Matiu 9:2 - Yennu Gbounpaauŋ Mɔɔr

² Ki nisiab din tan jii jasɔɔ nna ki u gbanant kpo; ki bi din teenɔ liaŋ paak ki baar nanɔ Yisa boor ni. Yisa nba din la ba teenɔ yada biaŋinba na, ki u yet baatɔɔ na a “N bik, i mɔk parcheenn; n nyik chab a biita.”

Yennu Gbouŋ Mɔɔr

² Nisiab din tan jii jasɔɔ ki u gbanant kpowa; ki bi paanɔ liaŋ paak ki baar nanɔ Yiisa boor. Yiisa nba la baa teenɔ yada biaŋinba na, ki u yet baatɔɔ na a “N bik, ii mɔk parcheenn; n nyik chab a biita.”

Matiu 9:2 ပူးပေါင်းရင်းမြစ်များ

Matiu 14:27

Li taakpaak ni ki u betib a “Cheen i para man, li tee mine; i daa tiin jaŋmaanii.”

Matiu 4:24

Ki bi din lin ki mɔɔnt u sann Siria tingbouŋ ni kura po. Ki bi din jikit baatboorii boorii kura, ki baat namm u boor ni: binba din yiar yiarbooru nba kur, gbanantont, binba din gbee nan narinbiit, binba din baa gbitgbia, nan gbanankpeenn damm, ki u din te ki bi paak.

Matiu 6:12

Nyikin chab ti toonbiit kaman nan ta mun nyikit ki chabit binba tuumit biit biaŋinba na.

Matiu 8:10

Yisa nba din gbat linba na, ki li yaar ŋaan litɔ; ki u jiant got niib nba waa u poor po na ki betib a “Barmɔniie ki n beeri na, n daa ki mi la sɔɔ ki u teenin yada na booru yimm Israel teeb niwa gbaa.

Matiu 8:16

Li daar maŋ dajouk, ki bi din jii niib bonchiann nba ki narinbiit be bi ni na, ki baar namm Yisa boor ni; ki u lek pak mɔbonn ki nyinn narinbiit na; ki bia tur binba yiar na kura laafia.

Matiu 9:22

Ki Yisa din jiant ki la poo na, ki betɔ a “N niipoo, i mɔk parcheenn. Fa teenin yada na paake te ki a la laafia.” Li taakpaak ni, ki u set la laafiawa.

Matiu 9:5

Ma yet baatɔɔ na a ‘N nyik chab a biit’ amii ma yaa n yetɔ a ‘Fiit kii somm na,’ maan munnlee na sinsuuk ni lannpoe paari?

Matiu 9:6

N ji sa wanni nan min nisaarik Bik mɔk yikoo tingbouŋ na ni ki sa nyik chab niib bi biit;” ŋaan jiant bet jɔɔ nba ki u gbanant kpo na a “Fiit ki jii a liaŋ kii kun a ŋaak ni.”

Barŋanii nba ki MAK din sɔb nae na 1:32

Li daar maŋ dajonyiɔk, ki niib din jii baatib nan binba ki narinbiit be bi ni na, ki baat namm Yisa boor ni.

Barŋanii nba ki MAK din sɔb nae na 10:49

Ki Yisa set ki yet a “Yiintɔ na man.” Ki bi yiinɔ, ki betɔ a “Cheen a par. U yiia. Fiit ki set.”

Barŋanii nba ki MAK din sɔb nae na 5:34

Ŋanne ki Yisa betɔ a “N niipoo, fa teenin yada na paake te ki a la laafia. I saa nan parmaasir, ki a yiaru kur gbenna.”

Barŋanii nba ki MAK din sɔb nae na 6:50

kimaan bi kur lauwa; ki jaŋmaanii soorib bonchiann. Li taakpaak ni ki u yetib a “Cheen i para man. Li tee mine; i daa tiin jaŋmaanii mani,”

Jɔɔnn 16:33

N beti fara na baaru po a i tan fit kii laat parmaasire, kimaan ya gaa n paak na. I tan sii di fara tingbouŋ na ni. Ŋaan yii mɔk parcheenn man, kimaan min ŋarin nyann tingbouŋ nawa.”

Jɔɔnn 2:25

U din mi niib dudukit bonŋann. Li paak u din ki loon sɔɔ-n wannɔ nifosaarik binbeŋ po.

Jɔɔnn 21:5

Ki u yiimm boib a “Ŋaajab, i soor siarii?” Ki bi jiin a “Aaii.”

Toona 14:9

Ki u din tan gbat Pɔɔl mɔɔntii na. Ki Pɔɔl gotɔ sirrr, ki tan bann nan u mɔk yada nba sa la laafiawa.

Toona 19:12

Ki u din tuu jii u nunfianii ki liat tiat u mɔŋ paak gbaa, ki niib baat ki tan gaan ki paa baatib paak, ki bi yiarii na nyikitib, ki narinbiit nyi baatib ni biak.

Toona 23:11

Li poorpo ki nyiɔk tan bɔnn, ki ti Yomdaanɔ Yisa baar Pɔɔl peŋ, ki tan betɔ a “I mɔk parcheenn. A poŋ turin siara Jerusalema, ki li bia tee talase ki a bia tun nna Rom.”

Rom Teeb 5:11

Ŋaan li kur kaa na; ti bia mɔk parpeenn Yennu nba sommit bonchiann biaŋinba ti Yomdaanɔ Yisa Masia paak, kimaan u paake ki Yennu teent u yɔɔsinba mɔtana.

Jeems 2:18

Li-i tee ki nirɔ yet a “Sɔɔe mɔk yada, ki lɔɔ mun tuun toonŋana,” n mun sa jiin a “Li-i tee ki a ki tuun toonŋana, lannpoe want nan a set mɔk yada? Ŋaan n toonŋana nee wanta nan min set mɔk yada.”