Matiu 5:10 - Yennu Gbounpaauŋ Mɔɔr

¹⁰ “Binba jiantir Yennu ki bi mukisib na, parpeenn tee bi yare, kimaan Yennu naan tee bi yare.

Yennu Gbouŋ Mɔɔr

¹⁰ “Binba jiantir Yennu ki bi mukisib na, parpeenn tee bi yare, ŋamme tee Yennu naan yab.

Matiu 5:10 ပူးပေါင်းရင်းမြစ်များ

Matiu 10:23

Bi-i taŋŋi mukisi digban-yenn ni, yin nyi leŋ ki lɔɔr digbanleer ni; ŋaan barmɔniie ki n beeri na, i daa kan fit ki lin ki gbenn Juu teeb digbana kuri, ki min nisaarik Bik poŋ jenna.

Matiu 19:14

Ki Yisa yet a “Ŋaant man ki waas maŋ-ii baat n boor ni na, ki daa tiammi, kimaan bi boorue yen Yennu naan,”

Matiu 25:34

Ki min, Bat na, sa yet binba see n nuudiitu po na a ‘Yimm nba ki n Baa Yennu senn mɔsonŋann i paak na, i saana man ki tan kɔɔ naan nba ki Yennu din ŋamm ki guuni dunia piinu niwa na,

Matiu 5:3

“Binba mi bi mɔŋ nan bi namii, parpeenn tee bi yare, kimaan Yennu naan tee bi yare.

Barŋanii nba ki MAK din sɔb nae na 10:14

Ŋaan wa bann ba tian bi paak biaŋinba na ki u wutoor doo, ki u betib a “Ŋaant man ki waas maŋ-ii baat n boor ni na, ki daa tiammi, kimaan bi boorue yen Yennu naan.

Barŋanii nba ki MAK din sɔb nae na 10:30

u tan sa bia la bona ki lin gar wa nyik linba na. U tan sa la ŋei, nan ninjamm, nan niipoob, nan naanba, nan waas, nan kpaant, kobii-kobiie tingbouŋ na ni, ki bia gaar muksuk ki pukin; ki yoo nba baat na ki u bia tan sa la manfoor nba kaa gbennu.

Barŋanii nba ki LUK din sɔb nae na 21:12

Ŋaan linba na kur daa kan teen daanni, ki bi tan sa soori ki dinni muksuk, ki kubini Yenjiantu diit yudamm nii ni, ki kɔɔni dansarii; ki bi tan sa saan nani kpanbara nan tiŋ yudamm boor ni ki bin bu i buut, kimaan ya waan na paak.

Barŋanii nba ki LUK din sɔb nae na 22:29

N Baa Yennu nba gannin ki dinnin naan biaŋinba na, nnee mun ki n mun yaa n ganni

Barŋanii nba ki LUK din sɔb nae na 6:20

Li yoo na ki Yisa got u poorpoweiteeb ŋaan yet a “Yimm tatimm, parpeenn tee i yare, kimaan Yennu naan tee i yare.

Barŋanii nba ki LUK din sɔb nae na 6:22

“Niib-i nami ki bɔkitiri ki sukii-i ki biir i sana, kimaan ya waa min nisaarik Bik na paak, parpeenn tee i yare.

Jɔɔnn 15:20

Yii tian maan nba ki n paki na man, a ‘Daabir kaa ki chee u yomdaanɔ.’ Tɔn, bi-i mukisin, bi mun sa mukisiiwa; ki bi-i sak n maan, bi mun bia sa sak i maama.

Toona 5:40

ki yiin toomiinba maŋ ki kɔɔmm, ki te ki bi boob kpaasir, ŋaan ŋaab, ŋaan turib mɔb a “I mi man ki i ji kii yi Yisa sann maŋ.”

Toona 8:1

Ki Sɔɔl din sak ba din yaa bin kpiu na po. Li daar maŋe ki muksubiir din baar Yisaweira nba din be Jerusalem na paak; ki bi kura din nyii yat ki saan Judea nan Samaria yaka po, ŋaan nyik toomiinba na kuukɔɔ leŋ.

2 Korint teeb 4:17

Li paak, farmintik nba ki ti di ki li kan yukiri, li tan sa baar nan parpeenn nba yab ki kaa gbennu ki turit, ki parpeenn maŋ tan sii yab ki gar ti fardinu na bonchiann,

Filipi teeb 1:28

I daa tiin i datai mani; yii mɔk parcheenn ki lin wannib nan ŋamme tan sa baa ŋaan ki yin do, kimaan Yennue teeni li nyannu.

2 Timoti 2:12

Ti-i ŋammit yabii, ti mun tan sa di naan nanɔe; ŋaan ti-i yaa a ti ki miu, u mun tan sii yaa a u ki miti;

2 Timoti 3:11

nan niib nba mukisin biaŋinba, nan n fardinu. A mi linba kura tumin Antiok, nan Ikonium nan Listra. A mi ma din la muksubiit biaŋinba; ŋaan ti Yomdaanɔe din nyinnin li kur ni.

Jeems 1:12

Binba nyann bikinu na, parpeenn tee bi yare, kimaan Yennu sa turib nyɔɔt nba tee manfoor nba ki u din senn mɔsonn a u sa tur binba loonɔ na.

Jeems 5:11

Li nibooru nba mɔk sukuru na, ti yib parpeenn damme. I poŋ gbat Job nba din tan mɔk sukuru biaŋinba na, ki li poorpo ki Yennu din tan nyinnɔ u fara ni. Li want Yennu nba mɔk ninbatinu ki tinit ninbaauk biaŋinbae.

1 Jɔɔnn 3:12

Li ki ŋan ki tii be kaman nan Keenn nba din be biaŋinba na; ŋɔɔ din tee bonbiiuk daanɔ Sintaanii yɔɔe, ki din kpii u waarɔ. Bee paake te ki u din kpiiu? U din la u waarɔ tuun toonŋana, ŋaan ki u yar bi.

Fiitu 2:10

I daa tiin jaŋmaanii nan fara nba baat i paak na. Gotir man, Sintaanii sa te bin soor i siab ki kɔɔmm dansarik ki bikimm, i bia tan sa la fara ki saa dian daa piik; ŋaan yii teenin yada mɔkmɔk nan i kuun, ki n tan sa pi-i piinii nba tee manfoor.