Matiu 6:2 - Yennu Gbounpaauŋ Mɔɔr

² “Li-i tee ki a yaa a tur talasdamm piiniie, fa daa mɔɔntir kaman nan kpinkpannii damm nba tuun biaŋinba Yenjiantu diit ni, nan doi ni, a niib-n la bi toonŋana ki pakib na. Barmɔniie ki n beeri na, bi poŋ gaar bi nyɔɔta.

Yennu Gbouŋ Mɔɔr

² “Li-i tee ki a yaa a tur talasdaanɔ piiniie, faa daa mɔɔntir nan kpinkpannii damm nba tuun biaŋinba Yenjiantu diit ni, nan doi ni, a niib n la bi toonŋana ki pakib na. Barmɔniie ki n beeri na, bi poŋ gaar bi nyɔɔta.

Matiu 6:2 ပူးပေါင်းရင်းမြစ်များ

Matiu 15:7

Yimm kpinkpannii damm na, Yennu sɔkinii Aisaya nba din pak i po biaŋinba na set tee barmɔniie. U din yet a Yennu yet a

Matiu 16:3

A ŋaan li-i tee ki sanpagbant mɔn ŋaan tan bɔnt sanyiɔk ni, i tuu yet a ‘Dinna ŋanin, saak sa baawa.’ I fit bukitir sanpagbant nyina, ŋaan kan fit bukit mɔtana yoo na-aa?

Matiu 22:18

Ki Yisa din mi bi dudukbiit maŋ. Li paak, ki u din jiin ki betib a “Yimm kpinkpannii damm na, bee ki i loon ki yin kɔɔnin jinjammii ni?

Matiu 23:5

Linba kur ki bi tuun na, bi tuun a niib-n la ki pakibe. Gotir ba jii Yennu sennu waaminna nba sɔb gbanbis paak na ki lor lor bi gbanant paak ki li gbeŋ gbeŋ biaŋinba; bia gotir bi liatbaant mɔgbana nba fɔk fɔk ki yarin yarin biaŋinba.

Matiu 23:6

Bi-i saan jaamm ni, bi tuu loon bii kar yudamm kinkaanii paak; bi-i kɔɔ Yenjiantu diit ni, bi bia loon nijaana kaanii boae.

Matiu 24:51

U yomdaanɔ na sa dat u tubir bonbiir, ki teenɔ kaman nan wa tuu teen kpinkpannii damm biaŋinba na. Leŋ maŋe ki u ji sii fabin mɔn ki junt u nyana.

Matiu 5:18

kimaan barmɔniie ki n beeri na, sanpaak nan tingbouŋ na tan sa gbenn, ŋaan Yennu sennu na nan li bonmintik kan mi bot, see ki li kura tan tun ki gbenn.

Matiu 6:16

“Li-i tee ki i yaa i lor mɔiie, ya daa biir i nunii po kaman nan kpinkpannii damm na, kimaan bi tuu biir bi nunii po, a sɔɔ kur-n la ki bann nan bi lor mɔiie. Barmɔniie ki n beeri na, bi poŋ gaar bi nyɔɔta.

Matiu 6:3

Ŋaan li-i tee ki a yaa a pi talasdaanɔe, fan piu, ki daa te ki a yɔɔnimɔŋ gbaa mi li po.

Matiu 6:5

“Li-i tee ki a yaa a miar Yennu, fa daa tuun kaman nan kpinkpannii damm na nba tuun biaŋinba na, kimaan bi loon bii see Yenjiantu diit nie, nan sɔnpaataa nba be doi ni, kii mei Yennu a niib-ii laatib. Barmɔniie ki n beeri na, bi poŋ gaar bi nyɔɔta.

Matiu 7:5

Fin kpinkpannii daanɔ na, nyint jaantarik nba be a ninbinn ni na sinsinn, ki ji fit la fanu ki nyinn mɔɔnu nba be a lɔɔ ninbinn ni na.

