Matiu 5:18 - Yennu Gbounpaauŋ Mɔɔr

¹⁸ kimaan barmɔniie ki n beeri na, sanpaak nan tingbouŋ na tan sa gbenn, ŋaan Yennu sennu na nan li bonmintik kan mi bot, see ki li kura tan tun ki gbenn.

Yennu Gbouŋ Mɔɔr

¹⁸ kimaan barmɔniie ki n beeri na, sanpaak nan tingbouŋ na tan saa gbenn, ŋaan Yennu sennu na nan li bonmintika kan mi bot, see ki li kur tan tun gbenn.

Matiu 5:18 ပူးပေါင်းရင်းမြစ်များ

Matiu 10:15

Barmɔniie ki n beeri na, daar nba ki Yennu tan sa bu niib buut na, doo maŋ niib tubdatu tan sa gar Sodom teeb nan Gomora teeb yara.

Matiu 10:23

Bi-i taŋŋi mukisi digban-yenn ni, yin nyi leŋ ki lɔɔr digbanleer ni; ŋaan barmɔniie ki n beeri na, i daa kan fit ki lin ki gbenn Juu teeb digbana kuri, ki min nisaarik Bik poŋ jenna.

Matiu 10:42

Wunba finn nyumaasin waaminna kuukɔɔ ki tur n poorpoweitɔɔ yenɔ nba pɔ i ni gbaa, nan wa tee n poorpoweitɔɔ na paak, barmɔniie ki n beeri na, u tan kan mi kɔŋ li paauko.”

Matiu 11:11

Ki Yisa bia din yetib a “Barmɔniie ki n beeri na, bi daa ki mi mar sɔɔ ki u chee Jɔɔnn nba daan wuur niib Yennu nyunwuru na, ŋaan wunba joont tarik Yennu naan ni cheeu.

Matiu 13:17

Ŋaan barmɔniie ki n beeri, Yennu sɔkiniinba nan yentina bonchiann din loon bin la linba ki i laat na, ŋaan din ki laati; ki bia din loon bin gbat labaar nba ki i gbia na, ŋaan din ki gbati.”

Matiu 16:28

Barmɔniie ki n beeri na, siab be nna, ki daa kan kpo see ki bi tan la min nisaarik Bik naan dinu baaru.”

Matiu 17:20

Ki u jiin betib a “I yada kaarin paak. Barmɔniie ki n beeri na, li-i tee ki i teen Yennu yada ki li yab kaman nan jinjirik binn na, i sa fit yet jɔɔr na a ‘Fiit ki saa baa nawa,’ ki li set sa fiire; i bo sa fit tun bonsiar kura.

Matiu 18:18

“Barmɔniie ki n beeri na, linba ki i tan lor ki yaa a li kɔɔ tingbouŋ na ni, ŋanne mun bia poŋ kɔɔ Yendɔuŋ ni; ki linba ki i bia yaa a li ki kɔɔ, ŋanne mun bia poŋ ki kɔɔ Yendɔuŋ ni.

Matiu 18:3

ŋaan betib a “Barmɔniie ki n beeri na, wunba ki lebit u binbeŋ ki li tee kaman nan bik binbeŋ na, u kan kɔɔ Yennu naan ni kaawa.

Matiu 19:23

Ŋanne ki Yisa ji yet u poorpoweiteeb a “Barmɔniie ki n beeri na, li sii paar bonchiann nan mɔkitɔɔ-n kɔɔ Yennu naan ni.

Matiu 19:28

Ŋanne ki Yisa jiin ki betib a “Barmɔniie ki n beeri na, yoo nba ki min nisaarik Bik na tan kar n naangbant paak nan paŋ bonchiann dunia paann na ni, yimm nba tee n poorpoweiteeb na mun tan sa kar naangbant piik nan ŋannlee paake, kii bu Israel teeb booru piik nan bannlee na buut.

