Matiu 4:24 - Yennu Gbounpaauŋ Mɔɔr

²⁴ Ki bi din lin ki mɔɔnt u sann Siria tingbouŋ ni kura po. Ki bi din jikit baatboorii boorii kura, ki baat namm u boor ni: binba din yiar yiarbooru nba kur, gbanantont, binba din gbee nan narinbiit, binba din baa gbitgbia, nan gbanankpeenn damm, ki u din te ki bi paak.

Yennu Gbouŋ Mɔɔr

²⁴ Ki bi din lin mɔɔnt u sann Siria tingbouŋ kur po. Ki bi din jikit baatbooru booru kur, ki baat namm u boor: binba din yiar yiarbooru nba kur, li gbanantont, nan binba din gbee nan narinbiit, nan binba baa gbitgbiia, nan gbanankpeena damm, ki u te ki bi la laafia.

Matiu 4:24 ပူးပေါင်းရင်းမြစ်များ

Matiu 12:22

Li yoo na ki nisiab din baar nan jasɔɔ ki narinbiit be u ni ki teenɔ muuk ki bia teenɔ jɔɔŋ; ki Yisa din te ki u paak, ki u ninbina nyɔɔnt, ki u ji laat, ki bia muut ki ji piak.

Matiu 14:1

Li yoo maŋ ki Galilee batsaakɔɔ Herod din tan gbat Yisa bakitnauŋ toonjaana po,

Matiu 15:22

Ŋanne ki Kenann tiŋ ni poosɔɔ nna mun din be bɔkir maŋ po, ki tan baar Yisa boor ni, ki yeen a “N Yomdaanɔ, David yaaboonn, tinimin ninbaauk! Narinbiiuk be n bipoo ni, ki mukisɔ bonchiann.”

Matiu 17:15

“N Yomdaanɔ, tinin n bija na ninbaauk, kimaan u baa gbitgbiire; li daamɔ bonchiann ki u tuu tan baa muu ni, ki bia tuu tan baa nyun ni yoo kura.

Matiu 17:18

Ki Yisa tian narinbiiuk na paak, ki u chiar nyii ŋaan nyik bik na, ki u paak ken ken li yoo na.

Matiu 4:23

Yisa din lin Galilee tiŋ maŋ kura po, ki want niib Yennu maan, jiantu diit ni, ki mɔɔntir Yennu naan barŋanii mɔɔntii ki teemm, ki te ki binba mɔk yiarboorii boorii kur nan binba mɔk gbanantont kur paak.

Matiu 8:28

Yisa nba din poot Galilee mɔkgbeŋŋir na, ki u kɔɔ Gerasa tiŋ ni. Ki jab bannlee, binba gbee nan narinbiit na din nyii kaat ni ki chetɔ; bi din mɔk jaŋmaanii hei, ki sɔɔ ki fit gaar ba be siami.

Matiu 8:33

Ki binba guu doorii maŋ fiir ki chiar ki saan doo ni, ki saa mɔɔnt linba kur teen maŋ, nan biaŋinba ki narinbiit nyii waatib na ni.

Matiu 8:6

“N Yomdaanɔ, n toontunsɔɔe yiar; u gbanant kpowa, ki li mukisɔ bonchiann, ki u dɔɔ diiuk ni.”

Matiu 9:26

Ki bi din mɔɔnt li labaar tingbouŋ maŋ ni kur po.

Matiu 9:35

Tɔn, ki Yisa din kak lin doi kur ni nan digbanbis ni, ki kɔɔ Yenjiantu diit ni, ki mɔɔntir Yennu naan barŋanii ki want niib, ki te ki binba yiar yiarboorii boorii kur paak, nan binba yiar yiarbiit kur.

Barŋanii nba ki MAK din sɔb nae na 1:28

Li taakpaak ni ki u sann din mɔɔnt ki lin Galilee tiŋ ni kura.