Barŋanii nba ki MAK din sɔb nae na 12:39

bi-i kɔɔ Yenjiantu diit ni, bi loon bii kaar nijaana kaanii paak; bi-i saan jaamm ni, bi bia loon yudamm kinkaanii boae;

Barŋanii nba ki MAK din sɔb nae na 7:6

Ki Yisa jiin yetib a “Yennu sɔkinii Aisaya nba din yet linba po na set tee mɔniie. I tee kpinkpannii damme kaman nan wa din sɔb biaŋinba na a ‘Yennu yet a Niib na teenin nibaakir bi mɔi ni kuukɔɔe, ŋaan bi para set fɔk nanin bonchiann.

Barŋanii nba ki LUK din sɔb nae na 11:41

Turin talasdamm linba be i ŋmanii ni nan i senii ni, ki i nanyer po nan nɔɔk ni kur sii yeen.

Barŋanii nba ki LUK din sɔb nae na 11:43

“Yimm Farisiinba, li sii bi i paak, kimaan i loon nijaana kinkaanii boa Yenjiantu diit ni, ki bia loon niib-ii foonti nan nibaakir foontii dai ni.

Barŋanii nba ki LUK din sɔb nae na 12:33

Li paak amii, kɔin i bona nba ki i mɔk ki jii li likirii ki tur talasdamm, ki i tan sa la mɔkint nba ki mɔk gbennu. Mɔkint maŋ sii be Yendɔuŋ ni, ki kan wati, kimaan nanyukɔɔ kan kpian leŋi, ki bonŋmiŋmabit bia kan mɔɔri.

Barŋanii nba ki LUK din sɔb nae na 12:56

Yimm kpinkpannii damm na, i kpann i mɔŋe; i fit bukitir saak nan naauk baaru yoo, ŋaan bee teen ki i kan fit bann mɔtana yoo na paaki?

Barŋanii nba ki LUK din sɔb nae na 13:15

Ki ti Yomdaanɔ Yisa jiin betɔ a “Yimm kpinkpannii damm, i kur na tuu lootir i nei nan i bonii bonkɔbiloi ni ki daar saa namm ki saa nyuntib foon daa.

Barŋanii nba ki LUK din sɔb nae na 20:46

“Soot i mɔŋ man nan sennu wannteeb; ŋamme loon bii lia liatbaant, kii lin kii somm, ki bia gaan burchinfoontii dai ni; bi-i kɔɔ Yenjiantu diit ni, bi loon bii kaar nijaana kaanii paake; bi-i saan jaamm ni, bi bia loon yudamm kinkaanii boa;

Barŋanii nba ki LUK din sɔb nae na 6:24

“Yimm mɔkita, li sii bi i paak, kimaan i dɔŋ la i yanbɔɔta.

Barŋanii nba ki LUK din sɔb nae na 6:42

Nlee ki a sa bet a lɔɔ a ‘N yɔɔk, ŋaant ki n nyinn mɔɔnu nba be a ninbinn ni,’ ŋaan ki ki laat jaantarik nba be a mɔŋ ninbinn ni? Fin, kpinkpannii daanɔ na, nyint jaantarik nba be a ninbinn ni na sinsinn, ki ji fit la fanu ki nyinn mɔɔnu nba be a lɔɔ ninbinn ni na.

Jɔɔnn 13:29

Kimaan Judas nba din tuu dia likirii pakir na, bi siab din dukii mia a Yisa tumɔ a wun saan saa daa jaamm na jeete, amii u betɔ a wun saan tur talasdamme likirii.

Jɔɔnn 5:41

“N baka kaa nan ki n tun ki maŋ nirɔ par kaa, ŋaan n tuun ki maŋŋit Yennu pare.

Jɔɔnn 5:44

I loon ki i tuun kii maŋŋit i leeb parae, ŋaan i ki fiin nan ki i tuun kii maŋŋit ŋɔɔ Yennu wunba tee Yen-yemmir na pari. Li paak mune te ki i set kan fit ki teenin yada.