Matiu 21:21

Ŋanne ki u jiin ki betib a “Barmɔniie ki n beeri na, li-i tee ki i teen Yennu yada nan barmɔnii ki ki birisɔɔ, i mun sii tuun kaman nan ma tun tiik na biaŋinba nee; ŋaan li ki tee nna kuukɔɔ kaa ki i sa tumi, ŋaan li-i tee ki i bet jɔɔr na gbaa a wun fikit ki saa baa mɔkgbeŋŋir na ni, u sa fikita.

Matiu 21:31

Yisa nba din yimm barjouk maŋ ki gbenn na, ki u ji boi niib na a “Waas bannlee na ni, ŋmee tun u baa loommu?” Ki bi jiin a “Saakɔɔ po na.” Ki Yisa betib a “Barmɔniie ki n beeri na, lampogaarteeb nan bonchonchona tan sa dɔŋi Yennu naan ni kɔɔnuwa,

Matiu 23:36

Barmɔniie ki n beeri na, mɔtana nigbouŋ na tan sa la tubdatu toonbiit maŋ kur paake.

Matiu 24:2

Ŋanne ki u boib a “I la linba na nba kuraa? Barmɔniie ki n beeri na, ŋaan bi tan sa tut li kur, ki lu tiŋ niwa, ki li tann yennkɔɔ tan kan biar ki paa leer paaki.”

Matiu 24:47

Barmɔniie ki n beeri na, ŋaadaanɔ maŋ sa jii u mɔkint kur ki teen daabir maŋ nuu ni, a wuu gorii.

Matiu 25:12

Ŋaan pooyookir sɔrɔ na jiin ki betib a ‘Barmɔniie ki n beeri na, n ki miini.’ ”

Matiu 25:40

Ki min Bat na mun tan sa jiin ki betib a ‘Barmɔniie ki n beeri na, ya din tun linba ki tur wunba tee tatimɔɔ n naa waas na sinsuuk ni na yenɔkɔɔ, i din tuun ki teen mine.’

Matiu 25:45

Li yoo maŋe ki n sa jiin ki betib a ‘Barmɔniie ki n beeri na, ya din yêt nan yin tun linba ki tur wunba tee tatimɔɔ n naa waas na sinsuuk ni na yenɔkɔɔ, i din yêt nan yin tun ki tur mine.’

Matiu 5:26

Barmɔniie ki n beera na, a kan mi nyi leŋi, see ki a tan pa likirii kur nba ki bi jiiara, ki kobu kan tenni.

Matiu 6:16

“Li-i tee ki i yaa i lor mɔiie, ya daa biir i nunii po kaman nan kpinkpannii damm na, kimaan bi tuu biir bi nunii po, a sɔɔ kur-n la ki bann nan bi lor mɔiie. Barmɔniie ki n beeri na, bi poŋ gaar bi nyɔɔta.

Matiu 6:2

“Li-i tee ki a yaa a tur talasdamm piiniie, fa daa mɔɔntir kaman nan kpinkpannii damm nba tuun biaŋinba Yenjiantu diit ni, nan doi ni, a niib-n la bi toonŋana ki pakib na. Barmɔniie ki n beeri na, bi poŋ gaar bi nyɔɔta.

Matiu 8:10

Yisa nba din gbat linba na, ki li yaar ŋaan litɔ; ki u jiant got niib nba waa u poor po na ki betib a “Barmɔniie ki n beeri na, n daa ki mi la sɔɔ ki u teenin yada na booru yimm Israel teeb niwa gbaa.

