Matiu 6:1 - Yennu Gbounpaauŋ Mɔɔr

¹ “I daa tuun i toonŋana a niib-n la ki pakiini, kimaan i-i tuun nna, i kan la nyɔɔt i Baa Yennu nba be sanpaapo na boor ni.

Yennu Gbouŋ Mɔɔr

¹ “I daa tuun toonŋana a niib n la ki paki kaa, kimaan i-i tuun nna, i kan la nyɔɔt i Baa Yennu nba be sanpaapo na boori.

Matiu 6:1 ပူးပေါင်းရင်းမြစ်များ

Matiu 16:27

Kimaan min nisaarik Bik tan sa jen nan n Baa Yennu paŋ, nan n malakanba, ki li yoo maŋ n tan sa pa sɔɔ kur kaman nan u toona nba tee biaŋinba.

Matiu 16:6

Ŋanne ki u betib a “I mi man Farisiinba nan Sajusiinba datinii na po.”

Matiu 23:13

Ki Yisa bia din yet a “Yimm sennu wannteeb nan Farisiinba nba tee kpinkpannii damm na, li sii bi i paak, kimaan yimme loo Yennu naan tammɔb a niib daa kɔɔ. I mɔŋ mɔŋ kan kɔɔ, ŋaan dɔk binba loon bin kɔɔ tammɔb na.

Matiu 23:5

Linba kur ki bi tuun na, bi tuun a niib-n la ki pakibe. Gotir ba jii Yennu sennu waaminna nba sɔb gbanbis paak na ki lor lor bi gbanant paak ki li gbeŋ gbeŋ biaŋinba; bia gotir bi liatbaant mɔgbana nba fɔk fɔk ki yarin yarin biaŋinba.

Matiu 25:40

Ki min Bat na mun tan sa jiin ki betib a ‘Barmɔniie ki n beeri na, ya din tun linba ki tur wunba tee tatimɔɔ n naa waas na sinsuuk ni na yenɔkɔɔ, i din tuun ki teen mine.’

Matiu 5:16

Yimm mun-ii be nna; ŋaant ki i yentu-n yent tur nifosaarii, a bii laat i toonŋana kii dont i Baa Yennu nba be Yendɔuŋ ni na.

Matiu 5:46

Kimaan li-i tee ki i loon binba looni na kuukɔɔe, nyɔlantpoe ki i sa la Yennu boor ni? Li ki tee nna kaa ki nifobiit mun tuumii?

Matiu 5:48

Li paak, yii be man fanu kaman nan i Baa Yennu nba be sanpaapo na nba be fanu biaŋinba na.

Matiu 6:16

“Li-i tee ki i yaa i lor mɔiie, ya daa biir i nunii po kaman nan kpinkpannii damm na, kimaan bi tuu biir bi nunii po, a sɔɔ kur-n la ki bann nan bi lor mɔiie. Barmɔniie ki n beeri na, bi poŋ gaar bi nyɔɔta.

Matiu 6:9

Ya tuu sii mei Yennu biaŋinbae na: ‘Ti Baa Yennu nba be sanpaapo, ŋaant ki bii baakit a sann;

Barŋanii nba ki MAK din sɔb nae na 8:15

Ki Yisa kpaanib a “I mi man, kii guu i mɔŋ nan Farisiinba nan Herod datiŋ na man.”

Barŋanii nba ki LUK din sɔb nae na 11:35

I mi man ki yentu nba be i ni na daa bɔni.

Barŋanii nba ki LUK din sɔb nae na 12:1

Li yoo maŋ ki niib tusa tusa din muk lakin leeb, ki tan ŋmaat leeb taagbina, ki Yisa din pak nan u poorpoweiteeb sinsinn ki yaa a “I mi man Farisiinba binbeŋ po, kimaan bi tee kpinkpannii damme.

Barŋanii nba ki LUK din sɔb nae na 12:15

Ŋanne ki Yisa ŋamm pak nibur na a “I mi man mɔkint loomm po. Mɔkint bonchiann kaa sa te ki nirɔ-ii mɔk manfoori.”

Barŋanii nba ki LUK din sɔb nae na 16:15

Ki Yisa yetib a “Yimm nba na want i mɔŋ nan i tee niburchimme, ŋaan Yennu mi i para ni. Linba ki nirɔ dukii nan li tee bonjaanne ŋaan li nubire Yennu boor.

Jɔɔnn 12:43

Linba na wann nan Juu teeb yudamm maŋ din loon niib-n pakibe, ki gar Yennu-n pakib.

Jɔɔnn 5:44

I loon ki i tuun kii maŋŋit i leeb parae, ŋaan i ki fiin nan ki i tuun kii maŋŋit ŋɔɔ Yennu wunba tee Yen-yemmir na pari. Li paak mune te ki i set kan fit ki teenin yada.

Toona 3:12

Piita nba la niib na yoonba ki u yet a “Yimm Israel teeb, bee ki li yaar ŋaan liti nan nirɔ na? ki bee ki i barii timm nna? Ta te ki jawɔbik na fiir somm na, i dukii mi a li tee ti mɔŋ paŋ amii ti mɔŋ yentinu paakee?

Galasia teeb 6:12

Niib nba loon bin penn Juu teeb para na, ŋamme mukisi a yin pot i puna, a Juu teeb maŋ daa dintib fara Masia dapunpunn na paaki.

Hiibru teeb 11:26

U din dukin a bi-i sukiiɔ Masia paak, li mɔk nyɔɔt bonchiann ki chee Ijipt tiŋ ni mɔkint kura, kimaan u ninbinn din kpaa nyɔɔt nba baat na paake.

Hiibru teeb 2:1

Li paak, li kpaa talase ki tin gbiint barmɔnii nba ki ti din gbat na fanu ki tan daa kɔŋŋitiri.

Hiibru teeb 6:10

Kimaan Yennue ŋan, ki kan tamm ya tun linba ki turɔ amii ya loonɔ biaŋinba ki somm Masiaweira, ki bia daa sommitib na.

2 Jɔɔnn 1:8

Li paak, i mi man kii tan kɔŋ linba ki ti poŋ yabir i paak na, ki i tan sa la i nyɔɔt kur Yennu boor ni.