Jɔɔnn 7:18

Daanɔ nba piak u mɔŋ mɔŋ wannu, ŋɔɔ loon nibaakir ki teen u mɔŋe. Ŋaan wunba loon a niib-ii baakit wunba tumɔ na, ŋɔɔe tee popeendaanɔ, ki ki mɔk biiti.

Toona 10:2

U din tee Yenjiantitɔɔe; ki ŋɔɔ nan u ŋaateeb kura din jiantir Yennu. U din sommit Juu teeb ni talasdamm bonchiann, ki bia din mei Yennu yoo kur.

Toona 10:31

ki yet a ‘Kɔnelius, Yennu gbat a miaruwa, ki bia tian a ninkpabauŋ toona po.

Toona 10:4

Kɔnelius nba din got la malaka maŋ na, ki jaŋmaanii soorɔ, ki u yet a “N yomdaanɔ, bee?” Ki malaka maŋ jiin a “Yennu gaar a miaruwa, ki bia gaar a ninkpabauŋ toona nba ki a tuun ki teen niib, ki bia tian a po.

Toona 11:29

Yoo nba ki Yisaweira din gbat a kon yaa lin baa na, ki bi din dukin dudukit a bi sa tur sommir; ki wunba fit nyann biaŋinba lek, wun tur Yisaweira nba be Judea na.

Toona 24:17

“Tɔn, ma din nyii Jerusalem, li din yukir bonchiann na, ki n ji tan ŋmat leŋ ma n tur n niib likirii, ŋaan bia pi Yennu piinii.

Toona 9:36

Poosɔɔ mun din be Jɔpa, ki u sann yi Tabita, ŋaan Griik maan ni, bi din yiu Dɔkas, ki li paak tee piarɔ. U din tee Yisaweirɔe, ki din tuun toonŋana bonchiann ki teen niib, ki bia din sommit talasdamm.

Rom Teeb 12:8

li-i tee ki a kpaan a leeb kpaanii, fan tun nna; fin nba mun pi piinii, i tuun nna kaman nan burchimɔ na; wunba mun mɔk yaak niib paak, li ŋan wun tun yaak toonn maŋ bonŋann; ki wunba mun mɔk ninbatinu nan niib, li ŋan wuu mɔk ninbatinu nan parpeenn.

1 Korint teeb 13:3

Mi-i jii n mɔkint kur ki tur tatimm, ki lek jii n gbanant chab ki bi joo muu gbaa Masia paak, ŋaan ki ki mɔk loommi, n ki mɔk nyɔɔti.

Galasia teeb 2:10

Linba yaa kuukɔɔ ki bi din betit li po din tee nnee: a ti daa tammit talasdamm nba be bi sinsuuk ni na po. Li mune ki n set poŋ din loon tumu.

Efesus teeb 4:28

Wunba tuu jaan u leeb bont na wun ji nyik jamu, ŋaan yabir tun toona ki fit tur tatimm linba ki bi loon.

1 Tesalonika teeb 2:6

Ti din ki loon i sɔɔ-n pakiti, amii nisɔɔ.

1 Timoti 6:18

Bii tuun toonŋana, ki bi toonŋana maŋ-ii yab; ki bi nii-ii yaa nan piinii turu.

Filemonn 1:7

N naa bik, a loomm maŋ turin parpeenn nan pardɔɔnn bonchiann, kimaan a cheen Yisa yab kur para.

Hiibru teeb 13:16

I daa nyikit toonŋana tumu, kii chentir ya mɔk linba nan i leeb. Li mannboorue pent Yennu par ni.

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nee; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu-n la paku bonsiar kur ni Yisa Masia paak; ŋɔɔ Yennu yen paku nan paŋ kur yoo nba kaa gbennu. Mɔmɔmm.