Matiu 6:10 - Yennu Gbounpaauŋ Mɔɔr

¹⁰ ŋaant ki a naan-n baar; ŋaant ki a loomm-n tun tingbouŋ nna, kaman nan la tuun Yendɔuŋ ni biaŋinba na.

Yennu Gbouŋ Mɔɔr

¹⁰ ŋaant ki a naan n baar; ŋaant ki a loomm n tun tingbouŋ nna, nan laa tuun Yendɔuŋ ni biaŋinba na.

Matiu 6:10 ပူးပေါင်းရင်းမြစ်များ

Matiu 12:50

kimaan wunba kur tuun n Baa Yennu nba be sanpaapo na loommu, ŋɔɔe tee n ninja, nan n niipoo nan n naa.”

Matiu 16:28

Barmɔniie ki n beeri na, siab be nna, ki daa kan kpo see ki bi tan la min nisaarik Bik naan dinu baaru.”

Matiu 26:42

Ki u din ŋmat taar munnlee ni ki saa mei Yennu ki yeen a “N Baa, li-i tee ki fara nba baat n paak na kan fit garin ŋann see ki n diir, ŋaant ki a loomm-n tun.”

Matiu 3:2

“Nyikin man i biit, kimaan Yennu naan dinu per na.”

Matiu 4:17

Li yoo maŋ ki Yisa din piin ki mɔɔntir Yennu barŋanii ki teen niib a “Nyikin i biit man, kimaan Yennu naan dinu per na.”

Matiu 7:21

“Li ki tee binba yin ‘N Yomdaanɔ, n Yomdaanɔ’ na kur kaa tan sa kɔɔ Yennu naan ni, see binba sak n Baa Yennu nba be sanpaapo na mɔb.

Barŋanii nba ki MAK din sɔb nae na 11:10

Yennu mɔsonŋann-ii bia be ti yeja David naan nba baat na paak. Hosana, Yennu wunba be sanpaapo na, tintit mɔtana.”

Barŋanii nba ki MAK din sɔb nae na 3:35

Wunba kur tuun Yennu loomm, ŋɔɔe tee n waarɔ nan n niipoo nan n naa.”

Barŋanii nba ki LUK din sɔb nae na 19:11

Ŋanne ki Yisa yin niib nba gbiintir maan maŋ na barjouk, kimaan bi dukii a Yisa nba per Jerusalem na, a li paak Yennu naan yaa lin baar yiame.

Barŋanii nba ki LUK din sɔb nae na 19:38

“Yennu mɔsonŋann be kpanbar nba baat nan ti Yomdaanɔ Yennu sann paak. Parmaasir be Yendɔuŋ ni; dont Yennu sann sanpaapo man.”

Barŋanii nba ki LUK din sɔb nae na 22:42

ki yet a “N Baa, li-i tee a loomm, daa ŋaant ki n kɔɔ bonbiir nba baat n paak na ni; ŋaan ŋaant ki a loommo-n tun, ki li daa tee n loommu.”

Jɔɔnn 4:34

Ki Yisa jiimm, “Min yaa jeet tee ki mii tuun Yennu nba tumin na yanbɔɔtoona ki gbenn.

Jɔɔnn 6:40

Nnee ki n Baa Yennu loon, a sɔɔ kur nba bann min, u Bija, ki teenin yada, u sa la manfoor nba kaa gbennu; ki n tan sa fiimm kuun ni dunia gbennu daar.”

Jɔɔnn 7:17

Wunba loon wun tun Yennu yanbɔɔtoona, ŋɔɔe sa bann linba ki n piak ki want na nan li nyii Yennu boor amii n boor.

Toona 13:22

Ki Yennu din tan liatɔ u naan ni, ŋaan dinn David a wuu tee bi bat jik. Nnee ki Yennu din pak David po a ‘N bann nan David, wunba tee Jese bik na, mantik gboot n numm, kimaan u sa tun linba kur ki n loon na.’

Toona 21:14

Wa yet nna na, ti mi nan ti ji gbarɔii na, ki ti nyikɔ, ŋaan biar ŋmin, ŋaan yet a “Li fan nan ti Yomdaanɔ.”

Toona 22:14

Ki u betin a ‘Yennu nba tee ti yejamm Yennu na poŋ ganna a a bann u yanbɔɔtoona, a ki bia la popeendaanɔ Masia, a ki bia gbat u mɔŋ mɔŋ kunkɔr,

Rom Teeb 12:2

I daa te ki i binbeŋ tee kaman nan tingbouŋ na niib binbeŋ na, ŋaan ŋaant ki Yennu-n lebit i dudukit nan barmɔnii, kii ŋamm i binbeŋ fanu; ŋanne ki i sa bann Yennu yanbɔɔt nba ŋan ki bia tee fanu ki gbenn.