Barŋanii nba ki MAK din sɔb nae na 10:15

Barmɔniie ki n beeri na, wunba ki gaar Yennu naan kaman nan bik na, u kan mi kɔɔ li ni fabaa,”

Barŋanii nba ki MAK din sɔb nae na 10:29

Ki Yisa betib a “Barmɔniie ki n beeri na, wunba kur nyik u ŋaak, amii u ninjamm, amii u niipoob, amii u naanba, amii u baanba, amii u waas, amii u kpaant, n sann paak nan barŋanii na paak,

Barŋanii nba ki MAK din sɔb nae na 11:23

Barmɔniie ki n beeri na, wunba kur yet jɔɔr na a lin fikit ki saa baa mɔkgbeŋŋir ni, ŋaan ki ki mɔk birsuk u par ni, ki teen yada nan wa yet linba maŋ sa tuma, li set sa tun turɔwa.

Barŋanii nba ki MAK din sɔb nae na 12:43

Ki Yisa yiin u poorpoweiteeb ki betib a “Barmɔniie ki n beeri na, pakɔtalasdaanɔ na kpeen piinii nba yab piinii lakir na ni ki gar sɔɔ kur,

Barŋanii nba ki MAK din sɔb nae na 13:30

Barmɔniie ki n beeri na, mɔtana nigbouŋ na kan kpo ki gbenn kaawa ki linba na-n tumii.

Barŋanii nba ki MAK din sɔb nae na 14:18

Ba kar ki di jeet yoonba, ki u tan betib a, “Barmɔniie ki n beeri na, min nan i yenɔ nba di jeet na, li yɔɔ yaa wun nyi n poore.”

Barŋanii nba ki MAK din sɔb nae na 14:25

Barmɔniie ki n beeri na, n ji kan mi ki nyu tilɔɔna nyun na see daar nba ki n tan sa nyu li nyunpaann Yennu naan ni na.”

Barŋanii nba ki MAK din sɔb nae na 14:30

Ki Yisa betɔ a “Barmɔniie ki n beera na, nyiɔk na, a sa nɔi a a ki min taar munntaaewa ki kojouk-n bui leer taar munnlee.”

Barŋanii nba ki MAK din sɔb nae na 14:9

Barmɔniie ki n beeri na, siaminba kur ki bi sa mɔɔnt n barŋanii na tingbouŋ na ni, bi bia sa mɔɔnt poo maŋ nba tun linba na, ki lii tee tiarue ki turɔ.”

Barŋanii nba ki MAK din sɔb nae na 3:28

Ki Yisa ŋamm yetib a “Barmɔniie ki n beeri na, Yennu sa nyik chab nifosaarii bi biit nan bi barbiit kura;

Barŋanii nba ki MAK din sɔb nae na 6:11

Li-i tee ki i baar doo nba ni, ki niib na ki gaari, ki bia ki gbiintir i mɔmaan, yin nyi doo maŋ ni, ki pit i taapant ni tant bir li doo ni, ki lin teen siarbiiuk ki turib.”

Barŋanii nba ki MAK din sɔb nae na 8:12

Li yoo ki u kurint u yan ni ŋaan boib a “Bee teen ki mɔtana nibooru na loon nyinni? Barmɔniie ki n beeri, n kan tun nyinn ki tur mɔtana niib na.”

Barŋanii nba ki MAK din sɔb nae na 9:1

Tɔn, ki Yisa bia yet linba na poorpo a “Barmɔniie ki n yaa n beti, siab be nna ki daa kan kpo see ki bi tan la Yennu naan baaru nan paŋ.”

Barŋanii nba ki MAK din sɔb nae na 9:41

Barmɔniie ki n beeri na, wunba kur got lai ki turi nyun, a ya tee n yab na paak, li daanɔ tan kan mi kɔŋ u paauko.”

Barŋanii nba ki LUK din sɔb nae na 11:51

ba din kpii Abel yoonba na, ki li jii ki tan baar Sekaria kpinu, wunba ki bi din kpiiu Yennu mannu binbintir nan jiantu ŋasaakak sinsuuk ni na. N beeri nan barmɔniie, mɔtana nigbouŋ na tan sa la tubdatu sɔkiniinba kur kpinu nba na paak.

