Matiu 8:4 - Yennu Gbounpaauŋ Mɔɔr

⁴ Ŋaan ki Yisa kpaanɔ a “I mi ki a bet sɔɔ barii na, ŋaan i saa Yennu mantɔɔ boor ki jii a mɔŋ ki wannɔ, ki bia mann marouŋ ki tur Yennu kaman nan u sɔkinii Moses nba din senn ki jiin gbaata tebu po na, a sɔɔ kur-n bann nan a ŋaauk maŋ set gbenna.”

Yennu Gbouŋ Mɔɔr

⁴ Ŋaan ki Yiisa kpaanɔ a “Ii mi ki a bet sɔɔ barii na, ŋaan ii saa Yennu manntɔɔ boor ki jii a mɔŋ ki wannɔ, ki bia mann maruŋ nba ki Moses din senn ki jiin gbaata paaku po na, ki sɔɔ kur n bann nan a ŋaauk maŋ set gbenna.”

Matiu 8:4 ပူးပေါင်းရင်းမြစ်များ

Matiu 10:18

Bi tan sa saan nani tiŋ yudamm nan kpanbara boor ni, ki bin bu i buut, kimaan ya waan na paak; ŋaan i tan sa bet ŋamm nan binba ki tee Juu teeb na n barŋanii.

Matiu 16:20

Ŋanne ki Yisa kpaan u poorpoweiteeb na a bii mi ki bin bet sɔɔ nan ŋɔɔe tee Yennu Niganntɔɔ Masia na.

Matiu 17:9

Ba nyii jɔɔr na paak ki sik yoonba, ki Yisa kpaamm a “I daa beer sɔɔ linba ki i la na, ki saa tuu yoo nba ki min nisaarik Bik na tan sa fiir kuun ni.”

Matiu 3:15

Ŋaan ki Yisa yetɔ a “Ŋaant ki lin tun nna mɔtana, kimaan nnee ki li ŋan ki tin tun toonŋana kura.” Li yoo na ki Jɔɔnn sak.

Matiu 5:17

“I daa dukii nan n baar ma n tan kpeen Yennu sennu nan u sɔkiniinba maan nee; n ki baar ma n tan kpeenn kaa, ŋaan n baar ma n sakir nan barmɔniie;

Matiu 6:1

“I daa tuun i toonŋana a niib-n la ki pakiini, kimaan i-i tuun nna, i kan la nyɔɔt i Baa Yennu nba be sanpaapo na boor ni.

Matiu 9:30

Ki bi ninbina maŋ nyɔɔnt; ŋaan ki u din kpaamm fanu a bii mi ki bin bet sɔɔ li po.

Barŋanii nba ki MAK din sɔb nae na 13:9

“I chek i mɔŋ paak man. Bi tan sa soori ki saan nani buutdamm boor ni, ki booi Yenjiantu diit ni. I tan sa set tinii yudamm nan kpanbara tɔɔnn ni, n sann paak, ki yin betib n barŋanii na.

Barŋanii nba ki MAK din sɔb nae na 3:12

Ki u din kpaamm nan nunmɔnn a bi daa mɔɔntirɔ nan niibi.

Barŋanii nba ki MAK din sɔb nae na 5:43

Ŋaan ki Yisa kpaamm a bii mi ki bin yet sɔɔ, ki bia betib a bin tur bik na jeet ki wun di.

Barŋanii nba ki MAK din sɔb nae na 6:11

Li-i tee ki i baar doo nba ni, ki niib na ki gaari, ki bia ki gbiintir i mɔmaan, yin nyi doo maŋ ni, ki pit i taapant ni tant bir li doo ni, ki lin teen siarbiiuk ki turib.”

Barŋanii nba ki MAK din sɔb nae na 7:36

Ŋanne ki Yisa kpaan niib na a bii mi ki bin bet sɔɔ linba ki u tun maŋ po; ŋaan ki bi lek ŋammi ki yarin barii maŋ.

Barŋanii nba ki MAK din sɔb nae na 8:30

Ŋanne ki Yisa kpaamm a bii mi ki bin bet sɔɔ labaar maŋ.

Barŋanii nba ki MAK din sɔb nae na 9:9

Ba nyii jɔɔr maŋ paak ki siik, ki Yisa kpaamm a bi daa beer sɔɔ linba ki bi la na nan yoo nba ki ŋɔɔ nisaarik Bik tan sa fiir kuun ni.

Barŋanii nba ki LUK din sɔb nae na 17:14

Ki Yisa nba lab yoonba ki u yetib a “I saa man Yennu manteeb boor ni ki bin bikini got.” Li yoo maŋ ki bi ŋmat saa Yennu manteeb boor ni; ki bi ŋaat maŋ ji saa gbenn sɔnu ni.

Barŋanii nba ki LUK din sɔb nae na 21:13

Ki ŋanne tan sa te ki i la yaak nba sa pak n po ki turib.

Barŋanii nba ki LUK din sɔb nae na 4:41

Ki u bia din te ki narinbiit nyii niib bonchiann ni. Ba nyii yoonba ki bi tian sanpaapo a “Fin tee Yennu Bijae.” Ŋaan ki u din ki sak ki bi pak jiki, kimaan bi mi nan u tee Yennu Niganntɔɔ Masiae.

Barŋanii nba ki LUK din sɔb nae na 5:14

Ŋanne ki Yisa kpaanɔ a “Daa piak sɔɔ barii na. I saa Yennu mantɔɔ boor ki jii a mɔŋ ki wannɔ, ki bia mann marouŋ ki tur Yennu kaman nan Moses nba din senn ki jiin gbaata paaku po na, ki sɔɔ kur-n bann nan a ŋaauk maŋ set gbenna.”

Barŋanii nba ki LUK din sɔb nae na 9:21

Ŋanne ki Yisa kpaamm nan ninmɔnn a bi daa beer sɔɔ labaar maŋi,

Jɔɔnn 5:41

“N baka kaa nan ki n tun ki maŋ nirɔ par kaa, ŋaan n tuun ki maŋŋit Yennu pare.

Jɔɔnn 7:18

Daanɔ nba piak u mɔŋ mɔŋ wannu, ŋɔɔ loon nibaakir ki teen u mɔŋe. Ŋaan wunba loon a niib-ii baakit wunba tumɔ na, ŋɔɔe tee popeendaanɔ, ki ki mɔk biiti.

Jɔɔnn 8:50

Ŋaan li ki tee min kaa loon nibaakir ki teen n mɔŋi. Yennue loon ki niib-n teenin nibaakir, ki ŋɔɔe tee buut daanɔ.