Matiu 5:12 - Yennu Gbounpaauŋ Mɔɔr

¹² Bi-i taŋŋi teei nna, yii mɔk parpeenn man bonchiann, kimaan i nyɔɔt tan sii yab Yendɔuŋ ni; nnee ki bi poŋ din mukis Yennu sɔkiniinba nba din be yaayoo ni na.

Yennu Gbouŋ Mɔɔr

¹² Bi-i taŋi teei nna, ii mɔk parpeenn bonchiann man, kimaan i nyɔɔt tan sii yab Yendɔuŋ ni; nnae ki bi din mukis Yennu sɔkiniinba nba din be yaayoo ni na.

Matiu 5:12 ပူးပေါင်းရင်းမြစ်များ

Matiu 16:27

Kimaan min nisaarik Bik tan sa jen nan n Baa Yennu paŋ, nan n malakanba, ki li yoo maŋ n tan sa pa sɔɔ kur kaman nan u toona nba tee biaŋinba.

Matiu 6:16

“Li-i tee ki i yaa i lor mɔiie, ya daa biir i nunii po kaman nan kpinkpannii damm na, kimaan bi tuu biir bi nunii po, a sɔɔ kur-n la ki bann nan bi lor mɔiie. Barmɔniie ki n beeri na, bi poŋ gaar bi nyɔɔta.

Barŋanii nba ki LUK din sɔb nae na 13:34

“Jerusalem teeb, nbaayoo, yimm nba kpi Yennu sɔkiniinba, ki bia jaat u toomiinba nba ki u tumm i boor ni na tana, bikinu bikinu taar muŋŋae ki n gbaa ma n lakini yomm kaman nan korik nba tuu lakin u kobis u kpinkpant ni na, ki i ki saki.

Barŋanii nba ki LUK din sɔb nae na 6:23

Yii mɔk parpeenn jik kii kpamm, kimaan i nyɔɔt tan sii yab Yendɔuŋ ni; bi yejamm mun din tee Yennu sɔkiniinba nnee.

Barŋanii nba ki LUK din sɔb nae na 6:35

“Li paak, yii mɔk loomm nan i datai man, kii tuun linba ŋan kii teemm. Li-i tee ki i kpent nirɔ ki li yukir, ya daa biir i para li paaki, kimaan i nyɔɔt tan sii yab, ki i bia tan sii tee Yabint Yennu waas, kimaan ŋɔɔe tuun linba ŋan ki teen binba ki teenɔ niipoouk, nan biitdamm.

Toona 16:25

Ki li din tan tee kaman nan tansuunii na, ki Pɔɔl nan Sailas din tan mei Yennu ki yiin yanii ki piakɔ, ki dansarkɔɔleeb na ji gbiintirib.

Toona 5:41

Ŋann maŋe ki toomiinba maŋ nyii tituk kaanu na ni nan parpeenn, Yennu nba la ki bi jaŋ nan feidinu, Yisa sann paak na.

Rom Teeb 5:3

Ti bia mɔk parpeenn ti fardinu ni, kimaan ti mi nan fardinu baat nan sukurue,

1 Korint teeb 3:8

Bɔkitu kaa wunba buur nan wunba maant nyun na sinsuuk ni. Yennue sa turib nyɔɔt ba tun linba na paak.

2 Korint teeb 4:17

Li paak, farmintik nba ki ti di ki li kan yukiri, li tan sa baar nan parpeenn nba yab ki kaa gbennu ki turit, ki parpeenn maŋ tan sii yab ki gar ti fardinu na bonchiann,

Filipi teeb 1:29

Ya poŋ mɔk yaak nan yin tun ki tur Masia na paak, ki li ki tee ya teenɔ yada na paak kuukɔɔ kaa, ŋaan ya bia di fara u paak na,

Filipi teeb 2:17

Li-i tee ki n lu n miar na ki pukin fara nba ki n poŋ dii ma n te ki yin teen yada na, li bo sii manin, ki n bo sii mɔk parpeenn nan i kura.

Kolosa teeb 1:24

Ki mɔtana n mɔk parpeenn n fara dinu ni i paak, kimaan ma di fara maŋ biaŋinba na, n tontir fara dinu nba ki Masia din senn ma n di u gbanant nba tee u weira na paak na.

Kolosa teeb 3:24

Yi tian man nan ti Yomdaanɔ maŋ tan sa turi nyɔɔt nba tee u niib yar sanpaapo, kimaan Masia tee barmɔnii Yomdaanɔ ki i tuun teenɔ.

1 Tesalonika teeb 2:15

Ŋamm Juu teebe din kpii ti Yomdaanɔ Yisa Masia nan Yennu sɔkiniinba, ki bia mukis timm na. Linba na paak, bi ki penn Yennu par ni, ki bia ki penn nirɔ kur par ni.

Hiibru teeb 10:34

I din mɔk ninbatinu nan binba be dansarii ni; ki sianyoo bin din tan fat i yent, ŋaan ki i lek mɔk parpeenn, kimaan i mi nan ya bia mɔk yent nba chee ki ki mɔk gbennu yaayoo.

Hiibru teeb 11:26

U din dukin a bi-i sukiiɔ Masia paak, li mɔk nyɔɔt bonchiann ki chee Ijipt tiŋ ni mɔkint kura, kimaan u ninbinn din kpaa nyɔɔt nba baat na paake.

Hiibru teeb 11:33

Bi yada paak ki bi siab din kɔn ki nyann tinii, ki siab mun tun linba tee fanu, ki siab mun gaar Yennu mɔsona, ki siab soor yambɔra mɔi,

Hiibru teeb 11:6

Nirɔ-i kii teen Yennu yada, li yɔɔ kan fit penn ŋɔɔ Yennu par ni, kimaan wunba kur baat Yennu boor ni, li kpaa talas ki li yɔɔ-n teen yada nan Yennu set be ki teen binba loonɔ na nyɔɔt.

Jeems 1:2

N naa waas, yii mɔk man parpeenn yoo nba ki i di fara booru booru na,

Jeems 5:10

N naa waas, ti Yomdaanɔ Yennu sɔkiniinba nba din pak u sann ni na, gotir man ba din laat fara ki mɔk sukuru biaŋinba na, ki lii tee wannu ki turi.

1 Piita 4:13

Ya di fara Masia paak na, yii mɔk parpeenn man, ki yoo nba ki u tan sa nyi paanu nan yentsaakar ni, i sa la parpeenn bonchiann.