Barŋanii nba ki MAK din sɔb nae na 1:32

Li daar maŋ dajonyiɔk, ki niib din jii baatib nan binba ki narinbiit be bi ni na, ki baat namm Yisa boor ni.

Barŋanii nba ki MAK din sɔb nae na 2:3

Ki niib banna din tan jii baatsɔɔ ki u gbanant kpo; ki bi teenɔ liaŋ paak a bin baar nanɔ Yisa boor.

Barŋanii nba ki MAK din sɔb nae na 2:4

Ba din ki fit baar u boor kimaan niib nba din yabit na paak, ki bi chɔɔ loot mɔpinn yur paak, ki sikin baatɔɔ na nan liaŋ na ki tan birɔ Yisa tɔɔnn ni.

Barŋanii nba ki MAK din sɔb nae na 2:9

Ma yet baatɔɔ na a ‘N nyik chab a biit’ amii ma yaa n yetɔ a ‘Fiit ki jii a liaŋ kii somm na,’ maan munnlee na sinsuuk ni lannpoe paarii?

Barŋanii nba ki LUK din sɔb nae na 2:2

Ŋanne din tee sinsinn nikant sɔbu, ki Kirinius din tee Siria tiŋ yudaanɔ li yoo.

Barŋanii nba ki LUK din sɔb nae na 4:14

Ki Yisa din gbee nan Yennu Seyeeŋ paŋ ki tan ŋmat saan Galilee. Ki bi din mɔɔnt u labaar ki li yat tiŋ maŋ kur kur.

Barŋanii nba ki LUK din sɔb nae na 4:38

Li yoo na ki Yisa din nyii Yenjiantu diiuk na ni ki saan Simon ŋaak. Ki bi saa la Simon dianpook yiar yiarpaaru, ki bi barin Yisa, poo na po.

Barŋanii nba ki LUK din sɔb nae na 5:15

Barmɔnii ki Yisa sann set din doo bonchiann ki gar sinsinn yoo na, ki niburchiauŋ din lakin u boor a bii gbiintir u maan, ki baatib nba be leŋ na bia loon bii laat paaku.

Barŋanii nba ki LUK din sɔb nae na 5:24

N ji sa wanni nan min nisaarik Bik mɔk yikoo tingbouŋ na ni ki sa nyik chab niib bi biit;” ŋanne ki u jiant bet jɔɔ nba ki u gbanant kpo na a “Fini, fiit ki jii a liaŋ kii kun a ŋaak ni.”

Barŋanii nba ki LUK din sɔb nae na 7:17

Ki Yisa labaar na din yat Judea tiŋ nan digbankpinii kpinii nba kpia leŋ maŋ kura.

Jɔɔnn 10:21

Ki leeb mun yaa a “Nirɔ nba ki narinbiiuk be u ni na kii piak nna. Nlee ki nirɔ nba ki narinbiiuk be u ni na sa fit nyɔɔnt jɔɔŋi?”

Toona 10:38

I bia poŋ mi biaŋinba ki Yennu nyinn senn Yisa maŋ, ki turɔ u Seyeeŋ nan u paŋ, ki u lin ki tuun toonŋana, ki bia te ki binba kur ki Sintaanii teemm baatib na la laafia, kimaan Yennu be nanɔ.

Toona 15:23

Ki bi din yaa bin tumm nan gbouŋ, ki sɔb a “Timm Yisa toomiinba nan Yisaweira saakab sɔbin gbouŋ na ki foont yimm ti naa waas binba ki tee Juu teeb ki be Antiok nan Siria nan Silisia.

Toona 15:41

Ki bi din saan, ki saa gar Siria nan Silisia yaka po. Ki Pɔɔl din piak ki cheen Yisaweira para doi na ni.

Toona 28:9

Wa din te ki u paak na, ki baatleeb nba be leŋ na kura din baar, ki u tan te ki bi mun paak.