Matiu 6:18 - Yennu Gbounpaauŋ Mɔɔr

¹⁸ linba nee sa te ki leeb kan bann nan a lor mɔbi, ŋaan a Baa Yennu nba be woonin ni na kuukɔɔe sii mi; ki a Baa Yennu nba laat linba ki a tuun woonin ni ki teenɔ na sa pa-a paanu ni.

Yennu Gbouŋ Mɔɔr

¹⁸ linba nae saa te ki leeb kan bann nan a lor mɔbi, ŋaan a Baa Yennu nba be woonin ni na kuukɔɔe sii mi; ki a Baa Yennu nba laat linba ki a tuun woonin ni ki teenɔ na saa pa-a ((paanu ni.))

Matiu 6:18 ပူးပေါင်းရင်းမြစ်များ

Matiu 6:4

Tumin woonin ni, ki a Baa Yennu nba laat woonin ni na sa pa-a paanu ni.

Matiu 6:6

Ŋaan li-i tee ki a yaa a miar Yennue, fan kɔɔ a diiuk ni ki loon a gann, ŋaan miar a Baa Yennu nba be woonin ni maŋ, ki a Baa Yennu nba laat linba ki a tuun woonin ni na sa pa-a paanu ni.

Rom Teeb 2:6

kimaan sɔɔ kur sa la u toona nyɔɔt nba tee biaŋinba.

2 Korint teeb 10:18

Kimaan nisɔɔ nba piak u mɔŋ, li ki want nan Yennu numm gboou kaa; ti Yomdaanɔ-i piak wunba, ŋanne want nan Yennu numm gboou.

2 Korint teeb 5:9

Li paak, ti-i be tingbouŋ na ni, amii ti-i taŋŋi be u boor ni, ti ninbinn mɔn a ti penn u par nie.

1 Piita 1:7

Fara maŋ bikii-i a lin laan i teen Masia yada fanu amii-ii? Li tee kaman nan ba tuu jii sarima ki teen muu ni a bin la li biaŋ nee. I yada teenu ŋan ki tur Yennu ki gar sarima gbaa. I yada teenu-i ŋan, ŋanne sa te ki yin la paku nan dontir nan nibaakir yoo nba ki Yisa Masia tan sa nyi paanu.

1 Piita 2:13

Ti Yomdaanɔ paak, i saak man yentdamm mɔi; yii saak wunba tee yent kur daanɔ mɔb;