Barŋanii nba ki LUK din sɔb nae na 12:37

Daaba nba ki bi chanbaa kpen ki lab ki bi guu u kpenu na, parpeenn tee bi yare. Barmɔniie ki n beeri na, bi chanbaa na sa te ki u daaba-n kar ki wun baar nan jeet ki turib ki bin di.

Barŋanii nba ki LUK din sɔb nae na 13:35

Gotir man, Yennu nyik i jiantu ŋaak nawa. N beerie na, la nyii dinna ki jii saa, i ji kan mi ki lan ki saa tuu daar nba ki i tan sa yet a ‘Yennu mɔsonŋann-ii be wunba baat nan ti Yomdaanɔ Yennu sann ni na paak.’ ”

Barŋanii nba ki LUK din sɔb nae na 16:17

Sanpaak nan tiŋ tan sa gbenn ŋaan Yennu sennu bonmintik nna gbaa kan mi ki gbenn fabaa.

Barŋanii nba ki LUK din sɔb nae na 18:17

Barmɔniie ki n beeri na, wunba ki gaar Yennu naan kaman nan bik na, u kan mi kɔɔ li ni fabaa.”

Barŋanii nba ki LUK din sɔb nae na 18:29

Ki Yisa betib a “Barmɔniie ki n beeri, wunba kur nyik u ŋaak amii u baa amii u naa amii u poo amii u waas amii u yɔɔrib amii u waarii Yennu naan paaki,

Barŋanii nba ki LUK din sɔb nae na 23:43

Ki Yisa betɔ a “Barmɔniie ki n beeri, dinna min nan fin sii be Paradais ni.” ((Bi bia yi Yendɔuŋ Paradais, ki li paak tee siaminba ki parpeenn bonchiann be.))

Barŋanii nba ki LUK din sɔb nae na 4:24

Barmɔniie ki n beeri na, niib kan gaar Yennu sɔkinii u mɔŋ mɔŋ doo ni.

Jɔɔnn 1:51

Barmɔniie ki n beeri na, i sa la sanpaapo loot, ki Yennu malakanba siik nisaarik Bik na paak, ki ŋmat do sanpaapo.”

Jɔɔnn 10:1

Ki Yisa bia yetib a “Barmɔniie ki n beeri na, nirɔ nba ki tɔkin pelook tammɔb ki kɔɔ, ŋaan doo joonn ki kɔɔ, li yɔɔe tee nanyukɔɔ.

Jɔɔnn 10:7

Li paak, ki u bia ŋamm ki betib a “Barmɔniie ki n beeri na, mine tee pelook na tammɔb.

Jɔɔnn 12:24

Barmɔniie ki n beeri na, li-i tee ki bi bur dibinn tiŋ ni, li tuu piae, ŋaan ki dibinn na-n kpo. Li poorpo dibinn na-n kpaat, ŋanne ji tuu te ki lin nan dii bonchiann. Ŋaan li-i tee ki bi ki bur dibinn maŋ, li kan kpo, ki bia kan nan; li sii tee dibinyenne.

Jɔɔnn 13:16

Barmɔniie ki n beeri na, daabir ki chee u daanɔ, ki toomu mun ki chee wunba tumɔ na.

Jɔɔnn 13:38

Ki Yisa boiɔ a “A set teen siir nan mɔnii nan ki a gaar n paak ki kpo-oo? Barmɔniie ki n beera na, kojouk daa tan kan bui daanni, ki a tan sa nɔi taar munntaa a a ki mimi.”

Jɔɔnn 14:12

“Barmɔniie ki n beeri na, daanɔ nba teenin yada, u sii tuun toonjaana kaman nan ma tuun biaŋinba na, ki u toonjaana maŋ gbaa sa gar n yara, kimaan n saa n Baa Yennu boore.

Jɔɔnn 16:20

Barmɔniie ki n beeri na, i tan sii fabin ki mɔ, ŋaan tingbouŋ na ŋaateeb ŋarin tan sii mɔk parpeenne. I sii mɔk parbiir, ŋaan li poorpo ki i parbiir maŋ tan sa tunn ki teen parpeenn.

