Matiu 6:13 - Yennu Gbounpaauŋ Mɔɔr

¹³ A daa te ki ti kɔɔ jinjammii ni, ŋaan nyinnit bonbiir ni.’

Yennu Gbouŋ Mɔɔr

¹³ A daa te ki ti kɔɔ jinjammii ni, ŋaan a nyinnit bonbiir ni. ((Kimaan fine yen naan nan yiikoo nan baakir mɔkmɔk nan mɔkmɔk.))’

Matiu 6:13 ပူးပေါင်းရင်းမြစ်များ

Matiu 26:41

Yii nyɔi man ŋaan kii mei Yennu ki i tan daa kɔɔ jinjammii ni, kimaan i sei ŋanin loon lin tun linba ŋan, ŋaan ki i gbanant kaa yaaki.”

Matiu 28:20

ki wannib ki bin sak linba ki n wanni na kura. Ŋaan yii tian man nan n sii be i boor ni yoo kura mɔkmɔk nan dunia gbennu.”

Matiu 5:37

ŋaan ŋaant man ki i jiinu-ii tee, ‘Nn,’ amii ‘Aaii,’ kimaan li-i tee ki a por siar ki pukin linba na paak, li ji nyii Biitdaanɔ maŋe.

Matiu 6:10

ŋaant ki a naan-n baar; ŋaant ki a loomm-n tun tingbouŋ nna, kaman nan la tuun Yendɔuŋ ni biaŋinba na.

Jɔɔnn 17:15

N ki meia ma a nyinnib tingbouŋ na ni kaa, ŋaan n meia ma i baak bi paake fanu, ki bonbiiuk daanɔ Sintaanii daa baat ki biiribi.

1 Korint teeb 10:13

Bikinu nba kur baar i boor ni, li tee linba yɔɔ baat niib boore; ŋaan Yennu tee barmɔnii daanɔ ki kan te ki bikinu-n baar i boor ki gar i paŋ teriki; ŋaan yoo nba ki bikinu baar i boor, u sa turi paŋ nba ki i sa nyannir ki nyi leŋ.

1 Korint teeb 14:16

Fi-i jii barganii ki mei Yennu nan u Seyeeŋ paŋ ni, ki nirɔ nba ki a be nanɔ na ki mi fa yeen linba, u sa teen nleewa ki sak a Yenmiaru na a li tee mɔmɔmme?

2 Korint teeb 1:20

Kimaan ŋɔɔe tee “Nn” Yennu mɔsona kur ni. Linba na paake te ki ti yet a “Mɔmɔmm” Yisa Masia ni, ki li dont Yennu sann.

Galasia teeb 1:4

Yisa Masiae din sak ti Baa Yennu loomm ki din kpo ti biit paak a wun fatit tingbouŋ na biit daabsin ni.

1 Tesalonika teeb 1:10

ki guur u Bija Yisa, wunba tan sa nyi Yendɔuŋ ni ki baar na; wunba ki u din fiinɔ kuun ni, ki u fatit Yennu wutoor nba baat na ni na.

2 Tesalonika teeb 3:3

Ŋaan ti Yomdaanɔ tee barmɔnii daanɔe, ki sa turi paŋ kii guui ki biitdaanɔ Sintaanii kan fit teeni siari.

1 Timoti 1:17

Dont Yennu ki turɔ nibaakir yoo nba kaa gbennu. Ŋɔɔe tee kpanbar nba kan mi kpo ki sii be yoo nba kaa gbennu; ki sɔɔ ki laatɔ; ki u tee Yen-yemmir na. Mɔmɔmm.

Hiibru teeb 11:36

Ki niib din daan siab nyatuk, ki bia boob kpaasir; ki bi baan bi siab nan jarit, ki jiib saan kɔɔmm dansarii ni.

1 Piita 5:8

Yii dia i mɔŋ man, ŋaan kii mi i dataak nba tee Sintaanii na po; u line kaman nan yambɔr nee, ki loon wun la sɔɔ ki soor ŋman.

2 Piita 2:9

Ti Yomdaanɔ Yennu mi biaŋinba ki u sa fat niib nba tiinɔ, ki nyinnib muksuk ni, ŋaan dat biitdamm tuba mɔkmɔk nan daar nba ki u tan sa bu bi buut na.

1 Jɔɔnn 3:8

Sintaanii poŋ tee biitdaanɔe piinu niwa nan mɔtana, ki daanɔ nba tuun biit, ŋɔɔe tee Sintaanii yɔɔ. Ŋaan ki Yennu Bija Yisa sik baar a wun biir Sintaanii toona.

Fiitu 1:18

ki bia tee footɔɔ na, ki din kpo, ŋaan mɔtana n fiira ki sii fo yoo nba kaa gbennu, ki bia mɔk kuun nan kpeentiŋ paŋ;

Fiitu 19:1

Linba na poorpo, ki n gbat fuut Yendɔuŋ ni ki li tee niburchiauŋ paku, ki bi yeen a “Pakin Yennu man; a tinnu nan dontir nan paŋ tee ŋɔɔ Yennu yare;

Fiitu 19:4

Ki saakab piinnlee nan banna na, nan bonfoa banna na gbaan tiŋ ni ki pukii ŋɔɔ Yennu nba kar naangbouŋ paak na; ki bi yeen a “Mɔmɔmm, pakin Yennu man.”

Fiitu 2:10

I daa tiin jaŋmaanii nan fara nba baat i paak na. Gotir man, Sintaanii sa te bin soor i siab ki kɔɔmm dansarik ki bikimm, i bia tan sa la fara ki saa dian daa piik; ŋaan yii teenin yada mɔkmɔk nan i kuun, ki n tan sa pi-i piinii nba tee manfoor.

Fiitu 21:4

ki sa fiar bi ninnyuut kur bi ninbina ni; ki kuun nan parbiir nan mɔnii nan yiaru ji sii kaa, kimaan bonkpera na kur ji gara.”

Fiitu 3:10

Kimaan ya sak n mɔmaan ki mɔk mintir na paak, n sa dia-i bonŋann ki i tan kan kɔɔ bonbiir nba baat tingbouŋ na kur paak a lin tan bikin tingbouŋ na niib na.

Fiitu 3:14

Ki wunba ki n lau na bia betin a n sɔb labaar na ki tur u weira nba lakin be Laodisea doo ni na malaka a “Labaar na nyii wunba sann yi Mɔnii na boore; ki u tee siara daanɔ nba tee barmɔnii daanɔ ki tee siara fanu; ki bia tee linba kur ki Yennu nann na yudaanɔ:

Fiitu 5:13

Ki linba kur ki Yennu din nan na, linba be sanpaapo, nan linba be tingbouŋ na ni, nan linba be kpeentiŋ, nan linba be mɔkgbeŋŋa ni, n gbat bi kur yeen a, “Paku nan nibaakir nan dontir nan paŋ kur-ii be wunba kar naangbouŋ na paak na nan Pebik na paak ki jii saa yoo nba kaa gbennu.”