Matiu 5:37 - Yennu Gbounpaauŋ Mɔɔr

³⁷ ŋaan ŋaant man ki i jiinu-ii tee, ‘Nn,’ amii ‘Aaii,’ kimaan li-i tee ki a por siar ki pukin linba na paak, li ji nyii Biitdaanɔ maŋe.

Yennu Gbouŋ Mɔɔr

³⁷ ŋaan ŋaant man ki i jiinu-ii tee, ‘Nn,’ koo ‘Aaii.’ Li-i tee ki a yet siar ki pukin linba na paak, li ji nyii Sintaanii boore.

Matiu 5:37 ပူးပေါင်းရင်းမြစ်များ

Matiu 13:19

Nirɔ-i gbat Yennu naan barŋanii, ŋaan ki bann li paaki, Sintaanii tuu baare ki tan nyinn linba bo kɔɔ li daanɔ par ni maŋ; ŋanne tee bonboorii nba baa sanjouk paak na.

Matiu 13:38

Tingbouŋ nae tee kpaab na; ki diboorŋanii na tee Yennu naan ni niib; ŋaan ki dinatimii na mun tee Sintaanii niib.

Matiu 15:19

Kimaan nirɔ par nie ki dudukbiit nyi, nan nikpinu, nan bonchonchonn toona, nan nanyukin, nan faak siara, nan sanjaauŋ.

Matiu 5:36

a bia daa yeen a ‘N por n yuri,’ kimaan a kan fit te ki a yukobuk yennkɔɔ-n penn amii ki bɔnni;

Matiu 6:13

A daa te ki ti kɔɔ jinjammii ni, ŋaan nyinnit bonbiir ni.’

Jɔɔnn 17:15

N ki meia ma a nyinnib tingbouŋ na ni kaa, ŋaan n meia ma i baak bi paake fanu, ki bonbiiuk daanɔ Sintaanii daa baat ki biiribi.

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Efesus teeb 4:25

Li paak, ŋaant ki ti nyik faak, ŋaan sɔɔ kur-ii piak barmɔnii kii teen u lɔɔ, kimaan ti tee niyenɔkɔɔe Masia ni.

Efesus teeb 6:16

Linba pukin na paak, yi jii yada nba tee kaman nan naagbankɔŋŋir nba ki i sa fit kpeen Sintaanii peenii nba mɔk muu na,

Kolosa teeb 3:9

I daa fa faak ki teen leebi, kimaan i poŋ nyik linba tuu tee i binbenkper na nan li toonawa;

Kolosa teeb 4:6

Li kpaa talas ki i mɔbona-ii man, kii mɔk baakir, ki yii mi biaŋinba ki i sa gat buboit ki lii took ki tur sɔɔ kura.

2 Tesalonika teeb 3:3

Ŋaan ti Yomdaanɔ tee barmɔnii daanɔe, ki sa turi paŋ kii guui ki biitdaanɔ Sintaanii kan fit teeni siari.

Jeems 5:12

N naa waas, linba kpaa talase tee nee: i daa poor mɔpora. I daa yi sanpaapo amii tiŋ ni bonsiar sann ki poor mɔpora. Ŋaant ki i nn-ii tee i nn, ki i aaii-ii tee aaii, ki Yennu tan daa dar i tuba.

1 Jɔɔnn 2:13

N chanbaanba, i mi Yisa nba poŋ din yɔɔ be mɔkmɔk nan mɔkmɔk na; li paake te ki n sɔbin ki teeni na. Naasimm, i nyann Sintaanii, bonbiiuk daanɔ nawa; li paake te ki n sɔbin ki teeni na.

1 Jɔɔnn 3:12

Li ki ŋan ki tii be kaman nan Keenn nba din be biaŋinba na; ŋɔɔ din tee bonbiiuk daanɔ Sintaanii yɔɔe, ki din kpii u waarɔ. Bee paake te ki u din kpiiu? U din la u waarɔ tuun toonŋana, ŋaan ki u yar bi.

1 Jɔɔnn 5:18

Ki ti mi nan damm nba nyii Yennu ni, bi ki tuun biiti, kimaan Yennu Bija Yisa guub, ki bonbiiuk daanɔ Sintaanii kan teemm siari.