheenn; n nyik chab a biita.”

Matiu 9:29

Ŋanne ki u jii u nuu ki sii bi ninbina, ŋaan betib a “Ya teen yada biaŋinba na, lin tun nnee ki turi.”

Barŋanii nba ki MAK din sɔb nae na 10:52

Ki Yisa betɔ a “Tɔn, i saa. Fa teenin yada nee te ki a ninbina na nyɔɔnt.” Li taakpaak ni ki u ninbina nyɔɔnt, ki u ji laat, ki waa Yisa, ki bi saa.

Barŋanii nba ki MAK din sɔb nae na 5:34

Ŋanne ki Yisa betɔ a “N niipoo, fa teenin yada na paake te ki a la laafia. I saa nan parmaasir, ki a yiaru kur gbenna.”

Barŋanii nba ki LUK din sɔb nae na 17:19

Ŋanne ki u bet jɔɔ maŋ a “Fiit kii saa. Fa teenin yada na paake te ki a la paaku.”

Barŋanii nba ki LUK din sɔb nae na 18:42

Ki Yisa betɔ a “Nyɔɔntir! Fa teenin yada nee te ki a ninbina na la paaku.”

Barŋanii nba ki LUK din sɔb nae na 7:50

Ki Yisa bet poo na, “Fa teenin yada na, a la tinnuwa. Li paak, i saa nan parmaasir.”

Barŋanii nba ki LUK din sɔb nae na 8:48

Ki Yisa betɔ, “N diamm, fa teenin yada na paak te ki a la paaku. I saa nan parmaasir.”

Jɔɔnn 4:53

Ki jɔɔ na tiar nan li yooe tee yoo nba ki Yisa won betɔ a “A bija na paaka na.” Li paak ki ŋɔɔ nan u ŋaateeb kura teen Yisa yada.

Toona 14:9

Ki u din tan gbat Pɔɔl mɔɔntii na. Ki Pɔɔl gotɔ sirrr, ki tan bann nan u mɔk yada nba sa la laafiawa.

Toona 16:18

U din tian ki yikin nna ki li mann nan daa ŋaŋŋa nawa. Ŋanne ki Pɔɔl ji din tan miat nan u yikinii maŋ, ki jiant ki bet narinbiiuk nba be sapaamɔ maŋ ni na a “Yisa Masia sann ni, n tura mɔb, nyimin u ni!” Li taakpaak ni ki narinbiiuk na nyii u ni.

Hiibru teeb 4:2

Kimaan ti gbat barŋanii kaman nan ba mun din gbatir biaŋinba, ŋaan li din ki turib nyɔɔti, kimaan ba din gbatir yoonba bi din ki gaarir nan yada.