Jɔɔnn 16:23

“Li yoo-i taŋŋi baar, i tan kan boin buboiti, kimaan i tan sii mi li paak. Barmɔniie ki n beeri na, linba kur ki i mei n Baa Yennu nan n sann ni, u sa turiiwa.

Jɔɔnn 21:18

Barmɔniie ki n beera na, fa din daa tee naasimɔ na, a din tuu lia a tiat, ki saa siaminba po ki a loon; ŋaan a-i taŋŋi kpet yoonba, a sa tant a nii, ki sɔɔ sa lanna tiat, ki mukisa ki a saan siaminba po ki a ki looni.”

Jɔɔnn 3:11

Barmɔniie ki n yaa n beta, ti beeri linba ki ti mi, nan ta bia la linbae, ŋaan ki i ki gaan ti maami.

Jɔɔnn 3:3

Ki Yisa betɔ a “Barmɔniie ki n beera na, sɔɔ kan fit ki kɔɔ Yennu naan ni, ki li ki tee ki bi ŋamm marɔ kaa.”

Jɔɔnn 3:5

Ki Yisa yetɔ a “Barmɔniie ki n beera, nirɔ maaru, li kan fit jaŋ nan wun baar Yennu naan ni, ŋaan see ki u la maaru munnlee, ki li tee Yennu Seyeeŋ yar. Nnee-i kaa, u kan fit ki baar Yennu naami.

Jɔɔnn 5:19

Ŋanne ki Yisa betib a “Barmɔniie ki n beeri na, min Yennu Bija laat n Baa Yennu nba tuun linbae, ki n mun tuun. N kan fit tun siar nan n mɔŋi. N Baa maŋ nba tuun linba, n mun tuun ŋanne,

Jɔɔnn 6:26

Ki Yisa betib, “Barmɔniie ki n beeri na, li tee ma won turi jeet ki i dii ki gboo nee, ŋanne te ki i loomin maŋ, ŋaan li ki tee ya la n bakitnauŋ toonjaana na kaa.

Jɔɔnn 6:32

Ki Yisa yetib a “Barmɔniie ki n beeri na, li ki tee Moses kaa din teeni jeet maŋi, ŋaan li din tee n Baa Yennue. Ki mɔtana ki u ji loon wun turi jeet nan mɔnii mɔnii nba nyi u boor ni.

Jɔɔnn 6:47

“Barmɔniie ki n beeri na, daanɔ nba teenin yada, ŋɔɔe mɔk manfoor nba kaa gbennu.

Jɔɔnn 6:53

Ki Yisa betib, “Barmɔniie ki n beeri na, see ki i ŋman min nisaarik Bik gbanant, ki bia nyuu n sɔn. Nnee kaa, i kii mɔk manfoor maŋ i ni.

Jɔɔnn 8:34

Ki u yetib a “Barmɔniie ki n beeri na, sɔɔ kur nba tuun toonbiit, u tee biit daabire.

Jɔɔnn 8:51

Barmɔniie ki n beeri na, daanɔ nba saak n maan, u kan mi ki kpo.”

Jɔɔnn 8:58

Ki Yisa jiin yetib a “Barmɔniie ki n beeri na, ba din tan maar Abraham na, ŋaan sɔɔ ki min ŋarin poŋ kpan be.”

1 Piita 1:25

ŋaan ti Yomdaanɔ maan na ŋanin kaa gbennu.” Maan maŋe tee barŋanii nba ki bi din mɔɔntir ki teeni na.

Fiitu 20:11

Ki n bia la naan gboungbeŋŋir nba peen bonchiann, ki sɔɔ kar li paak; ki tingbouŋ nan sanpaapo mir bot u tɔɔnn, ki sɔɔ ji kan mi ki lab.