Efesus teeb 6:6

I daa tiimm yoo nba ki bi tuu gorii-i ki i tuun na kuukɔɔ kaa, a bin pakiini, ŋaan yi jii i mɔŋ teen Masia daaba kii tuun linba tee Yennu loomm nan i para kura.

Kolosa teeb 1:13

ki bia nyinnit Sintaanii bunbɔnn naan ni, ŋaan jiit nan laafia ki kɔɔnt u Bilonkak maŋ naan ni.

Kolosa teeb 1:9

Linba na paak, ta daan gbat i po, ti ki nyik Yenmiaru i paaki a ŋɔɔ Yennu-n te ki i bann u loomm nba tee biaŋinba, ŋaan turi Seyeeŋ yan nan li subinii kur,

1 Tesalonika teeb 4:3

Kimaan Yennu loon ki yii tee popeendamm ki daa tuun bonchonchonn toona.

1 Tesalonika teeb 5:18

kii teen Yennu niipoouk bonsiar kur ni, kimaan ŋanne tee Yennu nba loon biaŋinba, ya tee Yisa Masiaweira na paak.

Hiibru teeb 1:14

Li paak, malakanba tee bee? Bi kur tee sei nba jiantir Yennue, ki ŋɔɔ Yennu tuumm a bii sommit niib nba la tinnu na.

Hiibru teeb 10:36

Li ŋan ki yii mɔk sukuru, ki fit tun Yennu lomm na, ki la wa din senn mɔsonn a u sa turit linba na.

Hiibru teeb 10:7

Li paake te ki n din yet a ‘Yennu, mine na, n sa tun a loomm kaman nan la sɔb a gbouŋ ni ki yet n po biaŋinba na.’ ”

Hiibru teeb 13:21

li Yennu-n ŋamm i binbeŋ fanu a yii tuun u loomm, kii tuun toonŋana kur; Yisa Masia paak wun te ki tii tee binba sii pent u par. Ŋɔɔe yen dontir nan yoo nba kaa gbennu. Mɔmɔmm.

1 Piita 2:15

Kimaan Yennu loommu tee a yii tuun toonŋana ki gɔɔr jatdamm maan nba ki mɔk nyɔɔti.

1 Piita 4:2

La jii yoo na ki saa, i daa jikit i gbanant ki tuun nisaarik loonbiiti, ŋaan kii waa Yennu loomm.

Fiitu 11:15

Li yoo ki malaka nba pukin bannlore na pebir u kikaak na, ki kunkɔsaakara yeen Yendɔuŋ ni a “Tingbouŋ na naan kur kpant ti Yomdaanɔ Yennu nan u Niganntɔɔ Masia yara, ki u sa diab mɔkmɔk nan yoo nba ki mɔk gbennu.”

Fiitu 12:10

Li yoo ki n gbat kunkɔsaakar Yendɔuŋ ni, ki li yeen a “Mɔtana, ti Yomdaanɔ Yennu tinnu, nan u paŋ, nan u naan, nan u Niganntɔɔ Masia yikoo baar na, kimaan bee paake? bi nyinn Sintanii na Yendɔuŋ ni; ŋɔɔ Sintanii tee wunba din biir Masiaweira ki teen Yennu yoo kur na;

Fiitu 19:6

Ŋanne ki n bia gbat kunkɔsiar ki li fu kaman nan niburchiauŋ nba tuu piak ki fu na, ki bia fu kaman nan sutuk ni nyun na, ki bia fu kaman nan satiangbeŋŋa fuut na ki yet a “Pakin Yennu man, kimaan ti Yomdaanɔ Yennu nba mɔk paŋ kur na dii naan kura.

Fiitu 20:4

Ki n la naangbant, ki Yennu tur binba kar li paak na yaak a bin bu buut. Ki n bia la binba ki bi din pot bi yura na sei; ba din mɔɔntir Yisa barŋanii nan Yennu mɔmaan paak ki bi kpiib; bi din ki jiant bonkobuk na, amii li naauŋ na, amii bi bia din ki gaar bonkobuk maŋ dɔk bi yugbia paak amii bi nii ni. Bi fiir kuun nie ki lakin dii naan nan Masia bintusir. Nee tee sinsinn kpeemm fiiru.